1 Peter 2:6 - Syin Chin Bible

⁶ Banghang ziam cile laithiangtho in, “A man nei suang khat ka teal a, Zion ah innkingh suang tu in ka phut hi, tuaciang ama a um peuma in, a thin a kiam ngei buatu uh hi,” ci hi.

1 Peter 2:6 Iomraidhean Croise

Pianciilna 49:24

Ahizong Jacob ii Pathian Vaanglianbelpa ii vaangletna le Israel a Dal pa, Tuucingpa hangin A thal kinging top a, A khutte a tha kihatsak hi.

Psalm Late 40:14

Kei thalup tu hong sawmte lelna le buaina thuak siat tahen. Kei ii ngimna hu a, a lungdamte sia nungkinin maizum thuak tahen.

Psalm Late 89:19

A thumaan na naseamte tungah taanghlai in mukholna khat na piak sungah, “Ngalkap minthang khat huna ka pia zo hi; mihingte sung pan ka tealsa khat kumpi tokhum ka pia zo hi.

Isaiah 28:16

Tu in Vaanglianpipa Topa in, “Keima in Zion ah a kip a kho inn tawdap khat ka koi hi. Tua ii sungah innking suang sak khat ka phut a, tua tungah hi bang kammalte ki at hi, ‘A kho upna sia a thin zongh sau hi.’

Isaiah 41:11

“Nang tungah hong thin uukte sia ngallel maizumna he tu uh hi. Nang hong sim mite thi tu a,

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Isaiah 46:13

Zaw natu ni, kong thengsak pal tu a — khuala nawn ngawl het tu hi. Zawna ka mualsuana kihaisaangsak ngawl tu hi. Jerusalem ka ngum tu a Israel te tua munah minphatna ka pia tu hi,” ci hi.

Isaiah 50:7

Ahihang amate ii hong selnonate in kei bangma hong tatsak zo ngawl hi, banghang ziam cile Vaanglianpipa Topa in kei hong hu hi. Hong selnonate ka thuak tenton hi. Kei hong kimaimawlsak ngawl tu cisia ka he hi,

Isaiah 54:4

Lau heak in — na mai hong kimawlsak kik ngawl tu hi; hong kizawngsak ngawl tu hi. A khangmoi zi khat bangin na thumaan ngawlna le, meingong khat bangin, thinkiam a na lunglen mamana te na mangil tu hi.

Zechariah 10:4

Amate sung panin ka mite a uk tu ngamukte, lampuite le ngalkap maangte hong piang tu hi.

Matthew 12:18

“Hi sungah ka tealsa ka naseampa om hi. Ka lung hong kimsak ka itpa ahi hi. ama tungah ka Thaa ka pia suk tu a, tuaciang ama in, ka thukhenna minam tuatuamte tungah thangsak tu hi.

Mark 12:10

Laithiangtho sungah hi bangin a ki at sia sim ngeingawl lawlawm nu ziam? ‘Inn sate ii mannung ngawl hi ci a, a nil suangtum sia a thupibel suangtum suak hi.

Luke 20:17

Jesus in amate en a, “Tua ahile hi laithiangtho in bang ci nuam ziam? Inn sate ii mannung ngawl hi ci a, a nil suangtum sia a thupibel suangtum suak hi.

Luke 23:35

Jesus sia lampuite in ciammuina in nei uh a, “Ngualdang zongh hun thei hi; Pathian ii teal Messiah ahile ama le ama kihun ve hen!” a ci uh laitakin mihonte in, dingin en hon uh hi.

John 7:38

Laithiangtho ii ci bangma in, kei hong um peuma in ama sung pan nuntakna a pia luitui hong luang tu hi,” ci hi.

Sawltakte 1:16

“Ka suapuite awng, Thaa Thiangtho in David tungtawnin, Jesus a man tute, lam a lak Judas huvau a sonkholna laithiangtho kammalte a taangtut kul hi.

Romete 10:11

Laithiangtho in, “A kuama theampo ama a umte in a thin a kiam buatu hi,” ci hi.

Ephesus te 1:4

Christ taw kipumkhatna tungtawnin, ama mai ah sit baang ngawl le ih thiantho natu in, Pathian in leitung a vawt ma ngawngawn in eite hong teal zo hi. Hong itna hangin,

Ephesus te 2:20

Note zongh, sawltakte le kamsaangte ii cian phungkawng tungah a kisate na hi uh a, tua phungkawng, innking suangpi sia Christ Jesus ahi hi.

2 Timothy 3:16

Laithiangtho sia a vekpi in Pathian hu mop ahi hi. Thumaan thutak hil natu, teih natu, khialna pua natu, a maan a nuntakna tu in hil natu sung theampo ah manpha hi.

1 Peter 2:4

Mihingte in mannung ngawl hi ci in nial hikale Pathian ii manpha a sak, a teal, a nungta suangpi ahi, Topa kungah pai tavun.

1 Peter 2:8

Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.

2 Peter 1:20

Ahizong, thildang a vaal lai, a thupibel in Laithiangtho sungah a om kamsaanna thu khat sia kuama in ama thu in, a khiakna son thei ngawl ahi hunlam ciamtee tavun.

2 Peter 3:16

A laithak theampo sungah tua thulu taw kisai in a at ciang a son thu in hi thu ahi hi. Ama laithakte sungah thu haksa pawlkhat om a, tuate sia heakna nei ngawlte le, kip takin a ding ngawlte in ahi ngawl lalam in son a, Laithiangtho hilna dangte zongh tuabangin son thei uh hi. Tuabangin amate le amate kilalsua uh hi.