1 Peter 3:1 - Syin Chin Bible

¹ Tuasia bangma in, no zite awng na pasalte khat po Pathian thu um ngawl a om le, na ngamtatna taw Pathian thu um khat na suasak thei natu in na pasalte thu na nit uh kul hi. Kam khat zongh na pau kul ngawl tu hi,

1 Peter 3:1 Iomraidhean Croise

Pianciilna 3:16

Tuaciang ama in numei tungah, “Nau na paai ciang na ngimna le nau na sua ciang na natna kong khangsak tu hi. Tua kawm pan na pasal ma na it veve tu a, ama in nang hong uk lai tu hi,” ci hi.

Paunakte 11:30

Thutang in nuntakna pia a, ahihang ngoltolna in nuntakna bosak hi.

Paunakte 18:19

Na mealheakte hu lete amate in khuapi luphung kho khat bangin nang hong dal tu hi, ahihang amate taw na kihau le a innkha uh hong khasan tu hi.

Matthew 18:15

“Na suapuipa in nang tungah hong khial le, va pai ta'n a, ama khialna teng lak ta'n. Noma tuamin kilemtua tavun. Na thu hong ni a ahile na suapuipa na nga kik zo hi.

Romete 10:16

Ahihang amate theampo in Lungdamna Thupha saang thei ngawl uh hi. Isaiah mama in, “Topa awng, ko thupuakte akua in hong um ziam?” ci hi.

Romete 6:17

Bangpo ahizong Pathian tungah lungdamko tawng! Banghang ziam cile khatvei lai in note in mawna silate na hi uh a, na saansa uh hong kihil thumaan thutakte na thin theampo uh taw na ni zo uh hi.

Romete 7:2

Sonteena in numei pasal nei khat sia, a pasal nuntak lai teng bekma in thukham in khii hi; ahihang a pasal a thi le a zi sia tua pasal taw a kikhii khawm tua thukham panin suakta hi.

1 Corinth te 11:3

Ahihang na tel tu uh ka dei thu pan, Christ in mihing theampo tungsia ah a lianbel hi a, pasal in zi tungsia ah a lianbel hi, Pathian in Christ tungsia ah a lianbel ahi hi.

1 Corinth te 14:34

numeite sia kikhopnate sungah thim khipkhep in om tu hi. Amate a pau tu ki oai ngawl hi; Jew te thukham ii a ci bangma in amate sia a ukte hi thei ngawl tu hi.

1 Corinth te 7:16

Tapidaw zi khat in a pasal ngupna a ngasak zawk tu le a ngasak zawk ngawl tu ahizong, Tapidaw pasal khat in a zi ngupna a ngasak zawk tu le a ngasak zawk ngawl tu sia, he natu ziam?

Ephesus te 5:33

Ahihang tuasia in note tung zongh ah kizangh thei hi; pasal khat simin ama le ama a ki it bangin a zi it tu a, zite khat simin a pasal zakta tu uh hi.

Colossae te 3:18

Zite awng, na pasalte thu ni tavun, banghang ziam cile Tapidaw na hina uh taw hi bangin na ngamtat tu uh ahi hi.

Colossae te 4:5

Thu um ngawlte tung na ngamtatna uh ah ciimna na zangh vun a, hunpha na nga uh theampo a pha takin na zangh vun.

2 Thessalonica te 1:8

Pathian a nialte le Topa Jesus Lungdamna Thupha a zui nuam ngawlte daan pia tu in meikuang taw hong pai ciang ama in tuasia seam tu hi.

Hebrew te 11:8

Pathian ii kamciam a piaksa ngam ah a pai tu in, Abraham in Pathian ii sapna a nit sia upna hang ahi hi. Ama in koisung pai tu ci in he ngawl pipi ma in, a ngam nusia hi.

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 3:2

banghang ziam cile amate in noma ngamtatna sia bangza thiangtho in thasiahuai ziam ci in hong mu tu uh hi.

1 Peter 3:7

Tuasia bangma in no pasalte zongh, na zite uh thaneam zaw ahi hunlam telthiam in na nuntakpui tu uh kul hi. Amate zatak vawt tavun, banghang ziam cile, amate zongh noma taw kibangin, Pathian ii nuntakna letsong sia sang khawm tu uh hi. Tuabangin na ngamta uhle na thungetna uh bangma in hong nawngkaisak ngawl tu hi.

1 Peter 4:17

Thukhen kipat tu hun hong tung zo a, Pathian aituam mihingte sia thu kikhen masa tu hi. Eite taw hong pan le Pathian kung pan hong pai Lungdamna Thupha a um ngawlte bang suak thong tu ziam?