1 Peter 2:8 - Syin Chin Bible

⁸ Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.

1 Peter 2:8 Iomraidhean Croise

Job 23:14

Kei atu a ngealsa sia ama in taangtungsak tu hi; tuasia ama ngealna tam mama sung pan khat bek hi.

Pusuana 9:16

Ahizong leitung bup ah ka minthanna a kizel natu in nang tungah ka vaangletna hong lak nuam in kong nungtasak zo hi.

Isaiah 37:26

“Taanghlai pek pan hite theampo ka ngeal sa ahi hunlam za ngeingawl ni ziam? Tuasia, tu in ka zomto zo hi. Kulh taw ki uum khuapi muanhuaite sia niinthukte na suasak natu in thahatna kong pia hi.

Isaiah 57:14

Topa in, “Ka mite ka kungah hong heakkik tahen. Amate lampi a nokkhaksak theampo khiin vun! Lam ziik vun a, zak vahial thei tu in koi vun!

Isaiah 8:14

Keima ii a lamdang thianthona hangin mihingte lutu theina suangtum khat taw ka kibang hi; keima in Judah le Israel kumpi ngammite le Jerusalem khua mite a awksak tu thaang khat taw ka kibang hi.

Luke 2:34

Simeon in amate thupha a piak zawkciangin, a nu Mary tungah hi bangin ci hi, “Hi patang sia Israel mite, tam mama ii a siatcip natu le, tam mama ii a kingup natu Pathian ii tealsa ahi hi. Ama sia mihing tam mama ii a langpan tu, Pathian ii lim lakna khat hi tu a,

Romete 9:22

Pathian nasepna zongh tuasia bangma ahi hi. Ama in a thin uukna lak nuam a, a vaangletna kihesak nuam hi. Ama a thin a uuksak, lalcipna sung a theng tu mihingte thinsauna tatak taw thuak hi.

1 Corinth te 1:23

Ko ka hi uh le thinglamtee tung a kithat Christ thu ka thangsak uh a, tua thu sia Jew te atu in a maktak huai thu le Gentile te atu in a luithawthong thu ahi hi;

2 Corinth te 2:16

A mangthangte atu in tuasia in ngual a thisak thei a ui mama thina ngim hi a; ahihang ngupna a ngate atu in nuntakna a pia ngimnamtui ahi hi. Tua ahile tuabang nasepte a seam zo tu akua om ziam?

Galatia te 5:11

Ahihang kei ka hile, ka suapuite awng, vunteap at kul hi ci in thu hil lai ka hile banghangin hong kivawtsia lai ziam? Tua sia in thumaan hi thongle Christ ii thinglamtee thu ka hilna in bangma ngimna a piangsak buatu hi.

1 Thessalonica te 5:9

Pathian in eite sia a thin uukna thuak tu in hong teal bua a, Topa Jesus Christ tungtawnin, ngupna a nga tu in hong teal hi zaw hi.

1 Peter 2:6

Banghang ziam cile laithiangtho in, “A man nei suang khat ka teal a, Zion ah innkingh suang tu in ka phut hi, tuaciang ama a um peuma in, a thin a kiam ngei buatu uh hi,” ci hi.

1 Peter 2:7

No a umte atu in hi suang sia man nei mama hi; ahihang a um ngawlte atu in: inn sate ii mannung a sak ngawl, a nial suang sia a vekpi sung pan a thupibel hong suak hi,” ci hi.

2 Peter 2:3

Hi sya maan ngawlte sia duhop ahikom amate phuatawm taanghthute hong sonna taw no tung pan a meet hong vawt tu hi. Amate ii Thukhen pa sia a kingin zawk ngei zo a, amate a Lalsak pa khanglo zo hi!

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.