1 Samuel 10:3 - Syin Chin Bible

³ Tabor ah biakna thingkung omna san na thet dong na papai tu a, tua munah mihing thum, Bethel ah Pathian tung sangaw biakpiakna pia tu in a paite taw na kisi tu hi. Tuate khat in kealngual thum kai tu a, a dang khat in anluum luum thum, a thumna sia in savun thawl a dim sapittui pua tu hi.

1 Samuel 10:3 Iomraidhean Croise

Pianciilna 28:19

Ama in tua mun sia Bethel ci hi. (Nidangin tuak ah om khua sia Luz kici hi.)

Pianciilna 28:22

Hi khansuang ka phuna sia nangma hong kibiakna mun hi tu hi, tuaciang nong piak theampo sung pan sawm a khat, nang kong pia tu hi,” ci hi.

Pianciilna 35:1

Pathian in Jacob tungah, “Bethel ah pai paih ta'n a, tua munah teang ta'n. Na suapuipa Esau kung pan na tai lai in, nang tungah hong kilangh Pathian, keima atu in tua munah biaknatau khat sa in,” ci hi.

Pianciilna 35:3

Hi mun nusia in Bethel ah ih pai tu hi, tua munah ngim ka nga hunin hong hu a, ka paina sa theampo ah hong ompui Pathian atu in biaknatau khat ka sa tu hi,” ci hi.

Psalm Late 89:12

Saksang le thangsang na bitphua hi; Tabor Mual le Hermon Mualte in lungdam in nangma la hong sak hi.

Jeremiah 32:8

Tua zawkciang, Topa ii hong son bangma in, Hanamel sia ka omna zum huang sung, ka kungah hong pai in tua lo lei tu in kei hong sawl hi. Tua ahikom Topa in keima tungah hong son tatak hunlam ka he hi.

Thiampite 1:10

Mihing khat in a tuu ahibuale a kealte sung pan khat taw biakpiakna a nei le, a mealhem ngawl a tal khat hi tu hi.

Thiampite 23:13

Tua taw an biakpiakna in olive thau taw a kihel anvui kilogramme nii na pia tu uh hi. Hi biakpiakna ii ngimnam in Topa lungkimsak hi. Biakpiakna in sapittui litre khat zongh pia tu nu hi.

Thiampite 3:12

Mihing khat in keal a pia le,

Thiampite 3:6

Kipawlkhop biakpiakna khat ah tuu ahibuale keal a kizangh le; anu zongh apa zongh hi thei a, ahizong a mealhem ngawl het hi tu hi.

Thiampite 7:13

Tua dom ngawlin tol kisaw anluumte zongh pia tu hi.

Joshua 19:12

Sarid ii langkhat panin nisuana Chisloth Tabor te ngamngi ah, tua zawkciang Daberath le Japhia dong pai hi.

Joshua 19:22

Ngamngi sia zong Tabor, Shahazumah le Beth Shemesh ban a, Jordan ah tawp hi. A kiim a om khuate taw khuapi sawm le luk ahi hi.

Thukhente 20:18

Israel mite Bethel biakna munah pai in Pathian tungah amate in, “Bang nam in Benjamin te sim masa tu ziam?” ci in dongh uh hi. Topa in zo a, “Judah nam” ci hi.

Thukhente 20:27

Pathian ii Thuciamna Thingkuang sia tua hun lai in Bethel ah kikoi hi, tuaciang Eleazer tapa, Aaron ii tupa Phinehas in tuasia keam hi. Mihingte in Topa tungah, “Ka suapui Benjamin te ka sim kik tu uh ziam maw, ka tawp heu tu uh ziam?” ci in dongh uh hi. Topa in, “Sim vun, zing ciangin noma in amate hong zosak tu khi hi,” ci in zo hi.

Thukhente 4:12

Barak sia Tabor Mual ah paito zo hi ci in a zaak ciang

Thukhente 4:6

Ni khat ni ciang ama in Naphtali ngam Kadesh khuapi pan Abinoam ii tapa Barak sam sakin ama tungah, “Topa, Israel te ii Pathian in nang sia hi thu hong pia hi, ‘Naphtali le Zebulun namte panin pasal tulsawm la in a, Tabor Mual zot pui in.

Thukhente 8:18

Zebah le Zalmunna munah Gideon in, “Tabor a na thalup uhte bangbangziam?” ci in dongh hi. Amate in, “Amate nangma taw kibang hi — khat simin kumpipa tapate taw kibang hi,” ci in zo hi.

1 Samuel 10:4

Amate in nang hong muak in, anluum luum nii hong pia tu a, tuate na saang tu hi.