1 Peter 4:4 - Syin Chin Bible

⁴ Tu in Pathian he ngawlte in amate sansak po maitat, loklenna sungah na kihel nop nawn ngawl uh ciang, lamdang sa in note hong selno uh hi.

1 Peter 4:4 Iomraidhean Croise

Matthew 23:25

“Thukham hil syate Pharisee te awng! A kihitheamsakte awng! No atu in bangza lauhuai ziam? Hai le kuang sia a puasang teng na sil uh hi, ahizong sungsang sia zawthawk thu le duhopna taw na nga uh nate taw kidim hi.

Luke 15:13

Ni tawmvei zawkciangin, a tapa nozaw sia in, ama ii neisa teng zuak siat a, inn nusia in a sum teng taw pusuak hi. Ngam khualana khat ah pai a, tua munah a sum teng zangh maai siat hi.

Sawltakte 13:45

Jew te in mihonpite a mu ciangin, eenna thin taw kidim uh a; Paul thusonte nialin, selno uh hi.

Sawltakte 18:6

Amate in nalh in, ama huvau kamsia a pau uh ciang, ama in a lungkim ngawlna a lakna in, a puan tungah leivui baangte thin a, “Na mangthang uh le noma mawna hang hi tu hi! Kei hang hi ngawl tu hi. Tu pan kipan Gentile te kungah pai tu khi hi,” ci hi.

Romete 13:13

Sun khuavak sungah a teangte bangin, eite a kilawmin ih ngamta tu hi — Lawplaina, zukhamna, a maizumhuai ngamtatna, kihauna tua ahibuale ki eennate ih vawt buatu hi.

Ephesus te 5:18

No hong lalsak thei, sapittui na kham heak vun: Thaa taw na kidim zaw tavun.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

1 Peter 3:16

ahihang tuabang na son uh ciang, cikna thiamna le kithasiana nei tavun. Na thinsung ah, kithasunna omsak heak vun, tua hile hong kiselno ciangin, Christ nungzuite na hina uh taw na ngamtat phate hong sonsiate sia, amate pauna taw a maizum tu uh hi.

2 Peter 2:12

Ahihang hi mihingte in, amate thinsung pan, a piangtawm thinpuakte taw ngamta uh a, mat tu le thalup tu a, a piang ngamsate taw kibang uh hi; amate heak zawk ngawl na theampo selno nate taw do uh hi. Amate sia ngamsate bangin kithat tu hi,

2 Peter 2:22

Paunak sungah, “Ui khat in a luak sa ne kik a, a kisilthiang sa vok khat buan sungah bual kik hi,” ci thu a maan hunlam sia amate tung thupiang sia in lak hi.

Jude 1:10

Ahihang hi mite in a tel ngawl nate sia nunau in, selno uh hi; tuaciang nganhing bangin, amate ii a pianpui thinsung uh taw a heak thei nate in amate lalsak uh hi.