1 Peter 2:25 - Syin Chin Bible

²⁵ Note sia lam amh tuute bang na hi uh hi, ahihang tu in na thaa uh hong Keampa le Tuucingpa zui tu in, hong kipui kik zo hi.

1 Peter 2:25 Iomraidhean Croise

Psalm Late 119:176

Ngam amh tuuno khat bangin ka vakthap hi; Tua ahikom hong pai in, na naseampa keima hong zong ta'n, banghang ziam cile na thukhamte ka ngaingon bua hi.

Psalm Late 80:1

Israel te ii Tuucing pa awng, hong ngai ta'n; Na tuu hon lampuipa awng, hong za ta'n. Cherub te ii tung sang, na kumpi tokhum tungah a to pa awng,

Isaiah 13:14

“Babylon ah a teang ngamdangmite sia savaite kung pan a suakta sangai bang le a cing om ngawl tuute bangin amate ngam tek ah tai in kithethaang tu uh hi.

Isaiah 40:11

Tuucing pa khat taw kibangin ama in a tuuhon keamcing tu hi; ama in tuunote kaikhawmin a baan ah toai a, tuate ii puite dam takin paipui tu hi.

Isaiah 53:5

Ahihang eite ii mawna khialnate hangin ama liamna thuak a, ih siatna hangin vuakna thuak ahi hi. Ama ii daan thuakna taw eite ih dam a, ama ii vuak a thuakna liammate hangin eite ih ciidam thiang hi.

Isaiah 53:6

Eite ih vekpi in a mangthang tuute taw ih kibang a, eima uukna san tek ah ih pai hi. Ahihang eite theampo ii thuak tu a kilawm daan thuakna sia ama ii tungah Topa in suan hi.

Jeremiah 23:2

Ama mihingte keamcing tu a, a kingaisun ngamukte taw kisai in Topa, Israel ii Pathian in hi bangin ci hi: “Ka mihingte nong kepcingsak bua uh hi; na thethaang zo a na hawlkeak uh hi. A sia na vawt uh hu in tu in daan kong pia tu hi.

Ezekiel 34:6

Ka tuute mualtung le mual bawk saang na munte ah a vakvai uh hi. Leitung theampo ah peakkeak a, kuama in amate zong ngawlin a kan bua uh hi.

Ezekiel 37:24

Ka naseampa David taw a kibang kumpi khat sia amate kumpi hi tu hi. Ngamuk khat ii khutnuai ah amate teng kilomkhat tu a, thumaan takin ka thukhamte a zui tu uh hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Matthew 18:12

“Mihing khat in tuu zakhat a nei sung pan, tuu khat a bosua sia in bang law tu in na um uh ziam? Ama in a om lai tuu sawmkua le kua mual tungah taasakin nusia a, a bosua tuu sia zong tu in kuan hi.

Matthew 9:36

Mihonte a et ciangin, hesuakhuai sa hi, banghang ziam cile tuucing om ngawl tuuhonte bangin, amate thinngim cimaw in, om uh hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Hebrew te 13:20

A nuntakna biakpiakna in a piak hu in Tuucing Lian ahi Topa Jesus sia Pathian in thina pan tho kiksak zo a, tuaciang a chisan hu in a tawntung thuciamna sia kikipsak zo hi. Kilemna Pathian in ama ii dei sia na vawt thei natu in na kisap uh vanh pha theampo hong pia tahen a, tuaciang ama diksak sia Jesus Christ tungtawnin ei sungah hong seam tahen. Christ tungah minthanna a tawntung a tawntungin om tahen! Amen.

Hebrew te 3:1

Pathian hong sapsa zongh ahi, ka Tapidaw suapuite awng! Ih pualaak upna ii Thiampi Lianbel tu in, Pathian ii a sawlpa Jesus ngaisun vun.

Hebrew te 5:2

Ama mama in thaneamna tuatuam nei ahikom, thu tel ngawlte le khialna vawtte tungah ama in, cingh thei hi.

1 Peter 3:20

Hi thaa te sia Noah ii teambaw a sak lai hun a, Pathian ii thin uai takin a ngak, Pathian thu a ni nuam ngawlte ii thaa te ahi hi. Teambaw sungah mihing tawmno — a vekpi in liat bek — tui in laamto in suaktasak hi,

1 Peter 5:4

Tuaciang Tuucing Pipa hong kilangh ciangin, a taanna a bo ngeingawl tu minthanna lukhu na saang tu uh hi.