1 Samuel 2:10 - Syin Chin Bible

¹⁰ Topa ii ngalte sia kisusia cip tu hi; Topa in amate vantung panin vanto bangin langpan tu hi. Topa in leitung buppi thu hong khen tu hi; ama in a kumpipa tungah vaangletna pia tu hi, ama ii teal kumpipa in zosak tu hi.

1 Samuel 2:10 Iomraidhean Croise

2 Samuel 22:14

Tuaciang Topa in van pan vanto nging bang hisak a, Vaanglianbelpa Pathian ii aw kiza hi.

2 Samuel 7:13

Ama sia biakinn khat kei atu a sa tu pa hi tu a, a kumpi khangngui a tawntungin ka kizomsak tu hi.

2 Samuel 7:8

“Tua ahikom ka naseampa David munah na son in a, Kei, Vaanglianbelpa Topa in, ‘Lo sungah tuu cingin na omna panin nang kong la a, Israel ka mite a uk pa kong suaksak hi.

Job 40:9

Nang keima bangin hat ni ziam? Na aw keima vanto aw bangin na ngingsak thei ziam?

Psalm Late 132:17

Hi sungah David ii suan khat sia kumpi lian khatin ka siam tu hi; hi sungah ka tealsa kumpipa ukna ka keamcing tu hi.

Psalm Late 148:14

Ama ii a it mama Israel mite ahi ama mite theampo in ama a pok natu in ama in ama ii minam thahatsak hi. Topa pok vun!

Psalm Late 2:2

A kumpite in leedo a, a ukpite taw Topa le a teal kumpipa a thimthamin langpan khawm uh hi.

Psalm Late 2:6

Ama in “Ka mual thiangtho Zion ah ka kumpipa ka koi zo hi,” ci hi.

Psalm Late 2:9

Nangma in amate thikmol taw na veltham tu a, leibeal tam bek bangin amate na sutham tu hi.

Psalm Late 20:6

Topa in ama tealsa kumpipa sia zawna pia hi ci, tu in ka he hi; ama in a thiangtho vantung panin ama ii ngetnate zo hi, tuaciang ama ii vaangletna taw zawna lianpi te pia hi.

Psalm Late 20:7

Pawlkhat in amate ii ngalsimna siphu ngalleangte muang hi, a dangte in a siphute muang uh hi, ahihang eite in Topa ih Pathian ii vaangletna ih muang hi.

Psalm Late 21:1

Topa awng, kumpipa lungdam hi, banghang ziam cile ama thahatna na pia hi; ama ngalzo pa na suasak manin lungdam hi.

Psalm Late 28:8

Topa in ama mite sungsia hi; ama in a tealsa a kumpipa hungin hun hi.

Psalm Late 45:7

a maan na dei a, a siate na ensan hi. Tua hu in nangma ii Pathian in nang hong teal zo a, kumpi dang khat po sangin na tungah lungdamna a tamzaw hong buak zo hi.

Psalm Late 89:17

Nangma in zawna lianpite nong pia hi; na itna sungah zawna nong mualsuasak hi.

Psalm Late 89:24

Ama ka it tu a, ama tungah ka thumaan tu hi; ngalzo tawntung tu in ama ka siam tu hi.

Psalm Late 89:25

Mediterranean panin Euphrates ngun dong a kumpi ngam ka keau tu hi.

Psalm Late 96:13

leitung uk tu in Topa hong pai ciang, lungdam in au tu uh hi. Ama in leitung mite sia thukhaikim taw a pha in a uk tu hi.

Psalm Late 98:9

banghang ziam cile ama in leitung uk tu in hong pai hi. Ama in leitung mite sia thumaanna taw a pha in uk tu hi.

Pusuana 15:6

“Topa awng na khut ziatsang, thahat in lamdang a; tua khut in ngalte semtham hi.

Thuhilsya 11:9

Khangnote awng, na khangmoi hun nuamsa vun. Na khanmoi lai in lungdam vun. Na vawt nop po vawt vun a, na lungngulna bangin ngamta vun. Ahihang Pathian in na vawtna tungah thu hong khen tu cisia ciamtee tavun.

Thuhilsya 12:14

Pathian in ih sep ih vawtte theampo, a pha ahizong, a sia ahizong, ih vawt kute ngawngawn dongin thu hong khen tu hi.

