1 Samuel 13:2 - Syin Chin Bible

² Saul in pasal tulthum teal a, ama in tulnii sia Michmash le Bethel mualtung ngam ah ama taw a om tu in koi a, tulkhat sia a tapa Jonathan taw Benjamin namte ii ngam Gibeah ah puak hi. Tua ngawl teng Saul in a inn tek ah ciasak hi.

1 Samuel 13:2 Iomraidhean Croise

2 Samuel 20:1

Gilgal ah Benjamin mi Bikri ii tapa Sheba a kici mihing mannung ngawl khat om hi. Ama in lemle tumin au a, “David taak hen! Ei ama zui ngawl tu hi hing! Israel pasalte awng inn ah cia tawng!” ci hi.

2 Samuel 21:6

Tua ahikom Saul ii suan le paal pasal sali hong aap tavun, Topa ii kumpi tu a teal Saul ii khua Gibeah ah amate sia Topa mai ah ka awksak tu uh hi,” ci in zo uh hi. Kumpipa in, “Amate hong aap tu khi hi,” ci in zo hi.

Nehemiah 11:31

Benjamin nam pan mite Geba, Michmash, Ai, Bethel le a nai na khuano te,

Joshua 18:28

Zela, Haeleph, Jebus (ahibuale Jerusalem) Gibeah le Kiriath Jearim hi a: khuapi sawm le li le a kiim a om khuate taw ahi hi. Hi ngam sia Benjamin nam innkuante ii nga ngam ahi hi.

Joshua 22:6

Joshua in thupha pia in hi kammalte taw amate ciasak hi: “No sia a hau mama in nganno, ngunn, khamh, taau, thik, silh le teen tam mama taw cia kik nu hi. Na ngalte tung pan na laak uh vanhte sia na nam pui mite hawm tavun,” ci hi. Tua zawkciang amate inn ah cia uh hi. Moses in Manasseh nam a khenlang sia Jordan nisuana sangah ngam pia zo hi, ahihang a dang khenlang sia Joshua in nam dangte taw Jordan nitumna sangah ngam pia hi.

Thukhente 19:12

Ahihang a topa in, “Israel mite teenna ahi ngawl khuapi ah ei ih tawlnga buatu hi. Ih paitan tu a, tawm a khuala zawna Gibeah ahibuale Ramah ah zan ih taam tu hi,” ci hi.

1 Samuel 10:26

Saul zongh Gibeah a inn ah cia hi. Pathian ii a lungtang a thuthaak pasal thahat pawlkhat in ama tonpui hi.

1 Samuel 10:5

Tua zawkciang, Philistine te ngiaphual saatna khat a omna, Gibeah ngamsung Pathian Mual ah na pai tu hi. Khua sung tumna ah kamsaang pawlkhat, mualtung biaknatau pan tengtongh, khuang, tamngai le liamlo te tumin hong tuaksuk te taw na kisi tu uh hi. Amate laam in a au tu uh hi.

1 Samuel 13:1

1 Samuel 13:11

ahizong Samuel in, “Bang vawt thong ni ziam?” ci in dongh hi. Saul in zo a, “Mipite in hong taisan a, kong pai tu na ci bangin hong pai ngawl ni hi; tua banah Philistine te sia Michmash ah kikhawmtua hi.

1 Samuel 13:15

Samuel in Gilgal nusia a, ama pai natu ah pai hi. A dangte in Saul sia a ngalkapte kungah a pai ciang zui uh hi. Amate sia Gilgal pan Benjamin te ngamsung Gibeah ah pai uh hi. Saul in a ngalkap 600 khawng teng sit hi.

1 Samuel 13:16

Saul, a tapa Jonathan le a mite sia Benjamin te ngam Geba ah ngiaphual saat uh hi; Philistine te ngiaphual sia Michmash ah om hi.

1 Samuel 13:23

Philistine te in ngalkap pawlkhat Michmash mualciangh cing tu in paisak hi.

1 Samuel 13:5

Philistine te sia Israel te sim tu in kikhawmtua uh hi; amate in siphu ngalleang 30,000, siphu ngalkap 6,000 nei a, ngalkapte sia tuipivaal a sen za in tam hi. Amate Bethaven nisuana sang Michmash ah kuanin, tuasung ah ngiaphual saat uh hi.

1 Samuel 14:31

Tua ni in Israel te in Philistine te zo a, Michmash pan Aijalon dong lam khom teakin sim uh hi. Hi sia hunin Israel te sia ngilkial in zawm mama uh hi,

1 Samuel 14:5

Khat zaw sia Michmash maingat a, mualciangh saksang ah om in, a khat sia a thang sangah Geba sang nga in om hi.

1 Samuel 14:52

A nuntak sung tawntung Saul in Philistine te hangsan takin a sim kul hi. Tua ahikom a thahat, a hang pasal khat a mu na le ngalkap tumsak hi.

1 Samuel 15:34

Tua zawkciang Samuel sia Ramah ah pai a, Saul kumpipa sia Gibeah khua a inn ah cia hi.

1 Samuel 24:3

Ama in tuukhawk pawlkhat taw a kinai lampi hui suanghawng khat ah awnghaw tu in tum hi. Tua sia David le a mite ii a sung tawngh ah a bukna suanghawng na hi luilam hi.

1 Samuel 26:2

Thakhat ma in Saul in Israel ngalkap phabel 3,000 tonpui in Ziph duisung ah David zong tu in pai a,

1 Samuel 8:11

Samuel in, “Hisia in na kumpipa ii no hong vawt tu dan ahi hi. Ama in na tapate ngalkap suaksak tu hi; pawlkhat sia a siphu ngalleang te uksak tu hi, a dangte sia siphu ngalkap suaksak tu a, tuaciang pawlkhat sia siphu ngalleangte ii mai ah taisak tu hi.