1 Peter 2:4 - Syin Chin Bible

⁴ Mihingte in mannung ngawl hi ci in nial hikale Pathian ii manpha a sak, a teal, a nungta suangpi ahi, Topa kungah pai tavun.

1 Peter 2:4 Iomraidhean Croise

Isaiah 28:16

Tu in Vaanglianpipa Topa in, “Keima in Zion ah a kip a kho inn tawdap khat ka koi hi. Tua ii sungah innking suang sak khat ka phut a, tua tungah hi bang kammalte ki at hi, ‘A kho upna sia a thin zongh sau hi.’

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Isaiah 55:3

“Tu in ngai vun, ka mite awng, ka kungah hong pai tavun; ka kungah hong pai tavun tua hile nuntakna na nga tu uh hi! Note taw thuciamna kho khat ka vawt tu a, David tungah ka kamciamsa thuphate kong pia tu hi.

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Daniel 2:34

Tua milim na et laitak, kuama ii thuthaak ngawl bulin, liang tung pan suangtum lian khat hong liiksuk a, thik le tungman taw a kivawt milim ii peangte kha in zaanthamsak hi.

Daniel 2:45

Kuama ii thuthaak ngawl bulin liang tung pan hong liik suangtum khat in thik, taau, tungman, ngunn le khamh taw a kivawt milim sia a denthap na mu hi. A lian Pathian in mai sangah a piang tu thu, Nangma Kumpipa tungah hong son hi. Na mangmat sia ahi bang vateak in kong son zo a, a khiakna maan kong son zo hi” ci in zo kik hi.

Zechariah 3:9

Joshua mai ah mai sali a nei suang khat nguak ka koi tu hi. Tua tungah lai kong khen tu a, ni khat thu in hi ngam ii mawna teng ka lakeak tu hi.

Zechariah 4:7

Mualte za in a lian hong khak hong hal haksatnate na mai panin mang tu hi. Biakinnpi na sa kik tu hi, tuaciang suang khakbel sia a om natu sanah na cian ciang mite in ‘Hoi hi, Hoi hi!’ ci in au tu uh hi,” ama in ci hi.

Matthew 11:28

“Vanhngit pua in, a toite theampo awng, kei kungah hong pai tavun, tawlngakna kong pia tu hi.

Matthew 12:18

“Hi sungah ka tealsa ka naseampa om hi. Ka lung hong kimsak ka itpa ahi hi. ama tungah ka Thaa ka pia suk tu a, tuaciang ama in, ka thukhenna minam tuatuamte tungah thangsak tu hi.

Matthew 21:42

Jesus in, “Laithiangtho ci thu sia sim ngeingawl nu ziam? ‘Inn sate ii mannung ngawl a sak a nil suangtum sia a kizanghbel suangtum hong suak hi. Hi thu in Topa ii nasep na hi a; ih mu ciangin lamdang mama hi!’

John 14:19

Tawmvei zawkciangin, leitung in kei hong mu nawn ngawl tu hi, ahizong note in nong mu tu uh hi; tuaciang keima nungta ka hikom no zongh na nungta tu uh hi.

John 14:6

Jesus in, “Keima in lampi ka hi hi, thumaan thutak ka hi hi, nuntakna ka hi hi; kei taw ngawlin kuama in Pa kung a theng buatu hi.

John 5:26

Pa mama in nuntakna ii naak ahi bangma ama Tapa zongh nuntakna ii naak suaksak zo hi.

John 5:40

Tua hi napi nuntakna na nga natu in kei kungah nong pai nuam bua uh hi.

John 6:37

Ka pa hong piak mihing theampo kei kungah hong pai tu hi. Kei kung hong zuan peuma ka nial ngei buatu hi,

John 6:57

A nungta Pa in kei hong sawl a, ama hangin, kei zongh ka nungta hi. Tuasia bangma in, kei hong ne peuma kei hangin nungta tu hi.

Romete 5:10

Eite in Pathian ngalte ih hi laitakin, a Tapa thina tungtawnin eite sia ama taw a kilem a lawmte hong suaksak hi. Tu in Pathian lawmte hi zo ih hi le Christ nuntakna in bangza in hong ngum zaw kan lai tu ziam!

1 Corinth te 3:11

Banghang ziam cile Pathian in Jesus Christ sia khat bek ahi tawdap phungkawng tu in pha zo a, a dang tawdap phungkawng a kipha thei nawn buatu hi.

Colossae te 3:4

Na nuntakna tatak uh sia Christ hi a, tuaciang ama hong kilangh ciangin note zongh ama taw na kilangh khawm tu uh a, ama ii vaangletna na siim tu uh hi!

1 Peter 1:19

a sitbaang ngawl, ahibuale a mealhem ngawl tuuno, Christ ii a manpha a kipumpiakna taw hong tan a hina he tavun.

1 Peter 1:7

Tua haksatna thuaknate ii tupna in na upna uh a maanna a kilak natu ahi hi. A kisia thei khamh ngawngawn zongh meisa taw kisit lai hi; tua ahikom khamh sangin tam mama in a man nei zaw na upna uh zongh a kip thei natu in hong kisit tu hi. Tua hile Jesus Christ hong kilaak Ni tak ciangin pokna, minthanna le vaang piakna na saang tu uh hi.

1 Peter 2:7

No a umte atu in hi suang sia man nei mama hi; ahihang a um ngawlte atu in: inn sate ii mannung a sak ngawl, a nial suang sia a vekpi sung pan a thupibel hong suak hi,” ci hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

2 Peter 1:4

Hi bangin hong kamciamsa ahi a lian mama le a manpha letsongte sia, leitung ah a om hong lalsak thei cii le sa deina pan suatakna na nga thei natu le ama pianzia na siim thei natu in hong piak ahi hi.