1 Peter 2:9 - Syin Chin Bible

⁹ Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

1 Peter 2:9 Iomraidhean Croise

Psalm Late 106:5

Na mihingte nopsakna hong musak ta'n a, na minam ii lungdamna, na mihingte ii lungdam angtannate hong siimsak ta'n.

Psalm Late 118:27

Topa sia Pathian hi; ama in ei tungah hong pha hi. Na khut sung uh ah thingsawlte toai in poai khaamna kipan vun a, biaknatau kiimkot in pai vun.

Psalm Late 135:4

Ama in ama atu in Jacob teal a, ama aituam tu in Israel mite teal hi.

Psalm Late 22:30

Maisang khangkikte in ama atu seam tu uh hi; amate in hong khang pheang tute tungah Topa thu son tu uh hi.

Psalm Late 33:12

Pathian sia Topa in a neite, minam lungdamte hi uh a, Ama ii mi tu in a teal sate sia mihing lungdamte ahi uh hi.

Psalm Late 73:15

Tuabangin kampau ka hi le, na mite khat ii ngamtat tu bangin a kilawm in ngamta ngawl ka hi tu hi.

Isaiah 26:2

Khuapi kongpite hongin a thumaan minam, a maan a seam a mihingte tumsak vun.

Isaiah 41:8

“Ahihang nang, ka naseampa Israel awng, kong tealsa mi na hi a, ka lawmpa Abraham ii suan le paalte na hi hi.

Isaiah 42:16

“Mittaw ka mite sia amate tot ngeingawl lampite ah lam ka pui tu hi. Amate khuazing sia khuavak suaksakin a hamna mun sia amate mai ah ka nealsak tu hi. Hite sia ka kamciamte hi a, peal ngawlin ka taangtungsak tu hi.

Isaiah 44:1

Topa in, “Israel, ka naseampa, ka teal mi, Jacob suan le paalte awng, tu in ngai vun.

Isaiah 61:6

Note sia Topa ii thiampite, Ih Pathian ii naseamte hong kici tu hi. Note in minamte haunate na nopsak pui tu uh a, Note in amate ii hauna sia noma hauna ahikomin Na kiphatsak pui tu uh hi.

Isaiah 62:12

No sia, “Pathian ii A thiangtho Mite” “Topa Ngup sa Mite” hong kici tu hi. Jerusalem sia, “Pathian ii It Khuapi,” “Pathian ii Nusiat Ngawl Khuapi” kici tu hi.

Isaiah 66:21

Keima in amate pawlkhat sia thiampite le Levi te ka suaksak tu hi.

Isaiah 9:2

Khuazing sung a vak mihingte in khuavak lian khat mu zo hi; Amate sia a limh zingna ngam khat ah teang uh a, ahizong tu in amate tungah khuavak taang hi.

Malachi 3:17

Vaanglianbelpa Topa in, “Amate ka mite hi tu hi. Ka dian ni tak ciang amate mama keima neisa hi tu hi. A pa atu a seam tapa tungah pa khat in hesuakna a nei bangin amate hesuak tu khi hi.

Matthew 4:16

Khuazing sungah a teang mihingte in, Khuavak taang lian mama khat mu tu hi. Thina khuazing ngamsung a teangte tungah khuavak a taang tu hi.”

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Luke 1:79

tuaciangin thina khuazing limh sung a teangte theampo tungah vantung panin hong taang tu a, thinnopna lampi tung, ih kalsuanna ah hong lampui tu hi,” ci hi.

John 17:19

Amate zongh maan tak a, nang tungah hong ki aap thei natu, amate atu ka ngaisutsakna in, keima le keima nang tungah kong ki aap hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

Sawltakte 26:28

Agrippa in Paul munah, “Hi hun tomno sungah Tapidaw hong suaksak zo tu in ki um ni ziam?” ci hi.

