1 Peter 2:23 - Syin Chin Bible

²³ Ama a kilan ciangin selnona kam taw thuk ngawl hi; ngimna a thuak ciang kuama tawng ngawl a thutang thukhenpa Pathian tungah a lametna koi zaw hi.

1 Peter 2:23 Iomraidhean Croise

Pianciilna 18:25

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.

Psalm Late 10:14

Ahihang nang in a ngimna le a thuaknate na mu a, a hu tu in na kinging tawntung hi. A cimawte in nang tungah hong ki aap a, a kitaangsamh te na hu tawntung hi.

Psalm Late 31:5

Nong kepna sungah keima le keima kong ki aap hi. Topa awng, nong hun tu hi. Nang sia a thumaan Pathian na hi hi.

Psalm Late 37:5

Nangma le nangma Topa tungah ki aap in; ama muang in, ama in nang hong hu tu hi;

Psalm Late 7:11

Pathian sia thutang thukhenpa ahi hi, tuaciang a tawntungin a seksolte a nil hi.

Psalm Late 96:13

leitung uk tu in Topa hong pai ciang, lungdam in au tu uh hi. Ama in leitung mite sia thukhaikim taw a pha in a uk tu hi.

Isaiah 53:7

“Ama sia nasia tak kivawtsia a, ahihang kiniamkhiakna taw thuak hi; kam khat zongh huthe ngeingawl hi. Ngaw tu bekin a om tuuno khat bang le a mul meet tu bekin a kikoi tuu khat bangin, ama in kam khat beak pau ngawl hi.

Luke 23:41

Ahihang ei ih hile ih ngamtatna taw a kiphu tu in, ih thuak ahiciang ahi tu ma hi; ahihang ama in khialna bangma vawt ngawl hi,” ci hi.

Luke 23:46

Jesus in nging takin hi bang hong au hi, “Pa awng! Na khut sungah ka thaa kong aap hi!” a ci zawkciang ama thi hi.

Luke 23:9

Tua ahikom Herod in Jesus thu tam mama dongh a, ahihang Jesus in a zo bua hi.

Sawltakte 17:31

Banghang ziam cile ama in, leitung bup ah thukhaikim thu taw, ama ii tealsa mihing khat zangh in, thu a khen natu in, ni khat, ciangtan sa in koi hi. Hi thu a maanna thu sia, tua pa thina panin a thawsak kikna taw mihing sim tungah a lak zo hi!” ci hi.

Sawltakte 4:29

Tu in Topa awng, amate hong tawnnate, na za in a, ko na naseamte in, na thu hangsan tak ka son thei natu in, hong piangsak ta'n.

Sawltakte 7:59

Amate in Stephen sia, suang taw a hawhua laitakin, ama in Topa biakpui a, “Topa Jesus awng, ka thaa hong saang ta'n!” ci hi.

Sawltakte 9:1

Tua hun laitak Saul in Topa nungzuite suamlup tu in nasia takin tawng tawntung hi. Thiampi Lianbelpa kungah pai a,

Romete 2:5

Ahihang note na thin uh pui in na lungtang uh sak hi, tua ahikom Pathian sia thin uukna le thutang taw thu a khen Ni ciangin na daan khak tu uh sia a nasia seseam in hong kilangh tu hi.

Ephesus te 6:9

To ahite awng, silate tungah tuabang ma in na ngamta vun a, tawnna kam na zangh nawn heak vun. Note le na silate in vantung ah Topa khat nei khawm a, tua pa in a kikhaikim in mihing khat sim tungah thu hong khen tu hi ci in phawk tavun.

2 Thessalonica te 1:5

Tu a na thuakna teng in Pathian thukhen na sia thumaan a hina kilanghsak hi, tua in noma ii na ngimlaw uh ama Kumpi Ngam taw a kilawm hong suaksak tu hi,

2 Timothy 1:12

tuaciangin hi thu hu in hite ka thuak hi. Ahihang thinmuanna taw ka kidim nginge lai hi, banghang ziam cile ka uppa ka he a, ama in kei hong muang a hong aapsa teng sia tua Ni dong ama in hong kepcingsak thei tu ci in ka he hi.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

Hebrew te 12:3

Ama thuakna teng ngaisun vun; bangza in mawneite ii a nasia tatak etsatna thuak ziam! Tua ahikom note zongh thinkiam heak vun, hanciam vun.

1 Peter 3:9

Ngitlona sia ngitlona taw thuk kik heak vun a, haamsiatna zongh haamsiatna taw thuk kik heak vun; tua hi ngawl zaw in thupha taw kithuk zaw vun, banghang ziam cile, note Pathian hong sap lai in piak tu a hong kamciam sia thupha hi zaw hi.

1 Peter 4:19

Tua ahiciang Pathian ii deina a om hu in a thuakte ahile, a kamciam a peal ngeingawl, amate a Bitphuapa sungah, a ngamtat phatnate taw amate le amate kipummuan tahen.

Thupualaakna 19:11

Tuaciang vantung a kihongin ka mu a, tua ii sungah siphu kaang khat om hi. A tung to pa sia Thumaan Thutang kici hi; ama in khaikim takin thukhen a, a ngalte do hi.