1 Samuel 12:3 - Syin Chin Bible

³ Hi sungah om khi hi. Ka sep ka vawt khat po ahi ngawl a om le tu in Topa le a tealsa kumpipa mai ah maw hong suan tavun. Mihing khat po ii khui ahizong, laa ahizong kong laaksak ngei ziam? Akua khat po kong theam ngei, kong nengniam ngei ziam? Khat po tung pan sumnguk kong saang ngei ziam? Hi bang khat pawpo ka ngamta ngei le ka laak babang pia kik tu khi hi,” ci hi.

1 Samuel 12:3 Iomraidhean Croise

2 Samuel 22:22

Topa thukham ka ni a; ka Pathian kung pan ka puapial bua hi.

Nehemiah 5:11

No tungah amate hong bat — dangka, antang, sapittui ahibuale olive thau teng theampo maisak siat tavun. A lote, a sapithuante, a olive huante le a innte thakhat ma in amate pia kik paih vun!” ka ci hi.

Psalm Late 15:5

Amate in a meet ngawl taw sum pukthaak hi, tuaciang a maw ngawlte langpanna tetti tu in sumnguk ne ngawl hi. A kuama po hi bang a, a ngamta sia in ngam muanna nei tawntung tu hi.

Pusuana 20:17

“Midang khat ii inn lungngul heak vun: a zi, a silate, a khuite, a laate ahibuale a neisa khat pawpo lungngul heak vun,” ci hi.

Pusuana 23:8

Sumnguk ne heak vun, banghang ziam cile sumnguk in mihingte a maan bang musak ngawlin, a maw ngawlte mailam lalsak hi.

Paunakte 15:27

Thumaan ngawlin meetna nga tu na sawm le na innkuan in ngimna sung na theng tu hi. Sumnguk ne heak in tua hile na khansauzaw tu hi.

Thiampite 6:4

Hi bang khat pawpo taw mihing khat in a maw a khial ciang thumaan ngawlin a nga vanh pawpo pia kik hamtang tu hi. A khialna a kimu ni in, a neipa tungah a cingin pia kik tu a, zakhat ciang kul taw belap tu hi.

Mi Simna 16:15

Moses thin uuk in Topa tungah, “Hi mihingte ii hong ken biakpiakna khat zongh saang heak in. Amate khat tungah zongh ka khial ngei bua a; a laate khat zongh ka laaksak ngei bua hi,” ci hi.

Matthew 22:21

“Kumpilianpa aa hi” ci in zo uh hi. Tua ahikom Jesus in, “Pha hi, Kumpilianpa sum sia Kumpilianpa na pia vun a, Pathian sum sia Pathian na pia vun,” ci hi.

Luke 19:8

Zacchaeus ding a, Topa tungah hi bangin ci hi. “En in, Topa awng! Ka neisa a lang mizawngte ka pia tu hi; tuaciangin khat po ka theam ngei le a zaa li in ka lo kik tu hi,” ci hi.

Sawltakte 20:33

Khamh ahizong, ngunn ahizong, puansilhte ahizong, kuama ii neisa ka dungawk ngei bua hi.

2 Corinth te 12:14

Tu in no kungah hong haw tu in thumvei ka kithoai zo a — note tungah bangma kong ngen buatu hi. Ka dei sia in na sum na paai uh hi ngawl a, noma mama na hi uh hi. A tatakin ci leang tate in nute pate a vaak tu hi ngawlin, nute pate ii tate a vaak tu hizaw hi.

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

1 Thessalonica te 2:10

No thu umte tungah ka ngamtatna uh sia thiangtho, maan, khialna om ngawl ahi hunlam note in ka tetti te na hi uh a, Pathian zongh ka tetti uh ahi hi.

1 Thessalonica te 2:5

Note kungah kong pai uh lai in, kisialpokna kampauna taw kong pai bua uh a, duhopna a phualseal natu kammalte kong zangh bua uh hi. Tuabang ka hi uh sia noma in nong he mama uh hi — Pathian sia koma tetti ahi hi!

1 Peter 5:2

Uuk ngawl pipina taw hi ngawlin Pathian hong deisak bangin, uukna takpi taw Pathian hong piak tuuhonte keam tavun ci in kong thuum hi. Na nasep uh sia thasum saan natu lel hi ngawlin, uukna takpi taw a seam hi tavun.

1 Samuel 10:1

Tua zawkciang Samuel in olive thau thawl khat la a, Saul lu tungah buakin ama a nap zawkciang, “Topa in a Israel mite uk tu in nang sathau hong noai hi. Ama mite nangma uk in, a ngalte theampo kung panin amate na hung tu hi. Tuaciang Topa ii a mite a uk tu nang hong teal takpina sia hi bangin kilak tu hi:

1 Samuel 12:4

Mipite in zo a, “Hong theamin hong nengniam ngeingawl ni hi; kuama tung pan bangma la ngeingawl ni hi,” ci uh hi.

1 Samuel 12:5

Samuel ii a zo kikna pan, “Kei a maw ngawl het in nong mu uh sia Topa le ama ii tealsa kumpipa sia tuni in tetti ahi hi,” ci hi. “Hi ma hi, Topa sia kote ii tetti hi,” amate in ci in zo uh hi.

1 Samuel 2:35

Vawt le ka oai theampo vawt a, kei tungah hong thumaan tu thiampi dang khat ka teal tu hi. Ama sia suan le paal ka pia tu a, amate in ka teal kumpipa omna ah seam tawntung tu uh hi.

1 Samuel 24:11

Ka pa awng hong en ta'n, na puantual mong bek ka khut sungah ka toai sia en in! Hong thatlum thei khi hi, tuabang hi ngawlin hisia bek at keak zaw khi hi. Hisia in nang langpanin kong leedo nop ngawlna le nang bangma kong law nop ngawlna thu hong telsak tu hi. Nang tungah bangma hong khial ngawl napi kei hong that nuam in hong vaizui ni hi.

1 Samuel 24:6

ama in a mite tungah, “Topa ii kumpipa in a teal ka topa tungah siatna ka vawt ngawl natu Topa in hong keamcing tahen! Ama tawm zongh ka suksiat thaak ngawl tu kisam hi, banghang ziam cile Topa ii tealsa kumpipa ahi hi!” ci hi.

1 Samuel 24:7

Tua ahikom David in a mite sia Saul a sim ngawl natu in a thinzosak hi. Saul dingto a, suanghawng nusia in ama pai natu ah pai tu in kipan hi.

1 Samuel 26:11

Topa in ama ii koisa kumpipa sia ka suksiat tu oai ngawl hi! A tei le a tuithawl la in, pai ka tawng,” ci hi.

1 Samuel 26:9

Ahihang David in, “Ama susia ngawl het tu ni hi! Topa in ama ii tealsa kumpipa a susia peuma daan pia nanak tu hi,” ci hi.