1 Samuel 13:4 - Syin Chin Bible

⁴ Saul in Philistine ngalkap ukpa a thalupna thu, Israel mite theampo kizasak a, tuaciang Philistine te in amate ensan hi; tua ahikom mite in Gilgal ah Saul koppui tu in a sap bangin pai uh hi.

1 Samuel 13:4 Iomraidhean Croise

Pianciilna 34:30

Jacob in Simeon le Levi tungah, “Kei thinngim haksatna sungah hong then zo nu hi; tu in Canaan te, Periz te le mi dang theampo in kei hong ngaimaw tu hi. Kei la mihing tam nei ngawl a; amate teng kikop in kei hong sim thong le ih innkuan bup in hong mon tu uh hi,” ci hi.

Pianciilna 46:34

ka taanghpupite bangma in ka khan tawntungin ngankhoai na seam ung, na ci tu uh hi. Tuabang na ci uh ciang ama in Goshen ngam ah hong teangsak tu hi,” ci hi. Egypt te in tuucingte sia thu a sim ngawl ahikom Joseph in tu a bangin a ci ahi hi.

2 Samuel 10:6

Amate in David sia a ngal uh suaksak ci in Ammon te in tel zo ahiciang Bethrehob le Zobah pan Syria ngalkap 20,000, Tob pan 12,000, tuaciang Maacah kumpipa le a mite tulkhat teng ngalcial uh hi.

Pusuana 5:21

Amate in Moses le Aaron tungah, “Na nasepnate uh Topa in hong mu zo hi, kumpipa le a uliante in kote hong ensansak na hi uh kom, daan hong pia tu hi. Kote hong thalup natu in a paulap tu khat a pia na hi uh hi,” ci uh hi.

Zechariah 11:8

Kei hong ensan tuucing dang thumte tungah ka thin a sau zo bua hi, amate teng sia tha khat sungin ka tawpsak hi.

Joshua 5:9

Topa in Joshua mun ah, “Tu ni in Egypt ngam ah saltaang in na min daina uh teng ka bosak hi,” ci hi. Tua hu in tua mun sia Gilgal kici hi, tu dong ma in kina lai hi.

1 Samuel 10:8

Keima mai Gilgal ah na paikhol tu a, tua munah ih kimu tu hi, tuaciang meihal sangaw biakpiaknate le pawlkhop sangaw biakpiaknate ka pia tu hi. Keima hong pai in, na sep na vawt tu teng kong son dong ni sali hong ngak tu ni hi,” ci hi.

1 Samuel 27:12

Ahihang Achish in David muang a, ama le ama hi bang kici hi, “Ama sia a mipui Israel te in ensan mama ahiciang a nuntak tawntung keima na hong sepsak tu hi,” ci hi.