1 Peter 5:6 - Syin Chin Bible

⁶ Pathian ii thahatna khutnuai ah kiniamkhiak vun, tua hile ama ii hunpha hong tun ciangin ama in hong laamto tu hi.

1 Peter 5:6 Iomraidhean Croise

1 Kumpite 21:29

“Ahab in keima mai ah bangzata kiniamkhiak in a om sia na mu ziam? Hi bangin ngamta ahiciang ama khan sungah tuasiatna piangsak ngawl tu khi hi; a tapa ii khan sung in Ahab bangkua sungah tuasiatna piangsak tu khi hi,” ci hi.

2 Kumpite 22:19

tuaciang Jerusalem le a mite daan piak tu ka tawn na te na zaak ciang kisiik kikin kiniamkhiakna taw ka mai ah na puansilh eaukeak in kap ni hi. Mit mu bek zongin a lauhuai mama na mun ka suaksak tu a, mihingte in tua mun ii min sia haamsiatna kammal in a zangh tu hi. Ahihang na thungetna hong za zo khi hi,

2 Khangtaanghthu 12:12

Ama in Topa tungah kiniamkhiak ahikom Topa thin uukna in ama susia bup ngawl a, Judah atu in na te a dik a pha in piang hi.

2 Khangtaanghthu 30:11

Tua kawm pan Asher, Manasseh le Zebulun namte sung pan Jerusalem khua ah a pai nuam veve pawlkhat om lai hi.

2 Khangtaanghthu 32:26

Ahizong a khakbel ciang Hezekiah le Jerusalem mite kiniamkhiak kik ahikom Topa in Hezekiah ii thi dong tua mite daan pia ngawl hi.

2 Khangtaanghthu 33:12

Hi bangin a thuakna hu in ama kiniamkhiak in Topa a Pathian zuanin huna ngen hi.

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

2 Khangtaanghthu 33:23

Ahihang ama ahile a pa bang hi ngawl a, kiniamkhiak ngawlin Topa kung zuan ngawl hi; a pa sang zong mawzaw lai hi.

2 Khangtaanghthu 36:12

Ama in Topa tungah maw in Topa kammal a son kamsaangpa Jeremiah ii thusonte kiniamkhiakna taw ngai ngawl hi.

Job 36:22

Pathian ii vaangletna sia bangza in lian ci sia ciamtee in; Ama sia sya theampo sung pan a lianbel hi.

Psalm Late 75:10

Ama in mihing seksolte thahatna suktansak tu a, ahihang thutangte thahatna sia kikhanto tu hi.

Psalm Late 89:13

Bangza in na vaanglian ziam! Bangza in na thahatna lian ziam!

Pusuana 10:3

“Tua ahiciang kumpipa kungah Moses le Aaron pai in, “Topa, Hebrew te ii Pathian in, ‘Kei tungah nong kiniamkhiak tu, bang tanvei hong nial lai tu ni ziam? Kei hong biak thei natu in, ka mite paisak in.

Pusuana 3:19

Zawthawk thu taw a kisawl bua nale Egypt kumpipa in note hong paisak ngawl tu cisia ka he hi.

Pusuana 32:11

Ahizong Moses in Topa a Pathian tungah hesuak ngenin, “Topa awng, na thahatna le na vaangletna taw Egypt pan na suatak, na mite tungah banghangin na thin uuksak mama thong ni ziam?

Paunakte 29:23

Kisaktheina in, kiamsukna sung hong then tu a, ahizong na kiniamkhiak le hong kizakta tu hi.

Isaiah 2:11

Mihingte kiphatsakna le, mihingte kisaktheina a kilalsak tu ni khat hong theng tu hi. Tuasia ciang Topa bekma kipok tu hi.

Isaiah 40:4

Munkuam theampo dimh vun; mualpi theampo maaitamsak vun. Mualnote zaangtam suak tu a, a hamna mun kinealsak tu hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Jeremiah 13:18

Topa in kei tungah, “Kumpipa le a nu sia a kumpi tokhumte tung panin a tuaksuk natu in son in, banghang ziam cile amate ii a hoi mama a kumpi lukhute a lu tung uh panin taaksuk zo hi.

Jeremiah 44:10

Ahihang tuni dong ciang noma le noma na kiniamkhiak bua uh hi. Keima zatakna nong nei bua uh a, noma le na taanghpupite tungah kong piak thukham theampo bangin na nungta bua uh hi.

Ezekiel 17:21

Ngal sungah ama ngalkap phabelte kithatlum tu hi, tuaciang a thi mong teng mun theampo ah kithethaang tu hi. Tuaciang Kei, Topa ka hi sia na he tu hi,” ci hi.

Ezekiel 21:6

“A thithei mihing awng, na lungtang sia thinngimna taw a tamhtham bangin tau in. Mihing theampo ii hong et thei natu munah khuangaina taw tau in.

Daniel 5:22

“Ahihang nangma, a tapa in, hi thu theampo he hi napi na kiniamkhiak bua hi.

Thiampite 26:41

amate sia keima ii ka nungngat, a ngalte ngam ah salin hong puaksakte ahi uh hi. A khakbel in na suan na paalte a mawna hangin kiniamkhiak a, daan zong thuak zo ahiciang,

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Matthew 23:12

Akua po ama le ama a kiliansak sia kiniamsak tu a, a kuama po a kiniamkhiak sia, thupi in kikoi tu hi.

Luke 1:52

Ama in kumpi liante a tokhum uh panin khiasuk a, a niamte laamto hi.

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Luke 18:14

A tatak ka ci ciang, Pharisee pa bang hi ngawlin shiadongpa sia mipha tangin cia hi. Mihing simin a kiliansakte kiniamsak tu a, a kiniamkhiakte a thupi in kikoi tu hi,” ci hi.

Romete 5:6

Banghang ziam cile cimaw a ih om laitakin Pathian ii a teal hun ciangin Christ sia mi ngilote atu in hong thi hi.

1 Corinth te 10:22

Tua ahibuale Topa sia a eang pa suaksak nuam ih hi ziam? Ama sangin eite hat zaw kisa ih hi ziam?

Thuhil kikna 32:35

Topa in amate phula in daan pia tu a; a kiamsuk tu hun hong pai tu a; a lal tu ni nai hi.

1 Timothy 2:6

Ama in mihing nam theampo tat natu in, a nuntakna pia hi. Tua in a hun a cin ciang Pathian ii mihing khat sim ngupna a piak nopna thu a lakna hi a,

Titus 1:3

tuaciang a hun hong tun tak ciangin, ama ii hong puak thu sungah hong pualaak hi. Hi thu sia kei hong ki aap a, tuaciang ih Ngumpa Pathian hong thupiakna taw ka thangsak hi.

James 4:10

Topa mai ah noma le noma kiniamkhiak tavun, tua hile ama in hong laamto tu hi.

James 4:7

Tua ahikom Pathian tungah ki aap vun. Doaimangpa nalh vun, tua hile note kung pan tai tu hi.

James 5:10

Ka suapuite awng, Topa min suangin a pau kamsaangte phawk vun. Thuakna sungah thinsau takin a thuak zo amate ii thuak zawk hatna sia ettee in nei tavun.