1 Peter 4:1 - Syin Chin Bible

¹ Christ in a pumpi ngim thuak ahikom in, note zongh ama khua ngaisutna bangma nei in noma le noma na kithahatsak nanak vun; banghang ziam cile a kuama po pumpi taw a thuak sate sia, mawna sungah a tualta nawn bua hi.

1 Peter 4:1 Iomraidhean Croise

Isaiah 1:16

Noma le noma kithiangsak vun. Ka mu tangin a sia na vawt uh theampo vawt nawn heak vun. Hi hi, a sia ngamtatnate kheal vun a,

Ezekiel 16:41

Amate in na innte hong haltumsak tu a, na daan thuakna sia numei honte in hong ensak tu uh hi. Na pumpi zuak sia kong tawlngasak tu a, na lawmpate letsong na piak sia kong tawlngasak tu hi.

Mark 3:3

Jesus in pasalpa munah, “Hi sung mai sangah hong pai ta'n,” ci hi.

Romete 6:11

Tuasia bangma in no zongh mawna taw kipee thute ah a thisa in, na kituat vun a, ahizong, Christ Jesus tungtawnin Pathian taw kipawlkhopna sungah a nungta in na kituat vun.

Romete 6:2

Hi ngawl het hi. Eite in mawna thi san zo ih hi ciang bangbangin mawna sungah nungtata lai tu hi ziam?

Romete 6:7

Banghang ziam cile mihing khat a thi ciangin mawna tha hatna panin a kisuaktasak ahi hi.

Galatia te 2:20

tua ahikom, a nungta sia kei ka hi nawn bua a, ahihang kei sungah a nungta sia Christ ahi hi. Tu a ka nuntakna sia ahile kei hong it a, a nuntakna kei atu hong pia Pathian Tapa ka upna taw a nungta ka hi hi.

Galatia te 5:24

Tuaciang Christ Jesus ii neisa ahite in, a mihing pianzia le tua ii uukna le deinate sia thi khawmsak zo hi.

Ephesus te 6:13

Tua ahiciang tu in Pathian ngalvanhte silh vun! Tua hile hun ngilo ni hong thet ciangin ngalte ii hong simna te na nalh zo tu uh a, a tawp dongin na sim zawk uh ciang na dinmun kip lai tu hi.

Thuhil kikna 27:10

tua ahiciang tuni in kong piak ama thukham theampo zui in keamcing tavun,” ci uh hi.

Philippi te 2:5

Christ Jesus ii a nei thinpuak na nei tavun.

Hebrew te 12:3

Ama thuakna teng ngaisun vun; bangza in mawneite ii a nasia tatak etsatna thuak ziam! Tua ahikom note zongh thinkiam heak vun, hanciam vun.

Hebrew te 4:10

Banghang ziam cile tua Pathian kamciam a piak tawlngak nuam sungah a tawlnga peuma in, Pathian tawlngak bangma in, amate nasepna pan a tawlnga tu uh hi.

1 Peter 2:21

Pathian in no hong sapna sia hi thu hang ahi hi, banghang ziam cile Christ ama mama in, no atu in thuak a, ama khuani na zui thei natu in ettee tu hong nusiat hi.

1 Peter 3:18

Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,