1 Samuel 10:6 - Syin Chin Bible

⁶ Thakhat thu in Topa thaa in nang hong uk in, amate biakna taw kisai a lapna le a auna te na pawm tu a, mihing tuamdang khat na suak tu hi.

1 Samuel 10:6 Iomraidhean Croise

Mi Simna 11:17

Kong paisuk tu a, tualai ah kong paupui tu hi. Nang kong piaksa thaa pawlkhat la in, amate ka pia tu hi. Tuasia ciang amate in hi mihingte atu vaipuak teng hong hu thei tu a, nangma bek in tua vaipuak na la buatu hi.

Mi Simna 11:25

Tuaciang Topa meei sungah tuaksuk in Moses paupui hi. Ama in Moses tungah a piaksa thaa pawlkhat la in, lampui 70 te tungah pia hi. Amate tungah tua thaa a pai ciang kamsaangte bangin amate au uh a, ahizong khuangei au ngawl uh hi.

Mi Simna 11:26

Lampui sawmsalite sung pan niite ahi, Eldad le Medad in Puanbuk ah pai ngawlin ngiaphual ah om uh hi. Tua ngiaphual ah amate tungah thaa pai a, amate zongh kamsaangte bangma in a au uh hi.

Mi Simna 11:29

Moses in, “Kei ngaisut tu teng hong thinnuammaw ni ziam? Topa in a mite theampo tungah a thaa pia in, kamsaangte bangin amate theampo ausak le ka uuk hi,” ci in zo hi.

Matthew 7:22

Thukhenna Ni hong thet ciang, mihing tam mama te in, ‘Topa, Topa! Na min taw Pathian thuhil in, na min taw doaite tam mama notkeak in, nalamdang tam mama vawt hi ngawl khu ziam?’ ci tu uh hi.

Thukhente 14:6

Thakhat thu in Topa vaangletna in Samson hatsak a, tuaciang a khutnguak taw tawpi sia kealmoi khat bangin baltham hi. Ahihang a ngamtatna teng a pa le a nu a hil bua hi.

Thukhente 15:14

Lehi a thet ciang, Philistine te in ama ausan in hong del uh hi. Thakhat thu in Topa vaangletna in ama hatsak hi, tuaciang ama in a khut le a baan a heenna khauzeente sia khauzam kaanghdeau sa bang phetin saantat hi.

Thukhente 3:10

Topa thaa sia ama tung hong theng a, ama Israel lampui hong suak hi. Othniel in ngal sim a Topa in Mesopotamia kumpipa zosak hi.

1 Samuel 10:10

Saul le a naseampa Gibeah hong thet uh ciang, kamsaang pawlkhat taw kisi hi. Thakhat thu in Pathian thaa in ama uk a, tua ciang amate ii lawp ngawpin a ngualnop lapna le a auna pawm hi.

1 Samuel 10:9

Samuel nusia tu in Saul a kiheak ciang, Pathian in Saul sia pianzia thak khat pia hi. Tuaciang Samuel son theampo tua ni in piang hi.

1 Samuel 11:6

Saul in hi thu a zaak ciang, Pathian thaa in ama uk a, a thinso hi.

1 Samuel 16:13

Samuel in olive thau la in a suapuite mai ah David sathau noai hi. Thakhat ma in Topa thaa in David uk a, tua ni pan kipan ama taw omkhawm top hi. Tua zawkciang Samuel sia Ramah ah heak kik hi.

1 Samuel 19:20

tua ahikom ama man tu in mihing pawlkhat paisak hi. Amate in Samuel a lampui in nei a, kamsaang honkhat laamin au in a om mu uh hi. Tuasia ciang Pathian thaa in Saul ii mite uk a, amate zongh a lap a au hong kipan uh hi.