1 Peter 4:19 - Syin Chin Bible

¹⁹ Tua ahiciang Pathian ii deina a om hu in a thuakte ahile, a kamciam a peal ngeingawl, amate a Bitphuapa sungah, a ngamtat phatnate taw amate le amate kipummuan tahen.

1 Peter 4:19 Iomraidhean Croise

Esther 4:16

“Pai in a, Susa khuapi sungah a om Jew mi theampo khawm in; antang in kei atu thu hong ngetsak tavun. Sun thum le zan thum sung an ahizong tui ahizong bangma ne heak vun. Ka khangmoi numeite le keima zongh tuabang ma in ka na vawt tu uh hi. Tua zawkciang, upadi bang ahibuatazong kumpipa kungah ka pai tu hi. Tuabang ka pai hu in ka thi a kul le zong a thi ka hi tu hi” ci hi.

Psalm Late 138:8

Na kamciamsa theampo na seam tu hi; Topa awng, na itna kip tawntung hi. Na patsa nasep sia a khuangkhim dongin hong seam ta'n.

Psalm Late 31:5

Nong kepna sungah keima le keima kong ki aap hi. Topa awng, nong hun tu hi. Nang sia a thumaan Pathian na hi hi.

Psalm Late 37:5

Nangma le nangma Topa tungah ki aap in; ama muang in, ama in nang hong hu tu hi;

Isaiah 43:21

Amate sia keima atu in ka vawt mite hi a, amate in keima hong pokna lasa tu uh hi!” ci hi.

Isaiah 43:7

Amate sia keima mite hi a, keima hong minthangsak tu in ka bitphua ahi hi,” ci hi.

Daniel 6:22

Pathian in tawpite ii kei hong liamsua ngawl natu tawpite kam a hum tu in a vantunglalang sawl hi. Kumpipa awng ka maw ngawl hunlam le nang tungah kong khial ngawl hunlam Pathian in he a hikom hi bangin vawt hi,” ci in zo hi.

Luke 23:46

Jesus in nging takin hi bang hong au hi, “Pa awng! Na khut sungah ka thaa kong aap hi!” a ci zawkciang ama thi hi.

Sawltakte 7:59

Amate in Stephen sia, suang taw a hawhua laitakin, ama in Topa biakpui a, “Topa Jesus awng, ka thaa hong saang ta'n!” ci hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

2 Timothy 1:12

tuaciangin hi thu hu in hite ka thuak hi. Ahihang thinmuanna taw ka kidim nginge lai hi, banghang ziam cile ka uppa ka he a, ama in kei hong muang a hong aapsa teng sia tua Ni dong ama in hong kepcingsak thei tu ci in ka he hi.

1 Peter 2:15

Banghang ziam cile a pha na vawt uhte taw, mihing mawmawte ii a mot paunate na thimsak tu uh Pathian in hong deisak hi.

1 Peter 3:17

Banghang ziam cile Pathian ii deina ahi nale a pha sepna hu a thuakna in, a sia sepna hu a thuakna sangin phazaw hi.

1 Peter 3:20

Hi thaa te sia Noah ii teambaw a sak lai hun a, Pathian ii thin uai takin a ngak, Pathian thu a ni nuam ngawlte ii thaa te ahi hi. Teambaw sungah mihing tawmno — a vekpi in liat bek — tui in laamto in suaktasak hi,