1 Peter 4:10 - Syin Chin Bible

¹⁰ Mihing sim in Pathian letsong tuatuamte a zeak thiampa bangin, Pathian tung pan a tuam vilvel na saan uh letsongte sia ngualdangte phattuam natu in zangh hamtang vun.

1 Peter 4:10 Iomraidhean Croise

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 24:14

Tuaciangin, hi Kumpingam Lungdamna Thupha sia, leitung theampo ah tetti tu in minam theampo tungah kihil kawkoai tu hi; tua zawkciang hun bona hong theng tu hi.

Matthew 24:21

Banghang ziam cile tua hun ah ngimna sia leitung a kipat pan kipan, tuni dong a piang ngei ngimnate theampo sangin nasia zaw pek tu hi. Tuabang ngimna sia maisang zongh ah om kik ngei nawn ngawl tu hi.

Matthew 24:45

“Thumaan a, a ciim naseampa sia akua bangte ziam? Ama sia naseam dangte a uk tu le a hun a hun in an a pia tu in a kikoipa ahi hi.

Matthew 25:17

Tuasia bangma in dangka tulnii a nga sia zongh in, a dang tulnii ma nga thua hi.

Matthew 25:44

“Tuasia ciang amate in, ‘Topa, ngilkial dangtaak a, khualmi in, puansilh sel a ciina le na thongtaak, bang hun hong mu ngei a, hong hu ngawl kana khu ziam?’ ci in zo tu uh hi.

Mark 10:45

Banghang ziam cile Mihing Tapa ngawngawn zongh, ngual in ama na a sepsak tu in hong pai bua hi; ngual atu a seam tu le, a nuntakna pia in, mihing tam mama tan tu in hong pai hi,” ci hi.

Luke 12:42

Topa in, “Tua ahile thumaan a, a ciim naseampa akua ziam? Tua pa in a inn a uk tu le, naseam dangte a hun ciang an pia tu in a topa ii sawlpa ahi hi.

Luke 19:13

A vai din ma in a naseamte sawm sam a, khamh dangka khat tek pia in hi bangin ci hi. “Ka om ngawl sung teng in hisia taw bangza na meetsak thei uh ziam kisin vun,” ci hi.

Luke 8:3

Herod ii zumsung ulian khat ahi Chuza ii zi Joanna; le Susanna le a dang numei tam mama, Jesus le a nungzuite hu natu in, amate neisun po a pia pawlkhat in kitholpui uh hi.

Romete 15:25

Ahitazong, tu laitak Jerusalem ah a om Pathian mite atu seam tu in ka pai tu hi.

Romete 15:27

Hisia amate mama ii khensat ahi hi; ahihang a tatakin ci leang amate in tua mizawngte a hu tu sia a sep tu ahi hi. Jew te in thaa lam sangah thuphate Gentile te a hop bangma, Gentile te zongh in Jew te sia a leitung neisate taw a hu kik kul hi.

1 Corinth te 15:10

Ahihang Pathian ii thuthiamna taw keima sia hi bang ciang ka hi a, ama hong piak thuthiamna sia a luithawthong a suak bua hi. Kei sia sawltak dangte sangin, nasia zaw in na ka seam hi. Tua zongh a tatakin kei ii sep hi ngawlin kei taw a om Pathian ii thuthiamna ii a sep ahi hi.

1 Corinth te 3:10

Pathian hong piak hesuakna thupha zangh in, inn sa thiampa ii nasep teng ka seam a, a tawdap phungkawng ka phasak hi, tuaciangin ngualdang khat in tua ii tungah sa to hi. Ahihang mihing sim in, bangbangin inn kisa ziam, ci in a kidop kul hi.

1 Corinth te 4:7

Akua in note ngualdangte sangin a thupizaw in hong piangsak ziam? Na neisa uh theampo Pathian hong piaksa hi ngawl ziam? Tua ahile pha hi, na neisa uhte sia letsong ahi ngawl bang phetin, bangbangin kiphatsak pui thei tu nu ziam?

2 Corinth te 6:1

Tua ahiciang, Pathian taw ko ii nasep khopna sungah Pathian ii thuthiamna a saangte in, tua thu thiamna sia a luithawthong a suasak ngawl natu in kong thuum uh hi.

2 Corinth te 9:1

Judea ngam ah Pathian ii mihingte atu huna a kipuak huvau in, lai kong at sia a kul vateal hi ngawl hi.

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,

Ephesus te 4:11

“Mihingte tungah, letsong hong pia sia” ama ahi hi, pawlkhatte sawltak nasep, pawlkhat sia kamsaang nasep, a dangte thupha puak nasep, pawlpi keam le lai hil sya nasep pia hi.

2 Timothy 1:18

Tua Ni ciangin Topa in ama tungah hesuakna pia tahen. Ephesus khua ah zongh, kei atu in ama in bangza in hong seam ci sia na heak mama ahi hi.

Titus 1:7

Banghang ziam cile Pawlpi lampui khat sia Pathian ii nasepna a uk ahikom, ama sia paubanna nei ngawl tu hi. A ma sia a kihisak, a thintom, zukham thei, a ngoltol, ahibuale sum lamsang a duhop hi ngawl tu hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

1 Peter 5:10

Ahihang tawmvei na thuak zawk uh ciangin, Christ taw pumkhat hina taw, ama ii a bomaw minthanna nga tu a hong sam, thuthiamna theampo ii Pathian, ama mama in no hong cialcingsak tu a, kipsakna, thahatna le, bul khona hong pia tu hi.

1 Peter 5:12

A thumaan Tapidaw suapui in ka ngaisut Silas ii hong huna taw, hi lai tomno kong at hi. Hi thu sia Pathian ii thuthiamna tatak hi ci in tetti pangin, kong hanthawn hi. Tua thu sungah kho takin ding vun.