Isaiah 29:6

Vaanglianbelpa Topa in vanto le zinliing taw nang hong suatak tu hi. Ama in vuipi nguapi le a kuang vazak mei khiak tu a,

Isaiah 32:1

Khatvei ciangin thutuumna taw a uk kumpi khat le, thukhaikim thu taw a uk ngam lampuite om tu hi.

Isaiah 45:24

“Amate in keima taw bekin ngalzawna om a thahatna kinga hi ci tu uh hi; ahihang kei hong ngaimawte theampo in maimawlna thuak tu uh hi.

Ezekiel 29:21

“Tua thu hong pian ciang Israel mite ka thahatsak tu hi, Ezekiel awng, ngual theampo ii hong zaak thei natu mun panin thu kong sonsak tu a, tuasia ciang keima sia Topa ka hi hunlam hong he tu uh hi,” hong ci hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Luke 1:69

Ama in a vaanglian Hunpa khat hong pia a, a naseampa David ii suan ahi hi.

Luke 19:27

Tu in a kumpipa tu in hong dei ngawl ka ngalte, hi munah hong paipui tavun a keima mai ah that vun,’ ci hi,” ci in son hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Sawltakte 4:27

Banghang ziam cile Herod le Pontius Pilate in hi khuapi ah Gentile te le Israel mite taw kisitua in, a thiangtho na Naseampa Jesus, Messiah tu a, na vawt pa sia langpan takpi uh hi.

2 Corinth te 5:10

Banghang ziam cile eite theampo thukhenna thuak tu in Christ mai ah ih ding nanak tu hi. Mihing khat simin a leitung pumpi nuntak sungah ama ii sepna a pha a sia taw a kiphu a kilawm in nga tek tu uh hi.

Thukhente 5:31

Topa awng, na ngalte theampo tuabang veu in thi tahen, ahihang na lawmte sia nisuak bangin taang tahen! Tuaciang ngam sungah kum 40 kilemna om hi.

1 Samuel 12:13

“Tu in hi sungah noma teal kumpipa om hi; na nget uh sia ama hi a, tuaciang Topa in no hong pia hi.

1 Samuel 12:17

Tu hun sia khuakhaal laitak hi kana ngawl ziam? Ahihang thu kong ngen tu a, Topa in vanto sakin nguatui hong puak tu hi. Hi bangin hong pian ciang kumpipa khat na nget uh sia Topa tungah nasia takin maw na hi uh hunlam na kiphawk tu uh hi,” ci hi.

1 Samuel 12:18

Tua ahikom Samuel in thungen a, tua ni ma in Topa in vanto sakin nguazusak hi. Tuasia ciang mi theampo in Topa le Samuel kiita uh hi,

1 Samuel 12:3

Hi sungah om khi hi. Ka sep ka vawt khat po ahi ngawl a om le tu in Topa le a tealsa kumpipa mai ah maw hong suan tavun. Mihing khat po ii khui ahizong, laa ahizong kong laaksak ngei ziam? Akua khat po kong theam ngei, kong nengniam ngei ziam? Khat po tung pan sumnguk kong saang ngei ziam? Hi bang khat pawpo ka ngamta ngei le ka laak babang pia kik tu khi hi,” ci hi.

1 Samuel 15:28

Samuel in ama munah, “Topa in Israel kumpi ngam sia tuni in na khut sung pan hong eaukeaksak zo hi, tuaciang nang sangin a phazaw mihing khat tungah pia zo hi.

1 Samuel 16:1

Topa in Samuel munah, “Saul tungtaang bang tanvei khuangai tu ni ziam? Israel kumpipa a hina nial zo khi hi. Ahihang tu in olive thau tawm la in a, Bethlehem khua ah pai in Jesse a kici pasal khat sia kungah haw ta'n, banghang ziam cile ama ii tapate khat kumpi tu in teal zo khi hi,” ci hi.

1 Samuel 7:10

Samuel in sangaw biakpiakna a vawt laitakin, Philistine te in a sim tu in mai hong kaa uh hi; ahizong tuasia po ciang Topa in vantung panin amate tungah vanto keaksak hi. Amate sia a lungmang cip a, patau in tai uh hi.