1 Peter 5:4 - Syin Chin Bible

⁴ Tuaciang Tuucing Pipa hong kilangh ciangin, a taanna a bo ngeingawl tu minthanna lukhu na saang tu uh hi.

1 Peter 5:4 Iomraidhean Croise

Psalm Late 23:1

Topa in tuu bangin kei hong cing pa “Jehovah Ra-ah” ahi hi; bangma ka kitaangsamh bua hi.

Isaiah 40:11

Tuucing pa khat taw kibangin ama in a tuuhon keamcing tu hi; ama in tuunote kaikhawmin a baan ah toai a, tuate ii puite dam takin paipui tu hi.

Ezekiel 34:23

Ka naseampa David bang ahi kumpi khat amate ii khat bek ahi tuucing pa tu in ka pia tu a; amate a keam tu hi.

Ezekiel 37:24

Ka naseampa David taw a kibang kumpi khat sia amate kumpi hi tu hi. Ngamuk khat ii khutnuai ah amate teng kilomkhat tu a, thumaan takin ka thukhamte a zui tu uh hi.

Daniel 12:3

Lampui ciimte sia van ii taanna theampo taw taang tu uh hi. A maan seam tu in mihing tam thu a hilte sia aksi bangin taang tawntung tu uh hi,” ci hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

John 10:11

“Keima in tuute atu in a nuntakna a pia ngam tuucing pha ka hi hi.

1 Corinth te 9:25

A kikhomsuan ngawl paakkual lukhu khat a kikhuksak natu in, a kimai khat sim in a sinna sungah a haksa mama kitekna nuai ah kipum aap hi; ahihang eite ih hile, a tawntungin a kip tel atu in ih seam hi.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

Hebrew te 13:20

A nuntakna biakpiakna in a piak hu in Tuucing Lian ahi Topa Jesus sia Pathian in thina pan tho kiksak zo a, tuaciang a chisan hu in a tawntung thuciamna sia kikipsak zo hi. Kilemna Pathian in ama ii dei sia na vawt thei natu in na kisap uh vanh pha theampo hong pia tahen a, tuaciang ama diksak sia Jesus Christ tungtawnin ei sungah hong seam tahen. Christ tungah minthanna a tawntung a tawntungin om tahen! Amen.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

1 Peter 1:4

tua ahikom a mite atu Pathian ii a koi, a thupha tam mamate a nei tu in ih kilamen hi. Ama in note atu in tua thuphate vantung ah keam a, tua munah muat thei ngawl, lal thei ngawl le vul thei ngawlin om hi.

1 Peter 2:25

Note sia lam amh tuute bang na hi uh hi, ahihang tu in na thaa uh hong Keampa le Tuucingpa zui tu in, hong kipui kik zo hi.

1 Peter 5:2

Uuk ngawl pipina taw hi ngawlin Pathian hong deisak bangin, uukna takpi taw Pathian hong piak tuuhonte keam tavun ci in kong thuum hi. Na nasep uh sia thasum saan natu lel hi ngawlin, uukna takpi taw a seam hi tavun.

1 John 3:2

Ka it lawmte awng, ei sia tu in Pathian ii tate ih hi hi, ahihang bang suak tu hi ziam ci in kician ngawl lai hi. Ahihang Christ hong kilaak ciangin eite sia ama taw kibang tu ih hi hunlam ih he hi, banghang ziam cile ama sia ahi bang tatakin ih mu tu hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.

Thupualaakna 3:11

Hong pai pal tu khi hi, kuama in na zawna tel uh hong suu zawk ngawl natu in, na neisun uh teng keamcing tavun.