1 Peter 4:8 - Syin Chin Bible

⁸ Khat le khat thinsung takpi taw na ki it tu sia thupi ngaisutbel tavun, banghang ziam cile ki itna in mawna tam mama sincip hi.

1 Peter 4:8 Iomraidhean Croise

Paunakte 10:12

Ki etsatna in buaina thawn a, ahizong itna in tatkhialna theampo maisak hi.

Paunakte 12:16

A mawmaw khat in diksak ngawlna a nei ciang manlang takin kilanghsak hi. Mihing khuangaisun theite in ngual ii lanna kam a awlmaw buatu hi.

Paunakte 17:9

Mihingte ii hong it tu na nuam uh le no tungah hong khial ciangin maisak vun. Tatkhialnate teptee in nei leang ngualtamh hina khentham thei hi.

Paunakte 18:13

Ngual kam na zo ma in ngai masa in. Tuabangin na hi buale nang sia mawmaw a, ngual a thusim ngawl na suak hi.

1 Corinth te 13:1

Mihingte ii kampaute le vantunglalangte ii kampau ngawngawn ka pau thei hial hangin, itna ka nei buale ka paute sia zam nging daak nging bang bek ahi hi.

1 Corinth te 13:4

Itna in thin uai a, dik hi; itna in ki eenna nei ngawl a, kisathei ngawl, kiphasak ngawl hi;

Colossae te 3:14

Tuaciangin hi kicinna tungsia ah ki itna belap vun, tua in na theampo a cingin pumkhat suak tu in hong hencip hi.

1 Thessalonica te 3:12

Khat le khat na ki itna uh le mihing theampo na itna sungah khangto vaialin, noma kong itna a lian za ma in na ki it natu uh, Topa in hong siam tahen.

2 Thessalonica te 1:3

Suapuite awng, note atu in hun theampo ah Pathian ka pok uh kul hi. Tuabang ka ngamtat tu uh sia maan hi, banghang ziam cile na upna uh nasia khan mama a, tuaciang note khat sim ii midangte na itna uh lian vaial hi.

1 Timothy 1:5

Hi thupiakna ii tupna sia, lungtang thiangtho, thinsung thiangtho le upna tatak panin hong piang ki itna a khanto thei natu deina hi.

Hebrew te 13:1

Tapidaw mi unau khat bangin khat le khat ki it tawntung vun.

James 5:12

A thupibelin ci leang suapuite awng, kamciam na vawt uh ciangin tomlo in kiciam heak vun. Vantung taw ahizong leitung taw ahizong, nadang khat pawpo taw ahizong tomlo in kiciam heak vun. Hi na sak uh ciang, “Hi hi” bekma ci vun, ahi ngawlna ah, “Hi bo” ci lel vun, tua hile Pathian ii thukhenna na thuak buatu uh hi.

James 5:20

hi thu phawk tavun: a kuama po mihing a maw khat sia ama ngamtat khialna pan hong khealsak ahile, tua pa in mawneipa ii thaa a thi natu panin hun tu a, mawna tam mamate kimaisakna piangsak tu hi.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

3 John 1:2

Ka it ka lawmpa awng, thaa sungah thahat ci in kong heak bangma — na theampo ah maapai daupai in na ciidam natu thu ka ngen hi.