1 Peter 4:7 - Syin Chin Bible

⁷ Na theampo a bo natu hun hong nai zo hi. Thu na nget thei natu in noma le noma ki uk thiamin, na pilvang tavun.

1 Peter 4:7 Iomraidhean Croise

Pianciilna 19:35

Tua hi a, tua zanin, a pa sapittui khamsakin, a naunu le a pa lumin khial hi. A pa sapittui kham leih kik ahikom tuasia hunlam he ngawl hi.

Pianciilna 6:13

Pathian in Noah tungah, “Mihing theampo bosak tu in ka khensat zo hi. Leitung sia amate ngoltolna taw kidim ahikom amate ka mon siat tu hi.

Thuhilsya 7:2

Khuangaina inn ah pai sia poai vawtna inn ah pai sangin phazaw hi, banghang ziam cile a nungta lai eite theampo thina in hong ngak nginge hi cisia hong phawksak hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Ezekiel 7:6

A vekpi kiman zo hi. Hisia in bona ahi hi. Nang sia a mansa na hi hi.

Matthew 24:42

“A kingingta sa in om vun, banghang ziam cile Topa hong pai tu ni sia na he bua uh hi.

Matthew 25:13

“Tua ahikom kikeam khol vun, banghang ziam cile, a ni tu le a nai tu na he bua uh hi,” ci in Jesus in thukhup hi.

Luke 21:34

Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Luke 22:46

Ama in, “Banghangin mu nu ziam? Ze etna sungah na puk ngawl natu in, tho vun a thungen vun,” amate munah ci hi.

Romete 12:12

Na lametna in hong lungdamsak tahen a, ngim ngana sungah thinsau tavun. Tuaciang a tawntungin thungen tavun.

1 Corinth te 15:24

Tuasia ciang a tawpna hong theng tu hi; Christ in thaa lamsang ah a ukte, thuneite, vaangletna a neite theampo zo tu a, tuaciangin a Kumpi Ngam sia Pa Pathian tungah aap tu hi.

1 Corinth te 7:29

Ka suapuite awng, ka ci nop sia in hisia ahi hi: hun tam om nawn ngawl ahiciang, tu pan kipan zi nei pasal neite in a nei ngawl bangin om tu uh hi;

Ephesus te 6:18

Hite theampo thungetna taw seam vun a, Pathian munah huna na ngen vun. Thaa ii hong lampui bangin, hun theampo sungah thu na ngen vun. Hi thu hu in pilvangin, thinkiam ngei heak vun; Pathian ii mihingte theampo atu thu na ngen tawntung vun.

Philippi te 4:5

Mihing khat sim tungah na cikna uh lak tavun. Topa hong pai pal tu hi.

Colossae te 4:2

Thu na ngen tawntung nanak vun. Thu na nget uh ciang na pilvang vun a, Pathian tungah lungdam na ko vun.

2 Timothy 4:5

Ahihang nangma le nangma sia hunte theampo sungah na ki uk in; ngimnate na thuak kenkon in, Lungdamna Thupha thuhilpa nasepte naseam in a, Pathian naseampa bangin nasep tu theampo na seam in.

Titus 2:12

Tua thu thiamna in, eite Pathian dei ngawl nuntakna zia, leitung taw kisai lungngul nate nusia in hong sawl a, hi leitung ah eima le eima a ki uk zo nuntakna, thutang le Pathian dei bang nuntaknate taw ih nuntak tu in hong hil hi.

Hebrew te 10:25

Pawlkhatte bang hi ngawlin, eite in kikhoptua ngei sia thasua bua tawng. Topa Ni hong nai hi ci in, mu na hi uh ciangin, khat le khat kihanthawn seseam zaw tawng.

Hebrew te 9:26

tuabang hi thong le, simlei a kibitphua pan kipan tamveipi na thuak zo tu hi. Tu in hunkhen theampo a tawp natu hong nai ciangin, ama le ama a kipiakna taw mawna kithiansua natu in, ama in a tawntung atu, khatvei lian hong kilaak zo hi.

1 Peter 1:13

Tua ahikom a diang tu in, na thin sung uh ah kingin khol tavun. Jesus Christ hong kilangh ciangin, note hong piak tu thupha tungah lametna a cingin nei tavun, na kipilvangsak vun.

1 Peter 3:7

Tuasia bangma in no pasalte zongh, na zite uh thaneam zaw ahi hunlam telthiam in na nuntakpui tu uh kul hi. Amate zatak vawt tavun, banghang ziam cile, amate zongh noma taw kibangin, Pathian ii nuntakna letsong sia sang khawm tu uh hi. Tuabangin na ngamta uhle na thungetna uh bangma in hong nawngkaisak ngawl tu hi.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.

Thupualaakna 16:15

“Ngai vun! Nguta khat taw kibangin kong pai tu hi! Ngual mai ah pumnguak in om a, maizum a nga ngawl natu in, mu ngawlin a puansilhte a keamcing pa sia mihing lungdam ahi hi.”