1 Samuel 16:4 - Syin Chin Bible

⁴ Samuel in Topa sawl teng vawt tu in Bethlehem ah pai hi, tua munah ama muak tu in khuapi lampuite liing liangin hong pai uh a, “A mukhol thei pa awng, nong hawna sia kilem thu hi buang hi ngawl ziam?” ci in dongh uh hi.

1 Samuel 16:4 Iomraidhean Croise

Pianciilna 35:19

Rachel a thi ciang Eprath paina lampi hui, tu in Bethlehem a kici na munah kiphum hi.

Pianciilna 48:7

Na nu Rachel hangin hi bangin ka vawt ahi hi. Mesopotamia pan ka heakkik lai in, Canaan ngamsung Ephrath khua taw kikhuala ngawlna ah ka khuangaibel natu in na nu hong thi hi. Ephrath paina lamhui ah ama ka phum hi,” ci hi. (Ephrath sia tu in Bethlehem kici hi.)

2 Samuel 6:9

Tua zawkciang David in Topa kiita a, “Bangbangin Thuciamna Thingkuang sia tu in keima in tonpui ngam nawn tu khi ziam?” ci hi.

1 Kumpite 17:18

Ama in Elijah munah, “Pathian mipa awng, banghangin hi bangin kei hong vawt ni ziam? Hi sungah nong pai sia ka mawna teng Pathian in phawksak a, ka tapa thi natu in hong vawt ni ziam?” ci hi.

1 Kumpite 2:13

Tua zawkciang Haggith ii tapa, Adonijah sia Solomon ii nu Bathsheba kungah haw hi. “Kilem vai in hong vak na hi ziam?” ci in Bathsheba in dongh hi. Adonijah in, “Hi hi,” ci in zo hi,

2 Kumpite 9:22

“Lem thu taw hong pai nu ziam?” ci in Joram in dongh hi. Jehu in, “Bangbangin lem thu om thei tu ziam, Na nu Jezebel ii patsa bum le ai toaite ahizong, milim biakna ahizong, ih nei lai teng lem thu om thei ngawl tu hi,” ci hi.

Hosea 11:10

“A ngalte tawpi bangin ka hawksan ciang ka mite in kei hong zui tu hi. Amate in nitumna sang pan kei kung manlang takin hong zuan tu uh hi.

Hosea 6:5

Tua hu in no kungah thukhenna le lalsakna thu puakin ka kamsaangte kong paisak zo hi. Note tung pan ka dei thu sia thiang a kitel sinsen hi:

Luke 2:4

Joseph zongh Galilee ngam Nazareth khua panin Judea ngam Bethlehem khua, David Kumpipa suana munah hong pai hi. Joseph tua khua ah hong pai theina thu sia, ama in David ii suan ahihang ahi hi.

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

Luke 8:37

Tua ngam ah mihing theampo in, Jesus sia mundang a zot natu in, sawl uh hi, banghang ziam cile amate lau mama uh hi. Tua ahikom Jesus in ngunkuang tungah kaa in ding kik hi.

1 Samuel 21:1

Nob khua ah a om thiampi Ahimelech kungah David pai hi. Ahimelech a liing sa in ama muak tu in pai a, “Nangma nguakin hi sungah banghang hong pai ni ziam?” ci in dongh hi.