1 Samuel 2:1 - Syin Chin Bible

¹ Hannah in hi bangin thungen hi: “Topa in ka lungtang sia lungdamna taw hong dimh hi; Ama ii sepna sate hu in bangza in ka lungdam ziam! Ka ngalte ka nuisan hi; Pathian in hong hu ahikom bangza in ka thinnuam ziam!

1 Samuel 2:1 Iomraidhean Croise

2 Khangtaanghthu 20:27

Topa in a ngalte zawsak zo ahikom Jehoshaphat lampui in, a ngalkapte Jerusalem ah zawna le lungdamna taw cia kik uh hi.

Nehemiah 11:17

Asaph suan, Mica ii tapa, Zabdi ii tupa ahi Mattaniah. Ama in lungdamko thungetna ah biakinn lasa pawlte lampui hi. Mattaniah nasep a huu pa Bakbukiah. Jeduthun suan, Shammua ii tapa, Galal ii tupa ahi Abda.

Job 16:15

Khuangai in khau-ip puan ka silh a, hi sung leivui sungah ngallel in ka tocip hi.

Psalm Late 118:14

Topa in vaang hong pia a hong hatsak hi; ama in kei hong hun zo hi.

Psalm Late 13:5

A kip nong itna hong suang khi hi; ka lungdam tu hi, banghang ziam cile nangma in nong suatak tu hi.

Psalm Late 148:14

Ama ii a it mama Israel mite ahi ama mite theampo in ama a pok natu in ama in ama ii minam thahatsak hi. Topa pok vun!

Psalm Late 18:2

Topa in kei hong dal pa hi a, ama sia a kip a kho ka kulhpi `ahi hi. Ka Pathian in ka kidalna hi, ama taw ka kikop ciang kei ka ngammuang hi. Ama in lum bangin kei hong dal hi, ama in kei hong dal a, hong sungsia hi.

Psalm Late 20:5

Tuasia ciang nang ii zawna tungtaang ah lungdamna taw kong au tu uh hi, Eite ii Pathian pokna taw na zawna poai ka khaam tu uh hi. Topa in na nget theampo hong tungsak tahen.

Psalm Late 21:2

Ama ii lungngul sia na pia zo a, hong ngetna bangin na zo kik zo hi.

Psalm Late 35:9

Tuasia ciangin keima in Topa hangin ka lungdam tu hi; banghang ziam cile ama in hong hun hi.

Psalm Late 51:15

Topa awng, ka pau thei natu in hong hu ta'n, tuaciang nangma kong pok tu hi.

Psalm Late 71:8

Nitangtum in nang kong pok a, na minthanna ka thangsak hi.

Psalm Late 75:10

Ama in mihing seksolte thahatna suktansak tu a, ahihang thutangte thahatna sia kikhanto tu hi.

Psalm Late 89:17

Nangma in zawna lianpite nong pia hi; na itna sungah zawna nong mualsuasak hi.

Psalm Late 89:18

Topa awng, nangma in kote hong dalpa nong tealsak hi; Israel ii a Thiangtho Pathian awng, nangma in ko atu kumpipa nong pia hi.

Psalm Late 89:24

Ama ka it tu a, ama tungah ka thumaan tu hi; ngalzo tawntung tu in ama ka siam tu hi.

Psalm Late 9:14

tua hi le Jerusalem mihingte mai ah ding thei a, nangma kong pokna thute theampo ka son thei tu hi. Nangma in kei nong hut manin ka lungdam tu hi.

Psalm Late 92:10

Ngam khuital bangin nong hatsak zo hi; lungdamna taw thupha nong pia zo hi.

Pusuana 15:1

Tuaciang Moses le Israel te in hi la Topa tungah sak uh hi: “Ama in a minthang ngalzawna khat nga ahikom, Topa tungah la ka sa tu hi; ama in siphute le a tung tote tuipi sungah lawn hi.

Pusuana 15:21

Miriam in amate lasak hi: “Topa tungah lasa vun banghang ziam cile, Ama in a minthang zawna khat zo zo hi; Ama in siphute le a tung tote tuipi sungah lawn zo hi.”

Habakkuk 3:1

Hisia in kamsaangpa Habakkuk thungetna ahi hi.

Habakkuk 3:18

ka lungdamin ka thinnuam veve lai tu hi. Banghang ziam cile Topa Pathian in ka ngumpa ahi hi.

Luke 1:69

Ama in a vaanglian Hunpa khat hong pia a, a naseampa David ii suan ahi hi.

Romete 5:11

Ahihang tua teng bek hi ngawl hi; Pathian lawmte hong suaksak Topa Jesus Christ tungtawn a Pathian sepna tungah ih lungdam hi.

Thuhil kikna 33:17

Joseph in khuital khat ii thahatna nei a, Ngam khuital kiite nei hi. Ama kiite sia Manasseh mi a tul a tul le Ephraim mi tulsawmte ahi hi. Tuate taw minamte sii a, leimong dongah nawk hi,” ci hi.

Philippi te 3:3

A maan vunteap atna a neite sia amate hi ngawl a, eima ih hi zaw hi, banghang ziam cile eite in Pathian sia ama Thaa taw ih bia a, Christ Jesus taw pumkhat a ih nuntakna sung ah, a lawpte ih hi hi. A puatham cii le sa limte tungtaang ah eite in muanna ih nei bua hi.

Philippi te 4:4

Topa taw pumkhat na hi hu in, a tawntung lungdam tavun. Kong ci kik hi: na lungdam tavun!

Philippi te 4:6

Na khat pawpo atu in thinngim heak vun, ahihang na thungetna theampo ah na kisap uh te, Pathian tungah lungdamko nopna thin taw na ngen tawntung vun.

1 Peter 1:8

Ama mu ngeingawl na hi uh hang na it uh a, tu zongh in ama mu ngawl na hi uh hang na um uh hi. Tua ahikomin, kam taw a kison zo ngawl dongin lungdamna lianpi taw nasia takin na lawp uh hi,

Thupualaakna 18:20

Vantung awng, ama ii lalna hu in, lungdam in! Pathian ii mihingte, sawltakte le kamsaangte awng, lungdam tavun! Banghang ziam ci le ama ii note hong vawtna hu in, Pathian in ama daan pia zo hi!

1 Samuel 1:6

A kidem pui Peninnah in ama sia nunau zazaan in, a maizum thethei tu in vawt sia hi, banghang ziam cile Topa in Hannah sia ta selsak hi.

1 Samuel 1:7

Kum khat zawk kum khat hi bangin papai a; Topa ii inn ah a pai uh simin Peninnah in Hannah a thin lalsak mama ahikom Hannah sia kap a, bangma a ne nuam bua hi.