1 Peter 2:5 - Syin Chin Bible

⁵ Nuntakna a nei suangte bangin pai tavun a, thaa biakinn sak natu in a kizanghte hi tavun, tua munah Jesus Christ tungtawnin, Pathian tungah a saan thamman, thaa taw kisai sangaw biakpiakna a pia a thiangtho thiampite bangin na seam tu uh hi.

1 Peter 2:5 Iomraidhean Croise

1 Kumpite 7:11

Tuate ii tungah a phabek tu a at sa suang dangte le cedar thingpim te taw kisa hi.

Psalm Late 141:2

Kong thungetna a namtui biakpiakna in hong saang ta'n a, ka khutte kong lapto sia nitak sangaw biakpiakna khat bangin hong saang ta'n.

Psalm Late 50:14

Pathian tungah lungdamkona sia nangma sangaw biakpiakna hi zaw tahen, Vaanglianbelpa tungah piak tu a, na kamciam bangin pia siat in.

Psalm Late 50:23

Lungdamkona sia kei vaang hong pia sangaw biakpiakna hi a, kei thu hong nite theampo ka hun takpi tu hi” ci hi.

Pusuana 19:6

keima tung bek ah hong ki aap minam khat na hi tu uh a, thiampite bangin ka na nong seam tu uh hi.”

Paunakte 9:1

Ciimna in a inn sa a, khuam sali phut hi.

Isaiah 61:6

Note sia Topa ii thiampite, Ih Pathian ii naseamte hong kici tu hi. Note in minamte haunate na nopsak pui tu uh a, Note in amate ii hauna sia noma hauna ahikomin Na kiphatsak pui tu uh hi.

Isaiah 66:21

Keima in amate pawlkhat sia thiampite le Levi te ka suaksak tu hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Romete 15:16

Jesus Christ ii naseampa hong suasak hang ahi hi. Thaa Thiangtho ii a aap Gentile te, Pathian ii saan thamman biakpiakna ahi thei natu in Pathian tung panin hong pai Lungdamna Thupha hil in thiampi khat bangin ka diang hi.

1 Corinth te 3:16

Note in Pathian biakinn na hi uh a, no sungah Pathian Thaa hong teang nginge ahi sia na he takpi uh hi!

1 Corinth te 3:9

Banghang ziam cile kote sia Pathian taw kipawlin naseam khawmte ka hi uh a, note in Pathian ii lo na hi uh hi. Note in Pathian inn na hi si uh hi.

1 Corinth te 6:19

Na pumpi uh sia Pathian hong piak, note sungah a teang Thaa Thiangtho ii biakinn ahi hunlam he ngawl nu ziam? Note pumpi sia noma neisa hi ngawl a, Pathian neisa ahi hi;

2 Corinth te 6:16

Pathian ii biakinn sia doai biakna milimte taw bangbangin thukimna vawt thei tu ziam? Banghang ziam cile eite sia a nungta Pathian biakinn ih hi hi! Pathian in: “Ka mite sungah ka inn ka vawt tu a, amate sungah ka teang tu hi; keima in amate Pathian ka hi tu a, amate in keima mihingte ahi tu uh hi,” ci hi.

Galatia te 6:10

Tua ahikom hunpha ih nga simin mihing theampo tungah a pha ih seam tu a, a tuan in upna sung a ih innkuanpuite tungah ih seam tu hi.

Thuhil kikna 18:2

Nam dangte nei bangin amate in leitang nei ngawl tu hi; Topa kamciamsa bangin amate tel sia Topa ii thiampite a hina sia ahi hi.

Philippi te 1:11

Pathian minthan natu le ama pok natu in Jesus Christ bek ii piansak thei a maan pilna thiamnate taw na nuntakna uh hong kidim tu hi.

Philippi te 2:17

Note upna hangin Pathian a kipia sangaw biakpiakna tungah piakkhiatna khat bangin ka nuntakna chisan kibua tu ahile zong ka lungdam tu a, ka thinnopna no theampo kong hawmsawn tu hi.

Philippi te 4:18

Tua ahikom hi sungah nong piaksa uh theampo kong saanna lai om a — kicing vaal hi! Epaphroditus in na letsong uh theampo hong puak ahikom, tu in ka kitaangsap theampo nei zo khi hi. Tuate in Pathian mai ah ngimnamtui piak taw kibangin a saannophuai le dik a sak biakpiakna hi.

Colossae te 3:17

Na sep, na son uh theampo hu in, Pa Pathian tungah lungdam na ko uh ciangin, Topa Jesus min taw na vawt tu uh hi.

1 Timothy 3:15

Ahihang kong hai tha le hi laithakin a nungta Pathian ii pawlpi, thumaan thutak ii dinna le a panpui ahi Pathian bangkua sungah ih ngamtat natu hong hesak tu hi.

Hebrew te 3:6

Ahihang Christ sia Pathian inn uk Tapa bangin thumaan hi. Eite in, ih lametnate sungah thinletna le kimuanna ih kholet le ama inn ih hi hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

1 Peter 4:11

Thuhil pawpo in Pathian ii ngupna thute hil nanak tahen a; na theampo ah Jesus Christ tungtawnin Pathian tungah pokna a kipiak thei natu in, na a seam pawpo in Pathian piak thangui thatang taw seam nanak tahen, tua Pathian tungah minthanna le vaangletna a tawntung a tawntungin om tahen. Amen.

1 Peter 4:17

Thukhen kipat tu hun hong tung zo a, Pathian aituam mihingte sia thu kikhen masa tu hi. Eite taw hong pan le Pathian kung pan hong pai Lungdamna Thupha a um ngawlte bang suak thong tu ziam?

Thupualaakna 1:6

tuaciangin eite sia a Pathian le a Pa atu a seam tu in thiampi in hong vawt hi. Jesus Christ tungah minthanna le vaangletna sia a tawntung a tawntungin om tahen! Amen.

Thupualaakna 20:6

Hi a thite thawsakna masa sungah a kihelte sia nasia takin thupha saangte hi uh a, a lungdamte ahi hi. Niivei thina in amate tungah vaangneina a nei nawn bua hi; amate sia Pathian le Christ ii thiampite hi tu uh a, ama taw kum tulkhat maangkhawm tu uh hi.

Thupualaakna 3:12

A zo pa sia ka Pathian biakinn khuam ka suaksak tu a, ama in a nusia ngei buatu hi. Ama tungah ka Pathian min le ka Pathian kung vantung pan hong tuaksuk tu Pathian ii khuapi min ahi Jerusalem khuathak ii min ka at tu hi. Ama tungah ka minthak zongh ka at tu hi.

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”