1 Peter 3:21 - Syin Chin Bible

²¹ tua tui sia tu in note hong kingupna lim a lak, tui kiphumna ahi hi. Pumpi tung ciniinte silthiangna hi ngawlin, thinsung khentel theina pha taw Pathian tungah kamciam piakna ahi hi. Tua in Jesus Christ thawkikna tungtawn a note hong ngum hi,

1 Peter 3:21 Iomraidhean Croise

Zechariah 13:1

Vaanglianbelpa Topa in “Tua hun hong thet ciang, David suan le paalte le Jerusalem mite mawna le milim biakna pan thiansua natu in tuinaak khat hong phuul tu hi.

Matthew 28:19

Tua ahiciang pai tavun, mun theampo ah mihing theampo ka nungzui suaksak tavun: Pa, Tapa le Thaa Thiangtho min taw tui na phum tavun,

Mark 16:16

Akua po ahizong um in, tui a kiphumte kingum tu hi, a um ngawlte ahile puavawkna thuak tu hi.

John 13:9

Simon Peter in, “Tua ahile Topa awng, ka peang bek hong silsak heak in! Ka khut le ka lu zongh hong silsak ta'n!” ci hi.

Sawltakte 16:33

Tua zan tua hun mama in, thong ukpa in, amate pusuapui in, a liamna mate silsak hi; tuaciangin ama le a innkuan bupin tui kiphum paih uh hi.

Sawltakte 2:38

Na mawnate uh hong kimaisak a, Pathian ii tel, Thaa Thiangtho na saan natu in, note khat sim in, na mawnate pan kikheal nanak vun a, Jesus min taw tui kiphum tavun,

Sawltakte 22:16

Tu in banghang ngangak lai ni ziam? Tho in a, tui kiphumin, ama tung thungetna taw, na mawnate, kisilthiangsak in,’ hong ci hi.

Sawltakte 8:36

Tuabangin a pai susuk ciangin tui omna mun khat theng hi, tuaciang Ulianpa in, “Hi sungah tui om hi. Tui ka kiphum natu in bang in hong khak ziam,” ci hi.

Sawltakte 8:37

Philip in ama tungah “Na thin theampo taw na um le, tui kiphum thei tu ni hi,” ci hi. Ama in “Um khi hi. Jesus Christ sia Pathian Tapa hi, ci in um khi hi,” ci in zo hi.

Romete 5:14

Ahihang Adam hun pan kipan Moses hun dongin thina in mihingte uk a, Adam bang a Pathian thupiakna a ni ngawlte bek hi ngawlin a dangte zongh thi uh hi. Adam sia hong pai pheang tu mihing khat ii lim ahi hi.

1 Corinth te 12:13

Tuasia bangma in, eite theampo sia Jew te ih hizong, Gentile te ih hizong, sila le sila ngawlte ih hizong, a kibang Thaa khat in, pumpi khat sungah hong ki baptize a, tuaciangin ih dawn tu in Thaa khat sia ei theampo hong kipia zo hi.

1 Corinth te 4:6

Tua ahiciang, suapuite awng, “Ngeina maante na zui vun,” a ci kam tepteena sia ii a cinopna na heak thei natu uh in hi teng theampo sia Apollos le keima tungah ka sin zo uh a, koma nii sia ettee tu lim bangin ka kizangh uh hi. Note in mihing khat pawpo kiphatsak pui in, midang khat pawpo zawngsak heak vun.

2 Corinth te 1:12

Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Galatia te 3:27

Note Christ taw na kipumkhatna sungah na ki baptize uh a, tuaciang Christ ama mama ii nuntakna taw puan bangin hong kisilhsak zo cinopna hi.

Ephesus te 5:26

Pawlpi sia thiangtho a, sit baang ngawl, paubanna om ngawl a, Pathian kammal ahi tui taw a kisilthiang zawkciang Pathian tungah tua pawlpi a ki aap thei natu in pawlpi atu Christ kipia hi.

Colossae te 2:12

Cinopna in na ki baptize uh ciang Christ taw a kivui sa na hi zo uh a, na ki baptize na in thina pan a thokiksak Pathian ii vaangletna sungah na upna tungtawnin note zongh Christ taw hong kitho kik khawmsak zo hi.

1 Timothy 1:5

Hi thupiakna ii tupna sia, lungtang thiangtho, thinsung thiangtho le upna tatak panin hong piang ki itna a khanto thei natu deina hi.

1 Timothy 6:12

Upna tai kidemna sungah na hi thei tawpin tai in a, tuaciang nangma atu in tawntung nuntakna na sungsuam in; banghang ziam cile tetti tam mamate mai ah na upna kho takin na pualaak ciang hi nuntakna ah Pathian in nang hong sam ahi hi.

Hebrew te 10:22

Tua ahikom thintak le upna maan taw mawna kithasunna pan, a kithiansua sa lungtang le tuithiang taw a kisil sa pumpite taw Pathian kung zuan tek tawng.

Hebrew te 11:19

Abraham in Isaac sia thina pan Pathian in thosak kik thei tu hi ci in tuat hi, tua ahiciang Abraham in Isaac sia thina panin nga kik — ci tu ahi hi.

Hebrew te 13:18

Ko atu thu hong ngetsak tawntung tavun. Thin thiangtho nei ung, ci ngam khu hi, banghang ziam cile, a maan bekma seam tawntung nuam khu hi.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.

Hebrew te 9:24

Banghang ziam cile, Christ in a tatak sia ii lim ahi mihingte vawt Thiangtho Mun sungah a tum bua hi. Ama in vantung tatak ma ah tumin Pathian mai ah eite luangin, tu in a na kilak tawntung hi.

1 Peter 1:3

Topa Jesus Christ ii Pa le Pathian tungah lungdamko tawng! Hong hesuakna lian ahikomin, Jesus Christ sia thina pan a thawsak kikna taw nuntakna thak eite hong pia hi. Hi sia in a nungta lametna taw hong dimh hi,

1 Peter 3:16

ahihang tuabang na son uh ciang, cikna thiamna le kithasiana nei tavun. Na thinsung ah, kithasunna omsak heak vun, tua hile hong kiselno ciangin, Christ nungzuite na hina uh taw na ngamtat phate hong sonsiate sia, amate pauna taw a maizum tu uh hi.