1 Peter 4:14 - Syin Chin Bible

¹⁴ Christ ii nungzui na hi uh hu in hong kizawngsak ahile, na lungdam tu uh hi; tua in a vaanglian Thaa ahi Pathian Thaa Thiangtho in no tungah a om hang ahi hi.

1 Peter 4:14 Iomraidhean Croise

1 Kumpite 10:8

Na zite bangza in hampha uh ziam! Na ciimna kammalte hong za tawntung, na kung a om, na naseamte zongh hampha mama hi!

2 Kumpite 2:15

Jericho pan kamsaang 50 teng in ama mu a, “Elijah ii vaangletna Elisha tungah om hi!” ci uh hi. Amate pai a, ama taw kisi in, a mai ah kun uh hi,

Psalm Late 146:5

Jacob ii Pathian sia ama ii hupa in a neipa le Topa sia amate ii Pathian in, a muangte sia mi nuamsate hi a,

Psalm Late 49:9

Thaankuul a thet ngawl natu le tawntung nuntak natu in ama ii piak thei tute a kicing ngei buatu hi.

Psalm Late 89:51

Topa awng, thaankhuk panin na ngalte in na tealsa kumpipa selno zazaan hi! a paina po ah amate in selno zazaan uh hi.

Isaiah 11:2

A mite a uk natu in Topa ii thaa in ama sia ciimna pilna le heakna pia tu hi. Ama in Topa deina he in thasiana nei tu a,

Isaiah 25:8

Vaanglianpipa Topa in thina a tawntungin mangthangsak tu hi! Ama in mihing theampo ii thitui nawlsak in, a mite ii leitung mun theampo ah a thuak maimawl na sia laaksak tu hi. Topa ama mama in ci zo hi!

Isaiah 51:7

“Thumaanna he in, na thinsung uh ah keima thuhilna a vom mite awng, ka thu hong ngai tavun. Mite in hong selno in hong lan ciangin lau heak vun;

Matthew 5:11

“Kei nungzui na hi uh hu in ngual in hong zawngsak hong vawtsia in, ngitlo leilot thu a nanam taw mawna hong zong le mihing lungdamte na hi uh hi.

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Luke 6:22

“Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

John 15:21

Ahihang amate in hite theampo note tungah hong vawt tu hi, banghang ziam cile note keima neisa na hi uh hi; banghang ziam cile amate in kei hong sawlpa he ngawl hi.

John 8:48

Amate in Jesus munah, “Nang sia Samaria mi hi a, doai vei ni hi kong ci uh sia, maan hi ngawl khu ziam,” ci uh hi.

John 9:28

Amate in ama lang a, “Tuasia pa nungzui sia nangma ni hi; ko sia Moses ii nungzuite khu hi.

John 9:34

Amate in, “Nang sia mawna sungah suak a, mawna sung ma a khangto ni hi — ko hong hil tu in hanciam ni ziam?” ci in zo uh hi. Tuaciangin amate in ama synagogue panin hawlkhia uh hi.

Sawltakte 13:45

Jew te in mihonpite a mu ciangin, eenna thin taw kidim uh a; Paul thusonte nialin, selno uh hi.

Sawltakte 18:6

Amate in nalh in, ama huvau kamsia a pau uh ciang, ama in a lungkim ngawlna a lakna in, a puan tungah leivui baangte thin a, “Na mangthang uh le noma mawna hang hi tu hi! Kei hang hi ngawl tu hi. Tu pan kipan Gentile te kungah pai tu khi hi,” ci hi.

Sawltakte 28:22

Ahihang nangma ngaisut nate ka za nuam uh hi, banghang ziam cile, mun theampo ah mihingte in, na pawl puite a siatson tek sia ka he uh hi,” ci uh hi.

Sawltakte 5:41

Sawltakte in Council a nusiat ciang, Jesus atu in maizum thuak tu, Pathian in kiphu sa ahikom lungdam uh hi.

2 Corinth te 12:10

Christ atu in thazawmna, kiselnona, haksatna, vawtsiatna le buainate ah ka lung a kim hi. Banghang ziam cile ka thazawm ciangin a thahat ka suak hi.

2 Corinth te 4:10

Jesus ii nuntakna ka pumpi uh sungah a kimu thei natu in, ama thina sia, a thithei ka pumpi uh sungah ka vom top uh hi.

2 Corinth te 4:16

Hi thu hu in kote ka thin uh a kiam ngei bua hi. Ih pumpi cii le sa sia dadam in muamuat ahihang ih thaa nuntakna sia ni khat zawk ni khat hong kithaksua hi.

Galatia te 1:24

Tuabangin amate in kei hu in Pathian pok uh hi.

Hebrew te 11:26

Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 5:11

Amate sia mihing lungdamte hi ih ci hi, banghang ziam cile amate in thuak zo uh hi. Job ii thin sauna te na za zo uh a, a tawpna ah Topa ii piakkikna thu na he zo uh hi. Banghang ziam cile, Topa sia hesuakna le ciliapna taw kidim hi.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

1 Peter 3:14

Ahihang thumaan nasepna na sep uh ciang ngawngawnin na thuak uh le, bangza in lungdam tu nu ziam! Kuama kiita heak vun a, thinngim heak vun.

1 Peter 3:16

ahihang tuabang na son uh ciang, cikna thiamna le kithasiana nei tavun. Na thinsung ah, kithasunna omsak heak vun, tua hile hong kiselno ciangin, Christ nungzuite na hina uh taw na ngamtat phate hong sonsiate sia, amate pauna taw a maizum tu uh hi.

1 Peter 4:16

Ahizong Tapidaw na hi uh hu in a thuak na hi uh le, maizum in nei heak vun, Christ minpu na hi uh hu in, Pathian tungah lungdamko tavun.

2 Peter 2:2

Tua hi napi in, mihing tam mama in amate paktat nopna lampite zui tu uh hi; tuaciang amate ngamtatna hu in ngualdangte in, thumaan Lampi sia sonsia tu uh hi.