1 Peter 2:22 - Syin Chin Bible

²² Ama in mawna vawt ngawl a, ama kam panin leilot thu pusuak hi ci in kuama in za ngeingawl hi.

1 Peter 2:22 Iomraidhean Croise

Psalm Late 34:13

Tua ahile kam ngilo pauna le leilot thusonnate pan kikeam vun.

Isaiah 53:9

Ama in leilot thu khat zongh son ngeingawlin, ahibuale khialna khat zongh vawt ngeingawl hi napi, mi seksolte taw thaan sungah kisial khawmin, sumhaute taw kiphum khawm hi,” ci in zo kik uh hi.

Matthew 27:19

Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.

Matthew 27:4

“Mihing mawna nei ngawl khat a thi tu in, leeheak ka hikom ka maw zo hi!” ci hi. Amate in, “Tua thu ko taw bang kisai nawn ziam? Tua thu sia nangma taw kisai bek hi!” ci in zo kik uh hi.

Luke 23:41

Ahihang ei ih hile ih ngamtatna taw a kiphu tu in, ih thuak ahiciang ahi tu ma hi; ahihang ama in khialna bangma vawt ngawl hi,” ci hi.

Luke 23:47

Ngalkap hon ukpa in a piang thu teng mu a, ama in Pathian pok hi. “Ama sia mihing pha tatak khat hi!” ci hi.

John 1:47

Jesus in ama kungah Nathanael hong pai a mu ciangin, ama thu hi bangin son hi. “Hi sungah, Israel mi tatak khat om hi; ama in paubanna nei ngawl hi!” ci hi.

John 8:46

No sungah akua in kei sia mawnei hi ci in hong lak thei tu nu ziam? Thumaan a son ka hi nale, banghangin hong um ngawl nu ziam?

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.

Hebrew te 9:28

Tuasia bangma in, Christ zongh mihing tampite mawna a laaksak tu in, a nuntakna khatvei lian a kipia ahi hi. Ama sia a nii veina hong kilangh tu a, mawna taw kipekan tu hi nawn ngawlin, ama ngak nginge in a omte hun tu ahi hi.

1 John 2:1

Ka tate awng, mawna khialna na vawt ngawl natu in hi lai kong at hi; ahihang khat po in mawna a vawt le Pa mai ah ei taangin hong ngetsak tu khat — thutangpa Jesus Christ ih nei hi.

1 John 3:5

Mawnate a la keak tu in Christ hong kilangh hi a, ama sungah mawna om ngawl hi ci in na he uh hi.

Thupualaakna 14:5

Amate sia leilot thuson hi ci in kihe ngeingawl hi; amate sitbaanna nei ngawl hi.