1 Peter 4:12 - Syin Chin Bible

¹² Ka it lawmte awng, a haksa ze etna na thuak uh hu in, lamdang sa heak vun, a piang ngeingawl thute no tungah hong piang bangin ngaisun heak vun.

1 Peter 4:12 Iomraidhean Croise

Thuhilsya 5:8

Kumpite in mizawngte vawtsia in amate hamphat natu te danh in thumaan ngawlin thu a khen na mu ciang lamdang sa heak in. Ulian khat pawpo, a tungsia a ulian sia in vuumsit a, amate ngeal sia a tung sawn a sia in vuumsit lalai hi.

Isaiah 28:21

Topa in ama ngamtatna te a lamdang bang ahi hial zong — ama ii vawt tu a ngaisut sia vawt tu in Perazim Mualtung le Gibeon kuam ah ngal a sim bangin sim tu hi. Ama in ama ii a tel hak a nasepna khuang khim tu hi.

Daniel 11:35

Tua mihing ciim lampuite pawlkhat kithatlum tu a, ahihang hi sia hu in mihingte kithiansua tu hi. Hi sia Pathian ii ciangtan hun, a tawpna a thet dong kizom suak tu hi.

1 Corinth te 10:13

Ze etna na thuaksa uh theampo sia mihingte tungah a tung bul thute ahi hi. Ahihang Pathian in a kamciam kholet hi, tuaciang ama in a kipin na om thei natu note thuak zawk ngawl tu ze etna hong thuaksak ngawl tu hi; hong kize et ciangin zongh thuak zawk thahatna hong pia tu a, na suatak natu lampi khat hong hon tu hi.

1 Corinth te 3:13

Tuaciang mihing khat sim ii nasepna a phat le a phat ngawl sia Christ Ni in a pholaak ciangin kimu tu hi. Banghang ziam cile tua Ni in meikuang in mihing sim ii nasepna kilanghsak tu hi; meikuang in tua nasepnate sittel tu a, a phatna le a siatna lak thiang tu hi.

2 Timothy 3:12

A kuama po Jesus Christ taw kipawlin, Pathian dei bang nuntakna a nungta nuamte sia kivawtsia tu hi.

1 Peter 2:11

Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.

1 Peter 4:4

Tu in Pathian he ngawlte in amate sansak po maitat, loklenna sungah na kihel nop nawn ngawl uh ciang, lamdang sa in note hong selno uh hi.

1 Peter 5:9

Na upna sungah kip vun a, ama na nalh vun, banghang ziam cile, leitung theampo a om na thu uppuite zongh a kibang ngimnate thuak hi.