1 Peter 3:11 - Syin Chin Bible

¹¹ Amate in siatna pan kikhealin phatna vawt nanak tahen; amate in kilem natu a thin theampo taw a hanciam kul hi.

1 Peter 3:11 Iomraidhean Croise

Job 1:1

Uz ngam ah a teang Job kici mi khat om a, ama in Pathian bia in, ama ii tungah thumaan hi. Ama mihing pha khat hi a, siatna peuma a vawt ngawl natu in kidawm hi.

Job 2:3

Topa in, “Ka naseampa Job na phawk tha ziam? Leitung ah ama bangin a thumaan le a pha kuama om ngawl hi. Ama in kei hong bia a, a sia a vawt ngawl natu kidawm hi. Bangma thu om ngawl bulin ama na suksiat natu in kei nong kun a, ahihang Job sia a ngei bangma in thumaan lai hi,” ci hi.

Job 28:28

Pathian in mite mun ah, “Na ciim natu uh in, Topa thasia nanak tu nu hi. Na heak thei natu uh in siatna pial hamtang tu nu hi,” ci hi.

Psalm Late 125:4

Topa awng, mihing phate tungah dik in a, na thupiakna a zuite phat vawt ta'n.

Psalm Late 34:14

Ngitlonate nungngatin a pha vawt vun; na thin theampo uh taw kilemna a om natu in hanciam vun.

Psalm Late 37:27

Ngitlona panin kiheak vun a, a pha vawt vun, tuasia ciang na suan na paalte in tua leitang tungah teang tawntung tu hi;

Paunakte 16:17

Miphate in siatna a pial lampi tawn in khualhaw hi; tua ahikom na pai natu en in kidawm ta'n — tua in na nuntakna hong hun thei tu hi.

Paunakte 16:6

Thumaan vun a, citak vun, Pathian in na mawna hong maisak tu hi. Topa ii thu ni vun, thusia bangma na tungah hong tung ngawl tu hi.

Paunakte 3:7

Na hi bang sangin a ciim zaw in kituat heak in, Topa ii thu ni lel in a, a maan ngawlte vawt tu nial in.

Matthew 5:45

Vantung a na Pa ii tate na sua thei natu in, tuabangin ngamta vun. Banghang ziam cile ama in mihing phate tung le mihing siate tungah a kibangin ni taangsak a, na pha seamte le a sia seamte tung zongh ah a kibangin nguazusak hi.

Matthew 5:9

“Kilemna a vawtte in mihing lungdamte ahi uh hi; Pathian in ka tate ci tu hi!

Matthew 6:13

Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

Mark 14:7

Mizawngte note taw hong omkhawm tawntung tu a, na hu nop uh simin na hu thei tu uh hi. Ahihang kei note taw hong omkhawm tawntung ngawl tu khi hi.

Luke 1:79

tuaciangin thina khuazing limh sung a teangte theampo tungah vantung panin hong taang tu a, thinnopna lampi tung, ih kalsuanna ah hong lampui tu hi,” ci hi.

Luke 6:35

Tuabang hi ngawl hi! Na ngalte it vun, amate tungah thupha vawt vun; sum pukthaak tavun a lo kik tu na thangai heak vun. Tua hile no in thaman lian khat na nga tu uh a, a Saang Bel Pathian ii tate na suak tu uh hi, banghang ziam cile ama sia lungdamna a he thei ngawlte le mihing ngilote tungah thuthiam hi.

Luke 6:9

Tuaciang Jesus in tua mite tungah, “Ih Thukham in Sabbath ni in bang teng sep tu hong oai ziam? ci in hong dongh khi hi. Ngual huzaw tu hi ziam maw? Ngual nasak zaw tu hi ziam? Mihing khat ii nuntakna huu zaw tu hi ziam maw susia zaw tu hi ziam?” ci in,

John 17:15

Hi leitung panin amate na laak natu in, kong ngen bua hi, ahihang Ngilo Pa khut sung pan na kepcing natu in kong ngen hi.

Romete 12:18

Mihing theampo taw kilem a na nuntak thei natu in, noma sang panin na vawt thei theampo na vawt vun.

Romete 14:17

Banghang ziam cile Pathian Ngam in neakna le dawnna thu hi ngawl a, Thaa Thiangtho ii piak thutang suana, thinnopna le lungdamna thu ahi hi.

Romete 14:19

Tua ahikom khat le khat atu in thinnopna le kithahatsak nate a piangsak nate na ngiim tawntung tu uh hi.

Romete 5:1

Tu in eite upna tungtawnin Pathian in thutang hong suaksak a, ih Topa Jesus Christ tungtawnin, Pathian taw kilemna ih nei hi.

Romete 7:19

A pha ka vawt nopte ka vawt bua a, ka vawt nop ngawl a siate ka vawt zaw hi.

Romete 7:21

Tua ahikom ngeina khat om hi ci in ka phawk hi. A pha khat ka vawt nop ciangin, a sia vawt tu bek teal theina ka nei hi.

Romete 8:6

Mihing pianzia in na uksak uh le thina piang a; Thaa in na uksak uh le, nuntakna le thinnopna piang hi.

Galatia te 5:22

Ahihang Thaa in itna, lungdamna, thinnopna, thinsauna, dikna, phatna, thumaanna,

Galatia te 6:10

Tua ahikom hunpha ih nga simin mihing theampo tungah a pha ih seam tu a, a tuan in upna sung a ih innkuanpuite tungah ih seam tu hi.

Colossae te 3:15

Christ ii thinnopna hong piak sia bang tu ziam cile na thukhensat nate sungah lam hong lak tu in, hong piak ahi hi. Banghang ziam cile hi thinnopna sungah note theampo pumkhatin a omkhawm tu, Pathian in hong sam hi. Tuaciangin lungdamko na thiam tavun.

1 Timothy 6:18

Nasep pha te hau a, a pha ngamtatna nei in, a sep natu, ngo takin midangte na a hop nop natu hil in.

Hebrew te 12:14

Mihing theampo taw na kilem tu hanciam vun a, a thiangtho nuntakna taw nuntak tu hanciam tavun, banghang ziam cile kuama in tua ngawl taw Topa a mu buatu hi.

Hebrew te 13:16

Na pha sep tu le khat le khat kihu tu sia, na mangil heak vun, banghang ziam cile hite sia Pathian a lungkimsak ih kipumpiak biakpiakna ahi hi.

James 4:17

Tua ahikom a pha tu he napi a pha a vawt ngawl sia in mihing mawnei ahi hi.

1 Peter 3:12

Banghang ziam cile, Topa in thutangte en a, a thungetna uh ngai hi; siatna a vawtte ahile ama in langpan hi,” ci hi.

3 John 1:11

Ka it ka lawmpa awng, a pha ngawlte zui heak vun a, a phate zui tavun. Thupha vawt peuma Pathian neisa hi a; thusia vawt peuma in Pathian a mu bua hi.

Thukhente 11:14

Jephthah in Ammon kumpipa kungah kamtaite paisak kik a,