1 Samuel 13:7 - Syin Chin Bible

⁷ a dangte Jordan ngun kan in, Gad le Gilead te ngamsung zuan uh hi. Saul sia Gilgal ma ah om lai a, ama taw a om mite lau in liing uh hi.

1 Samuel 13:7 Iomraidhean Croise

Thiampite 26:17

Ngal na lel natu in kong nungngat tu a, hong ngaimaw te in hong uk tu hi; na patau mama tu uh a, hong del om ngawl napi na tatai tu uh hi.

Thuhil kikna 20:8

“Tuaciang ngalkap bute in a mite tungah, ‘Hi sungah patau in a lauthauh khat pawpo a om ziam? A om le, a inn ah cia kik tahen. Tua ahi buale ama in a dangte thin lalsak tu hi,’ ci si tu hi.

Thuhil kikna 28:25

“Topa in na ngalte in hong zosak tu hi. Note in mun khat pan na sim tu uh a, ahizong mun theampo ah na tai tu uh hi, note tungah thupiangte a mu uh ciang leitung mihingte theampo lau mama tu hi.

Thuhil kikna 3:12

“Tua ngam eite in ih laak zawkciang Arnon ngun hui ah a om Aroer khua ii saksang ngam le Gilead mualtung ngam khenkhat, a khuate taw in Reuben le Gad namte tungah ka pia hi.

Joshua 13:11

Gilead, Geshur le Maacah ngamte, Hermon Mual bup le, Bashan bup Salecah dong kihel hi.

Joshua 13:8

Reuben le Gad nam te le Manasseh ii nam a lang teng in Topa naseampa Moses ii piaksa ngam le lei tek nga zo a; tuasia Jordan ngun ii nisuana sangah om hi.

Thukhente 7:3

Mihingte tungah, ‘A lau khat pawpo sia inn ah cia kik thei tu hi, tuaciang ko sia hi lai Gilead Mual ah ka na om tu uh hi,’ ci in taangko vun” ci hi. Tuabang ahiciang 22,000 cia kik a, ahihang 10,000 taanglai hi.

1 Samuel 13:8

Ama in ni sali sung Samuel ii sawl bangin Samuel ngak hi. Ahihang Samuel sia Gilgal ah hong pai peang bua hi. Mipite in Saul taisan tu kipan uh hi,

1 Samuel 17:11

Saul le a mite in hi thu a zaak uh ciang patau ngawp uh hi.

1 Samuel 31:7

Jezreel Kuam ii langkhat Jordan ngun nisuana sang a om Israel te in, Israel ngalkaphonpi taikeak zo a, Saul le a tapate kithat zo ci a zaak uh ciang amate a khua uh nusia in tai uh hi. Philistine te pai in tua khuate la uh hi.