1 Samuel 2:11 - Syin Chin Bible

¹¹ Tua zawkciang Elkanah sia Ramah ah cia kik hi, ahihang Samuel patangno sia Shiloh ah taang a, thiampi Eli khutnuai ah Topa naseam hi.

1 Samuel 2:11 Iomraidhean Croise

1 Samuel 1:1

Ephraim mualtung ngam Ramah khua ah Ephraim nam ahi Elkanah a kici pasal khat om hi. Ama sia Jeroham ii ta, Elihu ii tupa hi a, Tohu baangkua, Zuph bee le phung sung pan ahi hi.

1 Samuel 1:19

A zingsang kik ciang Elkanah le a innkuanpuite tho pal in, Topa a biak zawk uh ciang Ramah khua ah ciakik uh hi. Elkanah in a zi Hannah ompui a, Topa in a zi thungetna zo hi.

1 Samuel 1:28

Tua ahikom Topa tungah ama aaptuam khi hi. A nuntak lai theampo ama sia Topa neisa suak tu hi,” ci hi. Tua zawkciang amate in tua munah Topa bia uh hi.

1 Samuel 2:18

Tua hun sungin patang Samuel sia puanneal kawngsawm thiangtho khat taw Topa na seam hi.

1 Samuel 3:1

Tua hun lai, patang Samuel in Eli ii lamlakna bang a Topa atu a sep lai in, Topa tung pan thu hong pai sia tawm mama hi, tuaciang mang muna te tam ngawl hi.

1 Samuel 3:15

Samuel sia zingsang dong lupna tungah om hi; tua zawkciang tho in, Topa inn kongkha hong hi. A mangmuna huvau Eli tungah a son tu sia lau hi.

1 Samuel 7:17

Tua zawkciang ama sia Ramah ah cia kik in, tua munah thukhenmang seam hi. Ramah ah Topa atu biaknatau khat saa hi.