1 Peter 3:18 - Syin Chin Bible

¹⁸ Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,

1 Peter 3:18 Iomraidhean Croise

Daniel 9:26

Tua hun a bo ciang Pathian tealsa lampuipa sia thuak tuak ngawl bulin kithat tu hi. Tua khuapi le Biakinnpi sia ngal sim tu in hong kuan a thahat ngamukpa khat ii ngalkaphonpi in susia tu hi. A tawpna sia tuiliim bangin hong pai tu a, Pathian ii vawtkhol ahi ngal kisimna le suksiatna hong paipui tu hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Matthew 27:19

Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.

Matthew 27:24

Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.

John 16:10

Amate in a maan thu zongh ngaisun khial hi, banghang ziam cile kei Pa kung ka zuan tu a, note in nong mu nawn buatu uh hi;

Sawltakte 22:14

Ama in, ‘Ih taanghpupite ii Pathian in, ama deina a tel tu, a thutang a Naseampa a mu tu le ama aw taw a pau a za tu in nang hong teal zo hi.

Sawltakte 3:14

Ama sia thiangtho a, pha hi napi na nial uh a, ama taangin, mihing thatpa khat Pilate ii suatak a piak tu in, na ngen zaw uh hi.

Romete 1:4

Pathian pianzia taw ci leang thina panin a lian vaangletna taw a kithawsak kikna in Pathian Tapa a hina kilanghsak hi.

Romete 4:25

Jesus sia eite ii mawna hu in a thi tu in ki aap a, Pathian mai ah thutang ih sua natu in nuntakna sungah ama kinungta kiksak hi.

Romete 5:2

Tu laitak a ih dinmun ahi Pathian ii thuthiamna sung a theng tu in upna tungtawnin ama in tua munah hong then hi. Tua ahikom eite in Pathian minthanna ih siim natu lametna ih nei hu in ih kisuangtaak hi!

Romete 8:11

Jesus thina pan a thosak kik Pathian Thaa note sungah hong teang le thina pan Christ a tho kiksak pa in, a Thaa note sungah a om hu in a thithei na pumpi uh nuntakna hong pia tu hi.

Romete 8:3

Mihing thaneamna hu a Thukham ii vawt zawk ngawlte Pathian in vawt zo hi. Ama in mihing pianzia sungah mawna a bo cimitsak natu in mihingte mawna pianzia teng ma hong keng a, ama Tapa sia mawna kitat natu in hong pia hi.

2 Corinth te 1:24

Na up hamtang tu uh thu sia hamtangin kong sawl buatu uh a, na upna uh kip hi ci in kong he uh hi. Noma lungdam natu in note taw na a seam khawm ka hizaw uh hi.

2 Corinth te 13:4

Banghang ziam cile, thinglamtee tungah a kithisakna in, thazawmna khat ahitazong, Pathian ii vaangletna taw ama nungta hi. Ama taw ih pumkhatna ah eite zongh ih thazawm hi; ahihang note taw ih kizopna ah ama ii nuntakna sung a om Pathian ii vaangletna sia ih siim khawm tek tu hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Galatia te 1:4

Tu a hunpha ngawl sia panin ih suatak natu in ih Pa Pathian ii deina a zuina taw, Christ in eite ii mawna hangin ama le ama hong kipia hi.

Galatia te 3:13

Ahihang Christ in ei atu a kihaamsiatna taw Thukham ii hong puak haamsiatna panin eite ama in hong tan zo hi! Banghang ziam cile laithiangtho in, “A kuama po, thing tungah a kikhai sia in Pathian ii haamsiatna nuai ah om hi,” ci hi.

Ephesus te 3:12

Christ taw ih kikopna le ama sungah ih upna hu in, Pathian omna munah kimuanna le hanna taw ih pai ngam hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Hebrew te 10:10

Pathian dei bangin Christ in ngamta ahikom, ama ii tawntung atu khatvei lian a pumpi a kipiakna hu in eite theampo mawna pan hong kithiansua hi.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.

Hebrew te 9:26

tuabang hi thong le, simlei a kibitphua pan kipan tamveipi na thuak zo tu hi. Tu in hunkhen theampo a tawp natu hong nai ciangin, ama le ama a kipiakna taw mawna kithiansua natu in, ama in a tawntung atu, khatvei lian hong kilaak zo hi.

Hebrew te 9:28

Tuasia bangma in, Christ zongh mihing tampite mawna a laaksak tu in, a nuntakna khatvei lian a kipia ahi hi. Ama sia a nii veina hong kilangh tu a, mawna taw kipekan tu hi nawn ngawlin, ama ngak nginge in a omte hun tu ahi hi.

James 5:6

Mawna nei ngawl mihingte mawsak in, na thatlum zo uh hi, tuaciang amate in no hong nalh ngawl uh hi.

1 Peter 3:19

tuaciang a thaa nuntakna taw ama pai in, thaa thongtaakte munah thuhil hi.

1 Peter 4:1

Christ in a pumpi ngim thuak ahikom in, note zongh ama khua ngaisutna bangma nei in noma le noma na kithahatsak nanak vun; banghang ziam cile a kuama po pumpi taw a thuak sate sia, mawna sungah a tualta nawn bua hi.

1 Peter 4:6

Mihing khat sim tungah, thu kikhen ahi bangma in, amate pumpi nuntakna tungah thu a kikhen sa hi a, a thite zongh Lungdamna Thupha a kihilna sia, tua thu hang ahi hi; amate thaa nuntakna sungah Pathian nuntak bangin, a nuntak thei natu thu a kihil ahi hi.

1 John 1:9

Ahihang ih mawnate Pathian tungah ih pualaak le ama in a kamciamte keam tu a, tuaciang a maan sia seam hi: ama in ih mawnate hong maisak tu a, ih ngamtat khialna theampo pan hong thiansua tu hi.