1 Peter 5:1 - Syin Chin Bible

¹ Pawlpi upa khat ahi keima in no pawlpi upate tungah kong thuum hi. Keima sia Christ thuakna ii tetti khat ka hi a, maisang hong kilangh tu minthanna a nga tu khat ka hi hi.

1 Peter 5:1 Iomraidhean Croise

Luke 24:48

No sia hi thute ii tetti na hi tu uh hi.

Sawltakte 1:22

Ama sia bangbang mihing hi tu ziam cile, John ii tuiphumna huvau a hil hun pan kipan Jesus van ah a kilaak to dong a kilaklaw teng, Jesus khualhawna theampo sung, ko pawl sungah hong kihel top khat ahi kul hi,” ci hi.

Sawltakte 1:8

Ahihang Thaa Thiangtho note tungah hong pai ciang, vaangletna taw na kidim tu uh a, Jerusalem pan kipan Judea ngam bup le Samaria ngam le leimong dongin, ka tetti na hi tu uh hi,” ci hi.

Sawltakte 11:30

Tubang ahi zawkciangin, a sum uh sia, Pawlpi upate ii nga tu in, Barnabas le Saul khut tungah thaak uh hi.

Sawltakte 14:23

Amate in pawlpi sim ah pawlpi upate tealin koi uh a, thungetna le an tanna taw amate ii muan ahi Topa tungah tua upate aap uh hi.

Sawltakte 15:4

Jerusalem a thet uh ciangin, pawlpi in amate vai na dawn uh a, sawltakte le pawlpi upate tungah amate tungtawnin Pathian ii a sepna theampo son uh hi.

Sawltakte 15:6

Sawltakte le pawlpi upate, hi thu huvau kikum tu in, kisitua uh hi.

Sawltakte 2:32

Pathian in hi Jesus mama mithite sung pan phong a, ko theampo in hi thu ah tetti ka pang uh hi.

Sawltakte 20:17

Paul in Miletus panin, Ephesus ah thu zasak a, pawlpi upate ama taw a kimu natu in vaitha hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Sawltakte 21:18

A zing ciangin, Paul taw James kungah ka haw uh hi; tua munah pawlpi upa theampo om uh hi.

Sawltakte 3:15

Tua hi a, nuntakna a pia pa, note in na thatlum uh hi. Ahitazong, Pathian in ama thina panin, phongto a, hi thu huvau ah, kote in tetti ka hi uh hi.

2 Corinth te 5:1

Banghang ziam cile, hi ih teenna buk — hisung leitung ah ih pumpi kisia le — a tawntungin a kikhomsuan tu, eite teen natu Pathian in vantung ah inn khat nei tu hi ci in ih he hi.

2 Corinth te 5:8

Eite in thinletna taw ih kidim a, hi ih pumpi inn nusia in Topa taw om tu sia ih uuk zaw hi.

Philippi te 1:19

banghang ziam cile nong thungetsakna uh le Jesus Christ ii Thaa kung pan hong pai huna taw kei hong kisuaktasak tu ci sia ka he hi.

1 Timothy 5:1

Pasal khanghaam zaw khat sia teih heak vun a, na pa bangin ngaisun in, na thuum zaw vun. Pasal khangmoizawte na suapui bangin vawt vun,

1 Timothy 5:19

Pawlpi upa khat a kimawsakna ah, nii ahibuale a tamzaw tetti a om buale, thu in sim heak vun.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

Titus 1:5

Sep tu a kitaangsamh lai teng, ahi tu bangin a vaihawmsak tu le khuapi simin pawlpi upate na koi thei natu in, Crete ah nang hong nusia ka hi hi. Kong vaithakte na phawk tan:

Philemon 1:9

Ahihang nang hong it ka hikomin, kong thuum zaw hi. Keima Paul sia Christ Jesus ii tongciin hi a, ama hu in tu laitak mama in thongtaak zongh hi napi, hi bangin thuumna kong zangh zaw hi.

Hebrew te 12:1

Ei ih hi le, ih kiimkot ah hiza a tam mihonpi tetti ih nei hi. Tua ahikom ih mai hong khak thei na theampo le hong lencip thei mawnate vawkin, ih mai ah tai kidemna sungah thin khensatsa in tai tek tawng.

1 Peter 1:12

Vantung panin Thaa Thiangtho ii vang taw a sawl, Lungdamna Thupha a thangsak, thupuakte tung pan tu in na zaak uh thute Pathian in hi kamsaangte tungah a pualaakna ah cileang, amate nasep sia in amate phattuam na tu in a seam hi ngawl a, noma atu in a seam hizaw hi. Hi thute sia vantunglalangte dong ii a tel nop uh thu ahi hi.

1 Peter 1:7

Tua haksatna thuaknate ii tupna in na upna uh a maanna a kilak natu ahi hi. A kisia thei khamh ngawngawn zongh meisa taw kisit lai hi; tua ahikom khamh sangin tam mama in a man nei zaw na upna uh zongh a kip thei natu in hong kisit tu hi. Tua hile Jesus Christ hong kilaak Ni tak ciangin pokna, minthanna le vaang piakna na saang tu uh hi.

1 Peter 4:13

Christ ii vaangletna hong kilangh ciangin, lungdamna a cingin na nga thei natu in, ama thuaknate thuakpui na hi uh komin, lungdam zaw tavun.

1 Peter 5:4

Tuaciang Tuucing Pipa hong kilangh ciangin, a taanna a bo ngeingawl tu minthanna lukhu na saang tu uh hi.

1 John 3:2

Ka it lawmte awng, ei sia tu in Pathian ii tate ih hi hi, ahihang bang suak tu hi ziam ci in kician ngawl lai hi. Ahihang Christ hong kilaak ciangin eite sia ama taw kibang tu ih hi hunlam ih he hi, banghang ziam cile ama sia ahi bang tatakin ih mu tu hi.

2 John 1:1

Pawlpi Upa pa tung pan — Ka it tatak a ithuai nupi le a tate tungah lai kong thaak hi. Tuaciang keima bek hi ngawlin thumaan thutak a he theampo in no hong it uh hi,

3 John 1:1

Pawlpi Upa keima in — Ka it takpi ka lawm Gaius tungah lai kong thaak hi.

Thupualaakna 1:9

Keima in na suapuipa John ka hi a, tuaciang Jesus nungzui khat ka hina taw Pathian ngam lua tute ii thuak tu vawtsiatna noma taw a kibangin a thuak kenkon na seppuipa ka hi hi. Kei sia Patmos tuikulh tungah hong kikoi hi, banghang ziam cile, Pathian kammal le Jesus ii hong pualaak thumaan thutak ka thansak hang ahi hi.