Romete 9:24

Banghang ziam cile eite sia Jew te sung pan bek hi ngawlin, Gentile te sung pan zong hong sap a minamte ih hi hi.

1 Corinth te 3:17

Tua ahikom khat po in Pathian biakinn a susia le, Pathian in ama susia tu hi. Banghang ziam cile Pathian biakinn sia thiangtho a, note mama in ama biakinn na hi uh hi.

Ephesus te 1:14

Tua Thaa in Pathian ii mihingte hong kamciam sate ih nga natu kipsakna hi a, ama ii neisa ahite tungah suatakna a cingin Pathian in hong pia tu hi ci in hong lungmuangsak hi. Ama ii minthanna pok tawng!

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.

Ephesus te 3:21

Pathian tungah pawlpi sung le Christ sungah minthanna sia hun theampo atu in a tawntung a tawntungin om tahen! Amen.

Thuhil kikna 10:15

Ahizong Topa in na taanghpupite a itna lian mama ahikom midangte taangin note hong teal a, note sia ama tealsa te na hi lai uh hi.

Thuhil kikna 14:2

Topa na Pathian neisa na hi uh a; leitung ah a teang mihing theampo sung pan ama mi tu in hong tealsa na hi uh hi.

Thuhil kikna 18:2

Nam dangte nei bangin amate in leitang nei ngawl tu hi; Topa kamciamsa bangin amate tel sia Topa ii thiampite a hina sia ahi hi.

Thuhil kikna 4:20

Ahihang note sia Egypt meikhuk linghna sung pan hong suatak mite na hi uh hi. Tuni na dinmun ahi, ama mihing na sua thei natu uh in note hong pusuapui hi.

Thuhil kikna 7:6

Hi bang vawt vun, banghang ziam cile note Topa na Pathian neisa hi nu hi. Leitung mi theampo sung pan ama aituam mi in note hong teal hi.

Philippi te 3:14

Tua ahikom Jesus Christ tungtawnin tungsang nuntak natu Pathian hong sapna ahi, tel a nga zo tu in tang takin mungtupna sangah ka tai hi.

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

2 Timothy 1:9

Ama in ama aituam mihingte ih sua natu in eite hong hun a, hong sam hi; eite ii sepnate hang hi ngawlin, ama tupna le thuthiamna hang ahi hi. Hun kipat ma in ama in Christ Jesus tungtawnin hi thuthiamna hong pia hi,

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.

1 Peter 2:5

Nuntakna a nei suangte bangin pai tavun a, thaa biakinn sak natu in a kizanghte hi tavun, tua munah Jesus Christ tungtawnin, Pathian tungah a saan thamman, thaa taw kisai sangaw biakpiakna a pia a thiangtho thiampite bangin na seam tu uh hi.

1 Peter 4:11

Thuhil pawpo in Pathian ii ngupna thute hil nanak tahen a; na theampo ah Jesus Christ tungtawnin Pathian tungah pokna a kipiak thei natu in, na a seam pawpo in Pathian piak thangui thatang taw seam nanak tahen, tua Pathian tungah minthanna le vaangletna a tawntung a tawntungin om tahen. Amen.

Thupualaakna 1:6

tuaciangin eite sia a Pathian le a Pa atu a seam tu in thiampi in hong vawt hi. Jesus Christ tungah minthanna le vaangletna sia a tawntung a tawntungin om tahen! Amen.

Thupualaakna 20:6

Hi a thite thawsakna masa sungah a kihelte sia nasia takin thupha saangte hi uh a, a lungdamte ahi hi. Niivei thina in amate tungah vaangneina a nei nawn bua hi; amate sia Pathian le Christ ii thiampite hi tu uh a, ama taw kum tulkhat maangkhawm tu uh hi.

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”

1 Samuel 12:22

Topa in a ciliap huai kamciamna vawt zo a, ama in no hong nusia ngawl tu hi, banghang ziam cile no sia ama mite hong hisak tu in khensat zo hi.