1 Peter 2:19 - Syin Chin Bible

¹⁹ Ama deina na phawna uh hu in, ngimthuak ngawl tu bul na thuak uh le, hite tungtaang ah, Pathian in thupha hong pia tu hi.

1 Peter 2:19 Iomraidhean Croise

Job 21:27

Elna thin kukal na nei uh hong he khi hi.

Psalm Late 119:86

Na thupiak theampo muan thamman hi; mihingte in leilot thu taw kei ngim hong pia hi — kei hong hu ta'n!

Psalm Late 35:19

Tua a leilot thei ka ngalte sia kei ii lelna hangin na kisatheisak heak in. Bangma ahang om ngawl bul a kei hong ensante in kei ii khuangaina hangin lungdamna taw hong nuisansak heak in.

Psalm Late 38:19

Ka ngalte sia ciidamin thahat hi; bangma thu om ngawl bulin hong ensan tam mama hi.

Psalm Late 69:4

Bangma thu om ngawl a, kei hong ensante sia ka lu a samzamte sangin tamzaw hi. Ka ngalte in kei langpanna leilot thu son hi; amate hat a, kei hong thatlum nuam hi. Ka nguk ngawl bul nate amate in hong pia kiksak hi.

Luke 6:32

“No hong itte bek na it uh le, banghangin thupha saang tu nu ziam? Mimawte zongh in amate a itte it hi!

John 15:21

Ahihang amate in hite theampo note tungah hong vawt tu hi, banghang ziam cile note keima neisa na hi uh hi; banghang ziam cile amate in kei hong sawlpa he ngawl hi.

Sawltakte 11:23

Ama a thet ciang, Pathian ii a mite thupha a piakzia mu ahikom ama lungdam a, Pathian tungah thin tak lung tak taw a thumaan natu in, amate theampo hanthawn hi.

Romete 13:5

Hi thu hu in thuneite thu na ni tavun — Pathian ii daan hong piak thei hang bek zongh hi ngawlin noma in khentel theina thin na nei uh hang zongh hi tahen.

1 Corinth te 15:10

Ahihang Pathian ii thuthiamna taw keima sia hi bang ciang ka hi a, ama hong piak thuthiamna sia a luithawthong a suak bua hi. Kei sia sawltak dangte sangin, nasia zaw in na ka seam hi. Tua zongh a tatakin kei ii sep hi ngawlin kei taw a om Pathian ii thuthiamna ii a sep ahi hi.

2 Corinth te 1:12

Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi.

2 Corinth te 8:1

Koma suapuite awng, Pathian ii thuthiamna in, Macedonia pawlpite sungah bang matutna nei ziam ci sia kong hesak nuam hi.

2 Timothy 1:12

tuaciangin hi thu hu in hite ka thuak hi. Ahihang thinmuanna taw ka kidim nginge lai hi, banghang ziam cile ka uppa ka he a, ama in kei hong muang a hong aapsa teng sia tua Ni dong ama in hong kepcingsak thei tu ci in ka he hi.

Hebrew te 10:2

Pathian a bia mihingte sia a mawna panin, kithiansua takpi hi le amate sia mawna taw kithasung nawn ngawl tu a, sangaw biakpiakna theampo om nawn ngawl tu hi.

1 Peter 2:20

Banghang ziam cile na khialna hangin velna na thuak le bang phattuamna om na ziam? Ahihang a maan na sep uh ciang ngawngawn in na thuak veve uh le, Pathian in tua hu in thupha hong pia tu hi.

1 Peter 4:15

Note sungah khat po in ngimna a thuak le zong, ama sia mihing a that, a nguta, khialna lian a vawt, tua ahibuale, midang a kamkup nop hu hi heak hen.