1 Peter 2:2 - Syin Chin Bible

² Nausen suaktuungte bangin a thiangtho thaa noaitui tatak du tawntung tavun, tuabang a na neakna taw in na khangto tu uh a, ngupna na nga tu uh hi.

1 Peter 2:2 Iomraidhean Croise

2 Samuel 23:5

Pathian ii ka suan ka paalte thupha a piak tu zia sia tuabang ahi hi, banghang ziam cile ama in kei taw tawntung thuciamna khat hong vawt hi, a kipaltan ngawl tu thukimna khat, a kikheal ngeingawl tu kamciam piakna khat ahi hi. Kei dei sia tua teng lian ahi hi; tua in ka zawna hi tu a, Pathian in taangtungsak nanak tu hi.

Job 17:9

Zatakhuai khu hi a kicite in amate ngaisutna maan kisa vaial uh hi.

Paunakte 4:18

Thutangte tot lampi sia sun dongin, a taang vaial nisuak taw kibang hi.

Hosea 14:5

Keima in Israel mite tungah ngam kona ah nguatui bang ka hi tu hi. Amate in paakte bangin a palh tu hi; Lebanon thingkungte bangin a zung kho tu hi.

Hosea 14:7

Khatvei ma amate sia keima angvanna sungah nungta tu uh hi. Amate in an ciing in, sapithuan bangin ngathiam tu hi. Amate sia Lebanon sapittui bangin minthang tu hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Matthew 18:3

“A tatakin kong ci ciang kikheal in patangte bang na suak bua uh le Vantung ngam sungah na tum thei buatu uh hi.

Matthew 19:14

Jesus in, “Patangte ka kungah hong pai tahen, khaam heak vun, banghang ziam cile Vantung ngam sia tuabangte atu ahi hi,” ci hi.

Mark 10:15

A tatakin kong ci ciang, patangno khat ii saan bangin Pathian Ngam a saang ngawl peuma in, tuasung ah a tum thei buatu hi.”

Luke 18:17

Hi thu ciamtee vun! Hi patangno khat bang a, Pathian Ngam a saang thei ngawlte tua ngam sungah a tum thei buatu hi,” ci hi.

Romete 6:4

Tua ahiciang ih ki baptize na taw eite ama taw kivuikhawm a, ama thina ih siim hi. Banghang ziam cile Pa ii minthan thahatna taw Christ sia thina panin a kithawsak kik ciang eite zongh nuntakna thak sungah a nungtate ih sua natu ahi hi.

1 Corinth te 14:20

Ka suapuite awng, na khua ngaisutna uh ah, patang bang hi heak vun; siatna lam ah patang bang na hi vun, ahihang khua ngaisutna ah na khanthin vun.

Ephesus te 2:21

Ama in inn bup a lenpa hi a, khangtosakin Topa tungah a ki aap biakinn thiangtho a suaksakpa ahi hi.

Ephesus te 4:15

Ki itna thinsung nei in thumaan ih sonna taw lutang ahi Christ sangah a nanamin ih khangto zaw tu hi.

2 Thessalonica te 1:3

Suapuite awng, note atu in hun theampo ah Pathian ka pok uh kul hi. Tuabang ka ngamtat tu uh sia maan hi, banghang ziam cile na upna uh nasia khan mama a, tuaciang note khat sim ii midangte na itna uh lian vaial hi.

1 Peter 1:23

Banghang ziam cile a nungta tawntung Pathian kammal tungtawnin, a thi maw a nungta tawntung nu le pa khat ii tate bangin, na piangthak zo uh hi.

2 Peter 3:18

Ahihang ih Topa le Hunpa Jesus Christ heakna le thuthiamna sungah na khangto suak vun. Ama tungah minthanna, tu le a tawntungin om tahen! Amen.