1 Peter 5:3 - Syin Chin Bible

³ Noma ii kep tu a hong ki aapte tungah zawthawkna taw uk tu hanciam ngawlin, tuuhon atu in a ettee pha na hizaw vun.

1 Peter 5:3 Iomraidhean Croise

Psalm Late 33:12

Pathian sia Topa in a neite, minam lungdamte hi uh a, Ama ii mi tu in a teal sate sia mihing lungdamte ahi uh hi.

Psalm Late 74:2

Khuangei lai pek a, nangma mama atu na tealsa mihingte phawk in, saltanna sung pan nangma minam tu a, na tat sate phawk in. Khatvei lai a, na teenna mun Zion Mual sia phawk in.

Ezekiel 34:4

Note in tuu zawngkhalte na ou bua uh a, a ciinate bawl ngawl, a liamte a liamma tuamsak ngawl, a lampialte khoi kik ngawlin, ahibuale a bote na zong kik bua uh hi. Tuasia luangin na vawtsia lalai uh hi.

Micah 7:14

Topa awng, na tealsa na mite tungah tuucing khat hong hi ta'n. Amate in duisung ngampa ah a tuatuamin teang hikale, a kiimkot ah leihoi leipha om hi. Nidang tawngh lai, a kivaak bangin lohing tamna ngam phana Bashan le Gilead ah amate paisak in kivaak tahen.

Mi Simna 18:7

Ahizong nangma le na tapate bek in biaknatau le Thiangthobel Mun ah a om sia taw kisai thiampi nasep teng theampo khuangkhim tu nu hi. Nang, thiampi za letsong in hong pia zo ka hikom hi teng nangma ii vaipuak tu ahi hi. Hi nasepte seam tu a kiphu ngawl khat pawpo hong pai in, vanh thiangthote a neak le kithisak tu hi,” ci hi.

John 13:15

No ii ettee tu ngamtatna khat kong koisak hi, tua hi a kei ii no tungah kong hi bang tatakin, no zongh khat le khat tungah na ngamta tavun.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

1 Corinth te 11:11

Ahihang Topa sung ih nuntakna ah, numei in pasal ngawl taw tuam din thei ngawl a, pasal zongh numei ngawl taw tuam din thei ngawl hi.

1 Corinth te 3:5

A tatakin Apollos sia akua ziam? Tuaciang Paul sia akua ziam? Kote in note ii thu na up thei natu uh in hong lampui Pathian naseamte hi bek lel khu hi. Topa ii seam a hong sawl bangin koma khat simin a seam ka hi uh hi.

1 Corinth te 3:9

Banghang ziam cile kote sia Pathian taw kipawlin naseam khawmte ka hi uh a, note in Pathian ii lo na hi uh hi. Note in Pathian inn na hi si uh hi.

2 Corinth te 1:24

Na up hamtang tu uh thu sia hamtangin kong sawl buatu uh a, na upna uh kip hi ci in kong he uh hi. Noma lungdam natu in note taw na a seam khawm ka hizaw uh hi.

2 Corinth te 4:5

Banghang ziam cile, kote kong hil thu in koma ii thu ahi bua hi; Jesus Christ sia Topa hi ci in kong hil uh a, Jesus hangin note ii naseamte bang ka hi uh hi.

Thuhil kikna 32:9

ahizong Jacob suan le paalte sia ama atu in teal hi.

Philippi te 3:17

Suapuite awng, keima ngamtat bangin hong zui tawntung tavun. Noma ettee tu a ngamtatna maan kong koisak sia a zuite na nadon`` tavun.

Philippi te 4:9

Ka kammalte le ka ngamtatnate pan na heak uh, na saan uhte sia na zangh vateak tavun. Tua hile eite thinnopna hong pia Pathian in no taw hong omkhawm tu hi.

1 Thessalonica te 1:7

Tua ahikom note sia Macedonia le Achaia ah thu umte theampo atu in ettee tu khat na suak uh hi.

2 Thessalonica te 3:9

Hi bangin ka hi uh sia, ngual ii hu tu le et tu in, a kilawm ngawl ka hi uh hang, ahi bua hi; nong ettee tu le nong zui tu in tuabangin ngamta ka hi uh hi.

1 Timothy 4:12

Khangmoi na hi hu in, kuama in na zawngsaksak heak in a, ahihang na pauna, na ngamtatna, na itna, upna le thiangthona sungah, thu umte ii ettee tu hi ta'n.

Titus 2:7

Na theampo ah ngamtat phatna taw kisai in nangma mama a ettee taak na hi kul tu hi. Na hilna sungah deisak takpina le thupi laakna taw hil in.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.