1 Peter 4:3 - Syin Chin Bible

³ A bosa hun sungah Pathian he ngawlte ii sep nop teng, a khomin seam zo nu hi. Na nuntakna uh sia, zummawk ngamtatna, sikvilna, zu khamna, uangtatna, zuneakna, a thasiathuai milim biaknate taw zangh zo nu hi.

1 Peter 4:3 Iomraidhean Croise

2 Samuel 13:28

tuaciang a naseamte thupia a: “Amnon ii zu a kham mama hun hong he tavun a, thu kong piak ciangin ama that vun. Lau heak vun. Keima in vaipuak la khi hi. Hang vun a, haisaang heak vun,” ci hi.

1 Kumpite 21:26

Israel mite maisang a nawk lai in ngamsung pan Topa ii nawkeak Amor te ii biak bangma in ama in milim biakna taw maizumhuaibel mawnate vawt hi.)

2 Khangtaanghthu 15:8

Asa in Oded ii tapa Azariah ii kamsaanna a son sia a zaak ciang tha nga hi. Ama in Judah le Benjamin ngam sungah a om milimte theampo le Ephraim mualtung ngam pan a laak khuapite sungah a om milimte theampo vawk siat hi. Ama in biakinn leitual ah a om Topa ii biaknatau zongh pua kik hi.

Isaiah 28:7

Kamsaangte le thiampite ngawngawn zu kham in hoi vatut uh hi. Sapittui le zuhang tam ne lei ahikom amate lungmangin lutu uh hi. Kamsaangte zukham lei ahikom Pathian ii a musak khol thute tel zo ngawl uh a, thiampite zongh zukham lei ahikom amate kungah a kipuak thute khensat thei ngawl uh hi.

Isaiah 5:11

Note a lal na hi uh hi. Zingsang zu ne tu in na thopal uh a, nitak ngei hial veu zu ne zu khamin na om uh hi.

Isaiah 65:4

Zanin mithite ii thaate tungah thu dongh tu in suanghawng sung le thaan ah amate pai uh hi. Amate in voksa ne in doai biakpiakna in a nei, sa huanna satuite hawp uh hi.

Jeremiah 16:11

Tuasia ciang Topa ii hi bangin a ci sia amate tungah va son ta'n hong ci hi, ‘Na taanghpupite in kei kung pan puapial a ngamdang pathiante bia in a na seam uh hi. Amate in kei hong nusia a ka hil thute ni ngawl uh hi.

Jeremiah 16:18

Amate ii mawna khialna le seksol nate hu in a zaa nii ka liausak tu hi, banghang ziam cile mithi luangte bang a nuntakna a nei ngawl milimte taw amate in ka ngam ninsak uh a, amate ii a maan ngawl pathiante ka ngamsung kidimsak hi,” ci hi.

Ezekiel 44:6

“Israel mi kei hong langpante tungah, Keima, Vaanglianpipa Topa in a kiihuai amate ngamtatnate thuak zo nawn ngawl tu khi hi ci sia son in.

Ezekiel 45:9

Vaanglianpipa Topa in, “No Israel ngamukte awng, mawna khialna na vawt uh khuangei lei zo hi! Na ngoltolna uh le ngual na zawthawk vawtnate tawlnga vun. A pha le a maan bek vawt vun. Ka minamte a ngam uh pan hawlkeak kik ngeingawl tu nu hi. Keima, Vaanglianpipa Topa in hi teng kong son hi.

Mark 7:22

nupa kipalngulna, duhopna, ngamtat siatna tuatuam; kitheamna, maizummawkna, ki enna, kingensiatna, kiphatsakna, le mawmawtna —

Sawltakte 17:30

Mihingte ii ama ih heak ngawl lai hunte, Pathian in heak ngawl bawl hikale tu hun ciang, mihingte a vekpi in mun theampo ah, amate tatsiatnate pan a kikheal natu ama in thupia hi.

Romete 13:13

Sun khuavak sungah a teangte bangin, eite a kilawmin ih ngamta tu hi — Lawplaina, zukhamna, a maizumhuai ngamtatna, kihauna tua ahibuale ki eennate ih vawt buatu hi.

1 Corinth te 12:2

Pathian he ngawlte na hi uh lai in, note sia nuntakna a nei ngawl milimte biakna sungah lampialna tam mama taw hong kipaipui ahi sia na heak uh hi.

1 Corinth te 6:11

Note pawlkhat in tuabang na ngamta ngei uh hi. Ahihang note sia mawna panin hong kithiansua zo hi; Pathian tungah hong ki aaptuam zo hi. Topa Jesus Christ le eite Pathian ii Thaa in Pathian mai ah note thutang hong suaksak zo hi.

2 Corinth te 12:21

Kong pai kik ciangin, a bosa hun sung note tam mama in mawna na vawt uh a, cii le sa deina taw nu le pa mawna te — paktat ngamtatnate pan a kisiik kik ngawl mawneite hu in, keima ka kap tu a, note mai ah ka Pathian in kei hong maizum sak tu ka lau hi.

Galatia te 5:19

Mihing pianzia ii sepna sia thiang takin kimu hi. Tua sia in nu le pa paktatna, a kiihuai le zummawk ngamtatnate;

Galatia te 5:21

kidungawkna, zukhamna, sikvil loklenna le hite taw a kibang ngamtatna dangte nei uh hi. Kidop natu kong piak ngei bangin tu in kong ci hi: hi bang ngamtatna neite in Pathian Ngam lua ngawl tu hi.

Ephesus te 5:18

No hong lalsak thei, sapittui na kham heak vun: Thaa taw na kidim zaw tavun.

1 Thessalonica te 4:5

Pathian a he ngawlte bangin cii le sa deina taw na nungta heak vun.

Titus 3:3

Banghang ziam cile, eima zongh khatvei lai in, a mawmaw, thu ni ngawl le a khial thei mi ih hi ngei hi. Ci le sa deina le nopsakna namcin ii sila ih hi ngei hi. Ih nuntakna sia hazatna le eenna taw ih zangh hi; ngual in hong ensan a, tuaciang ei zongh in ih ensan hi.

1 Peter 1:14

Pathian thu ni vun, tuaciang bangma na heak ma na nei uh, deinate in na nuntakna uh uksak heak vun.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.