1 Peter 3:4 - Syin Chin Bible

⁴ tuate taangin na hoina sungah Pathian ii muna ah a man neibel ahi a tul thei ngawl, a dik cikna thiamna le thinsung pha na nei tu uh hi zaw hi.

1 Peter 3:4 Iomraidhean Croise

Psalm Late 131:2

Tua taangin lungkim thinnuamin ka om zaw hi. Nute kaang sungah nauno khat ommuangin a lup bangin ka sungah lungmuanna om hi.

Psalm Late 147:6

Ama in a kiniamkhiak te laamto a, ahihang a seksolte lei ah sucip hi.

Psalm Late 149:4

Topa in a mite tungtaang ah thinnopna nei hi; ama in a kiniamkhiak te zawna taw patoai hi.

Psalm Late 25:9

Ama in a kiniamkhiakte lam maan lakin ama deina hil hi.

Psalm Late 45:13

Kumpipa tanu kumpi inn sungah om hi — ama bangza in a mealpha ziam! A puantual sia khamh khau taw kitak hi.

Psalm Late 51:6

Citakna le thumaanna sia na dei thu ahi hi; ka khua ngaisutna sia na ciimna taw hong dim ta'n.

Isaiah 11:4

ama in mizawngte a pha in thukhen a, a cimaw mite ii a nga tuak te panpui tu hi. Ama thupiak bangin mite daan kipia in, mi siate thi tu uh hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Jeremiah 51:59

Zedekiah kumpipa a hu pa sia, Mahseiah ii tupa, Neriah ii tapa Seraiah ahi hi. Zedekiah ii Judah kumpi a sua zawk a kum lina kumin, Seraiah sia ama taw Babylon ah paikhawm hi, keima in Seraiah tungah thu pawlkhat ka hil hi.

Matthew 11:29

Ka hakkol la in kisuanh vun, kei tung pan hong kisin tavun, banghang ziam cile keima in cingh in a kiniamkhiak pa ka hi hi; tua ahikom toithaina na nga tu uh hi.

Matthew 21:5

“Zion khuapi munah son vun, En vun, na kumpipa no kungah hong pai hi! Ama kiniamkhiak in laa tungah to a, laapui ii ta laano tungah to hi.”

Matthew 23:26

Pharisee mittawte awng! Hai sia a sungsang sil phot le uhte a puasang zongh thiang tu hi.

Matthew 5:5

“A kiniamkhiakte in mihing lungdamte ahi uh hi; amate in Pathian kamciamte a saang tu uh hi!

Luke 11:40

A mawmawte awng! A puasang a vawt Pathian in a sungsang zongh vawt hi ngawl ziam?

Luke 16:15

Jesus in, “No sia noma le noma ngual mai ah a kithutangsakte na hi uh hi, ahizong Pathian in na thinsung theampo hong he hi. Banghang ziam cile mihingte ii thupisak nate sia Pathian muna ah man a nei bua hi.

Romete 1:23

a nungta tawntung Pathian a biak tu luangin a thithei mihing, vacim, ngamsa, awmtaal in a vak nganhingte meal taw kibang limte bia uh hi.

Romete 2:29

Jew tatak a kicite sia a sungsang Jew hi a, a thinsung vunteap a ki at, tua zongh Pathian Thaa ii sepna taw a ki at hi in, thukham ii sep le vawt ahi ngawlte hi. Hi bang mite in mihingte pokna hi ngawlin Pathian pokna saang uh hi.

Romete 6:6

Tuaciangin hi thu ih he hi, ih nuntakna a lui sia thinglamtee tungah Christ taw ih thisak zo a, mawna silate ih hi nawn ngawl natu, mawna vaangletna a kilalcipsak natu in ih nuntakna lui sia Christ taw ama thinglamtee tungah kithisak zo ci in ih he hi.

Romete 7:22

Ka sungah a nungta sia in Pathian thukham diksa hi.

2 Corinth te 10:1

Keima Paul in keima aituamin kong thuum hi — Note taw ka omkhop ciangin dikin cingh a, no taw a kikhuala a ka om ciangin hangsan hong kici hi. Christ cikna le thiamna hu in kei zongh note kung kong pai ciangin, ka hangsan a kul tu dong hong kivawt ngawl natu kong thuum hi;

2 Corinth te 4:16

Hi thu hu in kote ka thin uh a kiam ngei bua hi. Ih pumpi cii le sa sia dadam in muamuat ahihang ih thaa nuntakna sia ni khat zawk ni khat hong kithaksua hi.

Galatia te 5:23

kiniam khiakna le eima le eima ki uk zawknate piangsak hi. Hi te a langpan thukham bangma a om bua hi.

Ephesus te 4:2

A tawntungin kiniamkhiak in, cinghkamh in, na thinsausak tavun. Khat le khat kidualna taw itna kilak tavun.

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

Colossae te 3:3

Banghang ziam cile note thi zo a, tuaciang na nuntakna uh sia Pathian sungah Christ taw kiseal zo hi.

1 Thessalonica te 4:11

Kong son ngeisa bangma in, na nuntakna sungah nuam hithiatin na nuntak tu, noma taw kisaite bek ngaisutin nei tu, noma nuntak natu in na thalaw natu uh teng sia tup in na nei vun.

2 Thessalonica te 3:12

Topa Jesus Christ min taw hi mihingte tungah ahi tu bangin nungta tahen a, nasepna taw a nuntak natu thalaw tahen, ci in kidop natu thu ka pia uh hi.

1 Timothy 2:2

eite nuam takin kilem vadiam in om thei a, Pathian thasia in a kilawm ngamtatna taw ih nuntak thei natu in kumpite le a dang thu nei uliante atu zongh tuabangin na vawtsak natu kong thawn hi.

2 Timothy 2:25

Ama a langpante a puuaphat kik ciangin, thu khualna zangh tu hi. Banghang ziam cile Pathian in amate tungah kisii kikna pia in thumaan thutak a heak natu zongh hi thei tu hi.

Titus 3:2

Kuama siat son ngawlin, ngual taw kilem a, a kuama theampo tungah, cikna thiamna a lak tawntung natu na son in.

James 1:21

Tua ahikom a kiihuai zongsang nate le seksolnate theampo vawk siat vun. Pathian tungah ki aap vun a, na thinsung ah hong khum a kammal na saang vun, tua in note hong ngum thei hi.

1 Peter 1:23

Banghang ziam cile a nungta tawntung Pathian kammal tungtawnin, a thi maw a nungta tawntung nu le pa khat ii tate bangin, na piangthak zo uh hi.

1 Peter 3:15

Ahihang na thinsung ah Christ sia thasiana nei tavun. Topa a hina bangin ama vaang pia vun. Na sungah lametna na nei uh sia sonthiang tu in hong dongh khat pawpo na zo thei natu in a tawntung kinging tavun,

1 Samuel 16:7

Ahihang Topa in ama munah, “A tun saanna le a mealphatnate awlmawk heak in. Ama sia nial zo khi hi, banghang ziam cile, mihing thukhen bangin thu ka khen bua hi. Mihing in a pua sang pianzia bek en hi, ahihang kei ka hile a thinsung ka en hi,” ci hi.