1 Samuel 10:1 - Syin Chin Bible

¹ Tua zawkciang Samuel in olive thau thawl khat la a, Saul lu tungah buakin ama a nap zawkciang, “Topa in a Israel mite uk tu in nang sathau hong noai hi. Ama mite nangma uk in, a ngalte theampo kung panin amate na hung tu hi. Tuaciang Topa ii a mite a uk tu nang hong teal takpina sia hi bangin kilak tu hi:

1 Samuel 10:1 Iomraidhean Croise

2 Samuel 1:14

David in, “Banghangin Topa ii tealsa kumpipa that ngam ni ziam?” ci hi.

2 Samuel 19:39

Tua zawkciang David le a mite theampo in Jordan ngun kan uh hi. Ama in Barzillai namh in, thupha pia a, tuaciang inn ah Barzillai cia kik hi.

2 Samuel 20:19

Ko khuapi sia lian a, Israel ngam ah kilemna a om bel, a thumaanbel khuapi khat ahi hi. Banghangin tuasia suksiat tu hanciam ni ziam? Pathian ii neisa sia zaanciimsak nuam ni ziam?” ci hi.

2 Samuel 5:2

A bosa hun sung Saul sia ih kumpipa ahi lai ngawngawn in, nangma in Israel mite ngal kidona sungah na lampui a, tuaciang Topa in na mite na lampui natu le a ukpa na sua natu kamciam hong pia hi,” ci uh hi.

1 Kumpite 1:34

tua munah Zadok le Nathan in Israel kumpipa tu in sathau noai tahen. Tua zawkciang lemle tum vun a, ‘Solomon kumpipa a khansau tahen!’ ci in au vun.

1 Kumpite 19:18

Ahihang Israel ngam ah a nungta in mihing tulsali khe lai tu khi hi — tuate sia kei tungah hong thumaan theampo le Baal mai ah a kun ngawl, a milim a namh ngawlte ahi uh hi,” ci hi.

2 Kumpite 20:5

Topa in mite a ukpa Hezekiah kungah Isaiah pai kik in sawl a, ama munah, “Kei, Topa, na taanghpupi David ii Pathian in na thungetna kong za zo a, na thitui luan ka mu zo hi. Nang hong damsak tu khi hi, tuaciang tu zo ni thum ciangin Biakinnpi ah pai tu ni hi.

2 Kumpite 9:1

Tua hun sungin kamsaangpa Elisha in kamsaang khangmoi khat munah, “Kithoai in a, Gilead ah a om Ramoth ah va pai ta'n. Hi olive thau thawl sia keng ta'n a,

2 Kumpite 9:12

Amate in, “Ko he ngawl khu hi, hong son ta'n,” ci in zo uh hi. Ama in keima munah, Topa in hi bangin taangko hi: “Nangma sia Israel te ii kumpipa tu in sathau hong noai khi hi,” ci in hong son hi.

Psalm Late 135:4

Ama in ama atu in Jacob teal a, ama aituam tu in Israel mite teal hi.

Psalm Late 2:12

ama mai ah liinna taw kun vun; tua ahibuale ama thin uuk vat tu a, thakhat thu in na thi tu uh hi. Ama a bealte in a lungdamte ahi uh hi.

Psalm Late 78:71

Ama in David sia ngantatna munte ah tuuhon a cinna pan la a, Pathian mihingte ii tuucingpa ahi Israel te ii kumpipa suaksak hi.

Pusuana 30:23

“A phabel hel namtuite — Myrrh paaknamtui tui kilogramme 6, a ngimnamtui thingzungthum kilogramme 3, tu ngimnamtui kilogramme 3,

Jeremiah 10:16

Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Ezekiel 16:13

Khamh le ngunn taw kivawt kizepnate na nei a, a kizeam puanneal le naaipuan na silh tawntung hi. Anvui phabel taw a kivawt anluum na ne a, khuaitui le olive thau neak tu na nei hi. Na mealphat sia nasia mama a, kumpinu na suak hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Sawltakte 13:21

Tuaciang amate in, kumpi khat a nget uh ciang Pathian in Benjamin suan Kish ii tapa Saul sia kum sawmli sung kumpi seam tu in pia hi.

Thuhil kikna 32:9

ahizong Jacob suan le paalte sia ama atu in teal hi.

1 Thessalonica te 5:26

Thu um theampo suapui kinapna taw na kimuak tavun.

