1 Peter 5:10 - Syin Chin Bible

¹⁰ Ahihang tawmvei na thuak zawk uh ciangin, Christ taw pumkhat hina taw, ama ii a bomaw minthanna nga tu a hong sam, thuthiamna theampo ii Pathian, ama mama in no hong cialcingsak tu a, kipsakna, thahatna le, bul khona hong pia tu hi.

1 Peter 5:10 Iomraidhean Croise

Psalm Late 119:28

Heena in keima hong khucip hi; nong kamciamsa bangin hong hatsak ta'n.

Psalm Late 138:7

Ngimnate in kei hong uumci ciangin nangma in nong keamcing hi. A thin uuk ka ngalte nong dosak a na vaangletna taw kei nong hun hi.

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Zechariah 10:12

Keima in ka mite ka hatsak tu hi; amate in kei hong bia tu a, ka thu hong mang tu hi,” ci hi. Topa in ci zo hi.

Zechariah 10:6

“Keima in Judah mite ka hatsak tu hi; Israel mite ka suatak tu hi. Keima in amate khuangaihuai ka sa tu a, a vekpi in inn ah ka ciapui kik tu hi. Amate sia ka nial ngeingawl mite bang hi tu hi. Keima in Topa, a Pathian ka hi hi; A thungetnate ka zo tu hi.

Luke 22:32

Ahihang, Simon awng, na upna a lal ngawl natu in, thu kong ngetsak hi. Tuaciang kei sangah nong kiheak kik ciangin na suapuite a tha khosak tu ni hi,” ci hi.

Romete 15:13

Thaa Thiangtho thahatna taw, na lametna sungah na khanto natu in, lametna ii naak ahi Pathian in ama na upna uh hu in, lungdamna le thinnopna taw hong kidimsak tahen.

Romete 15:5

Thuak zawkna le hanthotna ii a naak ahi Pathian in, Jesus Christ zia na zuina uh taw note sungah tuabang khua ngaisutna hong piangsak tahen.

Romete 16:25

Eite in Pathian tungah minthanna pia tawng. Jesus Christ huvau Lungdamna Thupha ka hilna bang le a bosa hun sau mama sungah a kiseal thumaan thutak hong kilak bangin Ama in na upna uh sungah kip takin na din thei natu in vawt thei hi.

Romete 9:11

Ahihang tapa khat tealtuam tu sia Pathian ii deina vingveng ahi natu thu huvau in, Pathian in a nu munah, “A u zaw in a nau zaw ii na sepsak tu hi,” ci hi. Ama in hi thu a pau laitakin amate ngeal sia piang ngawl lai a, a sia a pha bangma vawt a nei bualai hi. Tua ahikom Pathian tealna in ama sapna tung pan hi a, amate sepna tung pan hi ngawl hi.

Romete 9:24

Banghang ziam cile eite sia Jew te sung pan bek hi ngawlin, Gentile te sung pan zong hong sap a minamte ih hi hi.

1 Corinth te 1:10

Ih Topa Jesus Christ thuneina taw, ka suapui note theampo tungah kong maangkaa hi, note sungah kikhenna a om ngawl natu in, na ci uh po kithukim vadiam vun. Ngaisutna khat le tupna khat bek taw na kipawl siat vun.

1 Corinth te 1:9

Eima ii Topa ahi a Tapa Jesus Christ taw kipawl khawm tu a, note hong sam Pathian sia ih muan tu Pathian ahi hi.

2 Corinth te 13:11

Tuaciang tu in suapuite awng, mangpha na man tavun! Cialcin natu na hanciam vun; kong thuumna hong ngai tavun; khat le khat na kithukim vun a; kilem takin na nungta vun. Tuaciangin ki itna le thinnopna — Pathian sia note taw hong omkhawm tu hi.

