1 Peter 3:9 - Syin Chin Bible

⁹ Ngitlona sia ngitlona taw thuk kik heak vun a, haamsiatna zongh haamsiatna taw thuk kik heak vun; tua hi ngawl zaw in thupha taw kithuk zaw vun, banghang ziam cile, note Pathian hong sap lai in piak tu a hong kamciam sia thupha hi zaw hi.

1 Peter 3:9 Iomraidhean Croise

Pianciilna 42:25

Joseph in a suapuite ip teng dim antang a hensak natu, mi khat sim ii sum sia a ip sung tek ah a koisak kik natu le lampi ah a neak tu nguai an a piak natu in thupia hi. Tuabang ma in kivawtsak hi.

Paunakte 17:13

Thupha khat sia thusia taw na thuk le na bangkua sungah siatna a veng ngei buatu hi.

Paunakte 20:22

Ngual ii nang tungah hong khialnate thuk kik tu in ngaisun heak in. Topa muang in, ama in a maanin seam tu hi.

Paunakte 28:10

Mihing thumaan khat a sia vawt tu in na theam le nangma thaang sung ma ah na taaksuk tu hi. Mawbaang ngawlte thaman a pha kipia tu hi.

Matthew 19:29

Tuaciang a kuama po kei hu in, a inn, a suapuipate, a suapuinute, a pa, a nu, a tate, a leitang khat pawpo a nusiate in, a see zakhat sangin tamzaw in saang tu a, tawntung nuntakna kipia tu hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 5:39

Ahihang kei kong cina pan: no tungah hong khialte na thuk kik heak vun; khat po in na biangkho ziatsang hong beang le na biangkho veisang zongh na ngat vun.

Matthew 5:44

Ahihang kei kong cina pan: na ngalte it vun a, hong vawtsiate atu thungetsak vun.

Mark 10:17

Jesus ding tu in a kipat kik ciangin, pasal khat hong tai a, ama mai ah khupdin in, “Sya pha awng, tawntung nuntakna ka nga natu in bang ka vawt tu ziam?” ci in dongh hi.

Luke 10:25

Thukham hil sya khat hong pai in Jesus aitaa nuam a, “Sya awng, tawntung nuntakna ka nga natu in bang ka vawt tu ziam?” ci in dongh hi.

Luke 18:18

Jew te lampui khat in, “Sya pha awng, tawntung nuntakna ka nga natu in bang ka vawt tu ziam,” ci in dongh hi.

Romete 12:14

Hong vawtsiate thupha a saan natu in Pathian munah thungetsak vun — hi hi, Pathian in haamsiat ngawlin thupha a piak natu ngen vun.

Romete 12:17

A sia in hong vawt a om le a sia taw thuk heak vun. Mihing theampo ii pha hi ci in a ngaisutte sep tu hanciam vun.

Romete 8:28

Pathian ii tupna taw a sam sa ahi ama a itte atu in na theampo Pathian in a phabel in piangsak hi.

Romete 8:30

Tua ahikom Pathian in a tuamin a koi sate sam a, a samte thutang suaksak hi, tua thutang a suasakte ama ii minthanna hawm hi.

Galatia te 3:14

Upna tungtawnin Pathian ii hong kamciamsa Thaa ih nga natu le Abraham tungah Pathian kamciamsa thuphate, Christ Jesus tungtawnin Gentile te tungah a kipiak thei natu in, Christ in tuabangin vawt ahi hi.

Ephesus te 4:32

Khat le khat tungah kithuthiam zaw vun a, thinneam tavun, Christ tungtawnin Pathian ii note mawna hong maisak bangma in, note zongh khat le khat mawna kimaisak tavun.

1 Thessalonica te 5:15

Khialna sia khialna taw in na thuk heak vun a, khat le khat tung le mihing theampo tungah phatna vawt tu sia hun theampo sungah na tup na sawm uh na hisak tavun.

Hebrew te 12:17

Tua zawkciangin, na heak uh bangma, ama in a pa ii thupha saang nuam hi; ahihang ama kinolh hi, banghang ziam cile ama in ama ii a sep sate a kheal kik natu lampi sia thitui taak liangin a zon hang zong a mu thei bua hi.

Hebrew te 6:14

Ama in “Thupha kong pia tu a, suan le paal tam mama kong pia tu hi ci in kamciam kong pia hi,” ci hi.

1 Peter 5:10

Ahihang tawmvei na thuak zawk uh ciangin, Christ taw pumkhat hina taw, ama ii a bomaw minthanna nga tu a hong sam, thuthiamna theampo ii Pathian, ama mama in no hong cialcingsak tu a, kipsakna, thahatna le, bul khona hong pia tu hi.

1 Samuel 26:11

Topa in ama ii koisa kumpipa sia ka suksiat tu oai ngawl hi! A tei le a tuithawl la in, pai ka tawng,” ci hi.