1 Peter 4:13 - Syin Chin Bible

¹³ Christ ii vaangletna hong kilangh ciangin, lungdamna a cingin na nga thei natu in, ama thuaknate thuakpui na hi uh komin, lungdam zaw tavun.

1 Peter 4:13 Iomraidhean Croise

Isaiah 25:9

Tuasia a pian ciang, mihing theampo in, “Ama ih Pathian hi! Ama ka muang zo uh a, ama in hong suatak zo hi. Ama in Topa hi! Ama ka muang zo uh a, ama in kote hong ngum zo ahikom. tu in lungdam thinnuamin ka om uh hi” ci tu uh hi.

Isaiah 35:10

Amate in thinnopna taw lasa in, au in lungdamna taw Jerusalem khua theng tu uh hi. Amate heena le khuangaina taw kipeal tawntungin, lungdam top tu uh hi.

Isaiah 51:11

Na suataksak mite lungdamin thinnopna taw au a, lasa in Jerusalem theng tu uh hi. Amate a tawntungin heena khuangaina taw kipealin lungdam tawntung tu uh hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 25:21

‘Pha hi, a thumaan naseam pha pa awng, tawmno na zeakna tungah thumaan na hikom, tampi zeakna ah a uk tu in kong koi tu hi. Kei taw lungdam khawm tu in hong pai ta'n!’ ci hi.

Matthew 25:23

‘Pha hi, a thumaan naseam pha pa awng! Na tawmno tungah thumaan na hikom, na tampite uk tu in, kong koi tu hi. Kei taw lungdam khawm tu in hong pai ta'n!’ ci hi.

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 5:12

Na thinnuamsak vun, lungdam vun, banghang ziam cile vantung ah na thaman saan tu hong kikoisak sia lian mama hi. Taanghlai kamsaangte zongh tuabang ma in, na kivawtsia hi.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

Luke 17:30

Mihing Tapa hong kilaak ni ciangin, tuabang ma hi tu hi.

Sawltakte 16:25

Zankim hun ciangin, Paul le Silas in Pathian tungah thungen in, biakna late sa in om a, thongtaak dangte in ngai uh hi.

Sawltakte 5:41

Sawltakte in Council a nusiat ciang, Jesus atu in maizum thuak tu, Pathian in kiphu sa ahikom lungdam uh hi.

Romete 5:3

Ih ngimnate hu zonghin ih angtang hi, banghang ziam cile ngimna in thuak zawkna piangsak a,

Romete 8:17

A tate ih hi zawk nungsang a mite atu a khealsia thuphate ih lua tu a, Christ atu a Pathian ii a koi nate zongh ih lua tu hi; banghang ziam cile Christ ii thuakna ih thuakpui le a minthanna zongh ih lua tu hi.

Romete 8:18

Tu hun a ih thuakte in hong kilangh pheang tu, a minthanna taw kiteengat thei ngawl hi.

2 Corinth te 1:5

Christ ii thuakna tam mama sungah ih kihel bangin Christ tungtawnin Pathian huna tam mama ih nga hi.

2 Corinth te 1:7

Tua ahikom note sungah ka lametna uh sia ngawk zo ngeingawl hi; ko thuaknate nong thuak pui uh bangma in, huna ka nga uhte sungah note zongh na kihel uh sia ka he uh hi.

2 Corinth te 4:10

Jesus ii nuntakna ka pumpi uh sungah a kimu thei natu in, ama thina sia, a thithei ka pumpi uh sungah ka vom top uh hi.

2 Corinth te 4:17

Tuaciang, hi tawmvei hunsung ka thuak uh ngimna tawmnote in, tua ngimna sangin a tamzaw pek, a lian mama tawntung minthanna sungah kote hong then tu hi.

Philippi te 3:10

Christ heak tu le ama thaw kikna vaangletna siim tu, ama thuaknate thuakpui tu, a thina sungah ama taw kiban tu sia ka dei bulpi ahi hi,

Colossae te 1:24

Tu in no atu ka thuak nate tungtaang ah ka lungdam hi, banghang ziam cile a pumpi ahi pawlpi atu Christ ii thuak tu a om laite a khuangkhim natu in keima in cii le sa taw ka thuak ciangin a hu ka hi hi.

2 Timothy 2:12

Thuakna ih zom to suak le ama taw ih maangkhawm tu hi. Ama ih nial le, ama zongh in hong nial tu hi.

1 Peter 1:13

Tua ahikom a diang tu in, na thin sung uh ah kingin khol tavun. Jesus Christ hong kilangh ciangin, note hong piak tu thupha tungah lametna a cingin nei tavun, na kipilvangsak vun.

1 Peter 2:21

Pathian in no hong sapna sia hi thu hang ahi hi, banghang ziam cile Christ ama mama in, no atu in thuak a, ama khuani na zui thei natu in ettee tu hong nusiat hi.

1 Peter 5:1

Pawlpi upa khat ahi keima in no pawlpi upate tungah kong thuum hi. Keima sia Christ thuakna ii tetti khat ka hi a, maisang hong kilangh tu minthanna a nga tu khat ka hi hi.

1 Peter 5:10

Ahihang tawmvei na thuak zawk uh ciangin, Christ taw pumkhat hina taw, ama ii a bomaw minthanna nga tu a hong sam, thuthiamna theampo ii Pathian, ama mama in no hong cialcingsak tu a, kipsakna, thahatna le, bul khona hong pia tu hi.

Jude 1:24

Tu in na puk ngawl natu in, hong keam thei a, ama ii minthanna mai ah a sitbaang ngawl le lungdamna lianpi taw hong then thei —

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 1:9

Keima in na suapuipa John ka hi a, tuaciang Jesus nungzui khat ka hina taw Pathian ngam lua tute ii thuak tu vawtsiatna noma taw a kibangin a thuak kenkon na seppuipa ka hi hi. Kei sia Patmos tuikulh tungah hong kikoi hi, banghang ziam cile, Pathian kammal le Jesus ii hong pualaak thumaan thutak ka thansak hang ahi hi.