2 Corinth te 4:17

Tuaciang, hi tawmvei hunsung ka thuak uh ngimna tawmnote in, tua ngimna sangin a tamzaw pek, a lian mama tawntung minthanna sungah kote hong then tu hi.

Philippi te 4:13

Christ ii hong piak vaangletna taw na theampo phul zawk natu thahatna ka nei hi.

Colossae te 2:7

Ama sungah zung thuk tha vun a, ama tungah na nuntakna uh sa to tavun, tuaciangin hong kihil sa bangin na upna sungah hat seseam vun. Lungdamkona taw na kidim tavun.

1 Thessalonica te 2:12

Ama Ngam le a minthanna hong hawm tu in hong sam Pathian ii diksak nuntakna a nei tu in, kong hanthawn a, kong heeneam a, kong thawn top uh hi.

2 Thessalonica te 2:14

Lungdamna Thupha no tungah kong hilna uh tungtawnin Pathian in hisia atu hong sam hi; Ama in ih Topa Jesus Christ minthanna tel na nga natu hong sam ahi hi.

2 Thessalonica te 2:17

a tawntungin a pha sep natu le pau natu hong hanthawn in hong thahat sak tahen.

2 Thessalonica te 3:3

Ahihang Topa sia thumaan a, ama in note A Ngilopa kung pan hong keamcingin hong thahatsak tu hi.

1 Timothy 6:12

Upna tai kidemna sungah na hi thei tawpin tai in a, tuaciang nangma atu in tawntung nuntakna na sungsuam in; banghang ziam cile tetti tam mamate mai ah na upna kho takin na pualaak ciang hi nuntakna ah Pathian in nang hong sam ahi hi.

2 Timothy 1:9

Ama in ama aituam mihingte ih sua natu in eite hong hun a, hong sam hi; eite ii sepnate hang hi ngawlin, ama tupna le thuthiamna hang ahi hi. Hun kipat ma in ama in Christ Jesus tungtawnin hi thuthiamna hong pia hi,

2 Timothy 2:10

Jesus Christ tungtawn a hong pai ngupna le tawntung minthanna sia Pathian tealsa mite zongh in a nga thei natu in, na theampo ka thuak kenkon hi.

Hebrew te 9:15

Tawntung thupha Pathian kamciamte a saan thei natu in, Pathian sapsa mihingte atu, Christ in thuciam thak khat hong vawtsakna in, hisia hang ahi hi. Hisia kipiangsak thei hi, banghang ziam cile thina khat om a thuciam masa sia a om kimlai ma in, mihingte a khialnate pan tua thina in suaktasak hi.

1 Peter 1:15

Tua hi ngawl zaw in, na sep na vawt theampo sungah note hong sam Pathian a thiantho bangma in thiangtho vun.

1 Peter 4:10

Mihing sim in Pathian letsong tuatuamte a zeak thiampa bangin, Pathian tung pan a tuam vilvel na saan uh letsongte sia ngualdangte phattuam natu in zangh hamtang vun.

1 Peter 4:11

Thuhil pawpo in Pathian ii ngupna thute hil nanak tahen a; na theampo ah Jesus Christ tungtawnin Pathian tungah pokna a kipiak thei natu in, na a seam pawpo in Pathian piak thangui thatang taw seam nanak tahen, tua Pathian tungah minthanna le vaangletna a tawntung a tawntungin om tahen. Amen.

2 Peter 1:3

Pathian ii a nei vaangletna in, ama ii minthanna le phatna nga tu a, hong sam pa ih heakna tungtawnin, Pathian thu sungah a maan nuntakna ih nei natu in, ih kitaangsap theampo ei tungah hong pia hi.

1 John 2:25

Tuaciangin Christ ama mama ii eite hong piak tu hong kamciam sia — tawntung nuntakna ahi hi.

Jude 1:24

Tu in na puk ngawl natu in, hong keam thei a, ama ii minthanna mai ah a sitbaang ngawl le lungdamna lianpi taw hong then thei —