1 Samuel 2:12 - Syin Chin Bible

¹² Eli ii tapate sia mihing phelphol vive hi. Amate in Topa a awlmaw bua uh hi,

1 Samuel 2:12 Iomraidhean Croise

1 Kumpite 21:10

Mihing pha ngawl nii in a maitang panin Pathian le kumpipa a haamsiatna huvau mawsuansak vun. Tua zawkciang khuapi puasia ah paipui in suangtum taw deanglum vun,” ci hi.

1 Kumpite 21:13

Misia te nii in ama sia mipi mai ah Pathian le kumpipa haamsiat hi ci in mawsuanh hi, tua ahikom ama sia khuapi puasia ah kipaipui in suangtum taw kideanglum hi.

Jeremiah 2:8

Thiampite in, ‘Topa koisung om ziam?’ ci in zongh dongh ngawl uh hi. Keima ii thiampite mama in kei hong he ngawl uh hi. Ngam ukte in kei hong langpan uh a; kamsaangte in Baal min suangin thuson uh a, tuaciang bangma kimanna a nei ngawl milimte bia uh hi.

Jeremiah 22:16

Ama in mizawngte tungah a pha in thukhen a, tuaciang ama atu in na theampo a pha suak hi. Tuabang ahi theina in Topa a heak hang ahi hi.

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Ezekiel 22:26

Thiampite in ka thukham paltan a, a thiangtho na te ciliap ngawl hi. Amate in a thiangtho nate le a thiangtho ngawl nate a khen bua uh hi. Amate in na a thiangthote le a nin kilamdanna hil ngawlin, Sabbath a melsia uh hi. Tua taw kizui in Israel mite in kei hong zakta bua uh hi.

John 16:3

Mihingte in note tungah hi bang a ngamtat natu te sia amate in Pa ahizong kei ka hizong hong heak ngawl hang ahi hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

John 8:55

No sia ama na he ngei bua uh hi, ahihang kei in ka he hi. Ama he ngawl khi hi, ci tu hi leng, noma bangma in a leilot ka suak tu hi. Ahihang ama ka heak hi a, tuaciangin ama ii thu ka ni hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

2 Corinth te 6:15

Christ le Doaimangpa sia bangbangin thu kisi thei tu ziam? Thu um khat in thu um ngawl khat taw bangbangin na khat nei khawm thei tu ziam?

Thuhil kikna 13:13

a masa na biak ngeingawl uh pathiante a bia tu in na minam sung pan mihing ngina ngawl pawlkhat in amate khua puite a lampui khialna thu na za thei tu uh hi.

Thuhil kikna 13:14

Tuabang kamleang na za uh le a maan le a maan ngawl kantel vun a; hi bang thu pha ngawl piang takpi ahile,

Thukhente 19:22

Amate nuam takin a om laitak thakhat thu in khua sung pan numei le pa vai in a paktat pawlkhat in kiim uum a, kongkha nawmngawp uh hi. Amate in pasal huai pa munah, “Nang taw hong cia khawm pa sia hong pusua ta'n! Numei ompui bangin ompui nuam khu hi!” ci uh hi.

Thukhente 2:10

Tua khang bup mi theampo zongh thi siat zo a, tuaciang a khang kikte in Topa le ama ii Israel atu a sep a vawtte mangil uh hi.

1 Samuel 10:27

Ahihang mihing mannung ngawl pawlkhat in, “Hi sia pa in ei tungah a pha khat po bangbangin hong vawt thei thong tu ziam?” ci uh hi. Saul sia simmaw in letsong bangma a puak bua uh hi.

1 Samuel 25:17

Nong hesuakna in hi thu a pha tak ngaisun in, na vawt tu sia khensat in. Hi sia in ih topa le a innkuanpuite atu lalna piangsak thei tu hi. Ama sia mawmaw thinpui khat hi a, kuama nadon ngawl hi,” ci hi.

1 Samuel 3:13

Ama munah a bangkua sia a tawntung daan ka piak tu son zo khi hi, banghang ziam cile a tapate kei hong langpanin kamsia pau uh hi. Eli in hite sia he nginge ahihang tho ngawl hi.