Hebrew te 2:10

Ta tam mama in ama ii vaangletna a siim thei natu in, na theampo bitphua in a keam Pathian in, Jesus sia a thuakna tungtawnin a cialcing pa a suasak tu sia a maan thu hi takpi hi. Banghang ziam cile amate ngupna sung a then sia Jesus ahi hi.

Thupualaakna 5:8

Tuabang a vawt ciangin, nganhing li teng le upa kul le li teng sia Tuuno mai ah boksuk uh hi. Tengtongh khat tek le ngimnamtui taw a kidim khamh khawbeamte nei tek uh a, tuate sia Pathian ii mihingte ii thungetna ahi uh hi.

1 Samuel 12:3

Hi sungah om khi hi. Ka sep ka vawt khat po ahi ngawl a om le tu in Topa le a tealsa kumpipa mai ah maw hong suan tavun. Mihing khat po ii khui ahizong, laa ahizong kong laaksak ngei ziam? Akua khat po kong theam ngei, kong nengniam ngei ziam? Khat po tung pan sumnguk kong saang ngei ziam? Hi bang khat pawpo ka ngamta ngei le ka laak babang pia kik tu khi hi,” ci hi.

1 Samuel 13:14

Ahizong na ukna sia kizom suak ngawl tu hi. Nangma in a thu ni ngawl na hikom ama ii dei bang mihing zong tu a, a mite uk tu in vawt tu hi,” ci hi.

1 Samuel 15:1

Samuel in Saul munah, “A Israel mite kumpipa tu in nang sathau noai a Topa ii hong sawl sia keima khi hi. Tu in Topa Vaanglianpipa son teng ngai in.

1 Samuel 15:17

Samuel in, “Nangma le nangma sia thupi na kisak ngawl hang, nang sia Israel te ii lampui pa ni hi. Topa in Israel Kumpipa tu in sathau hong noi sa ni hi,

1 Samuel 16:1

Topa in Samuel munah, “Saul tungtaang bang tanvei khuangai tu ni ziam? Israel kumpipa a hina nial zo khi hi. Ahihang tu in olive thau tawm la in a, Bethlehem khua ah pai in Jesse a kici pasal khat sia kungah haw ta'n, banghang ziam cile ama ii tapate khat kumpi tu in teal zo khi hi,” ci hi.

1 Samuel 16:13

Samuel in olive thau la in a suapuite mai ah David sathau noai hi. Thakhat ma in Topa thaa in David uk a, tua ni pan kipan ama taw omkhawm top hi. Tua zawkciang Samuel sia Ramah ah heak kik hi.

1 Samuel 2:10

Topa ii ngalte sia kisusia cip tu hi; Topa in amate vantung panin vanto bangin langpan tu hi. Topa in leitung buppi thu hong khen tu hi; ama in a kumpipa tungah vaangletna pia tu hi, ama ii teal kumpipa in zosak tu hi.

1 Samuel 24:6

ama in a mite tungah, “Topa ii kumpipa in a teal ka topa tungah siatna ka vawt ngawl natu Topa in hong keamcing tahen! Ama tawm zongh ka suksiat thaak ngawl tu kisam hi, banghang ziam cile Topa ii tealsa kumpipa ahi hi!” ci hi.

1 Samuel 26:11

Topa in ama ii koisa kumpipa sia ka suksiat tu oai ngawl hi! A tei le a tuithawl la in, pai ka tawng,” ci hi.

1 Samuel 26:9

Ahihang David in, “Ama susia ngawl het tu ni hi! Topa in ama ii tealsa kumpipa a susia peuma daan pia nanak tu hi,” ci hi.

1 Samuel 8:19

Mipite in Samuel nadon ngawlin, “Phamaw bo!

1 Samuel 8:9

Tuabang ahikom, amate thu ngai in a, ahizong a kumpipate in amate bangbangin vawt tu ziam ci sia a kidop khol natu a pha tatakin son in,” ci hi.

1 Samuel 9:16

“Zing ciang tubang hunin Benjamin nam mihing khat na kungah hong puak tu khi hi, ka mi Israel te a ukpa tu in sathau na noai in, tuaciang ama in amate sia Philistine te khut sung pan suatak tu hi. Ka mite thuakna ka mu zo a, hu ngenin a auna ka za zo hi,” ci hi.

1 Samuel 9:27

Khua mong a thet uh ciang, Samuel in Saul munah, “Naseampa ei mai ah paisak in,” ci hi. Naseampa in amate nusia a, Samuel in, “Tawmvei no sung hi sungah na om zii in, Pathian ii hong cina teng hong son tu khi hi,” ci hi.