1 Peter 2:17 - Syin Chin Bible

¹⁷ Mihing theampo zatak vawt vun, na thu uppuite it vun, Pathian thasiana nei vun a, Kumpilianpa zakta vun.

1 Peter 2:17 Iomraidhean Croise

Pianciilna 20:11

Abraham in, “Hi sungah Pathian a thasia khat zongh om ngawl tu ahikom ka zi a dei manin kei hong thatlum tu hi, ci in ka ngaisun hi.

Pianciilna 22:12

Vantunglalang in, “Patangpa sia liamsua heak in, ama bangma law heak in. Pathian thu na nitna le na zatakna, tu in ka he hi, banghang ziam cile tapa khat bek na nei kei atu in na haza bua hi,” ci hi.

Pianciilna 42:18

A ni thum ni in Joseph in amate tungah, “Keima in Pathian kiita mihing khat ka hi a, thu khat hangin na nuntakna uh kong khoaikhe tu hi.

1 Khangtaanghthu 29:20

Tua zawkciang David in mipite tungah: “Topa na Pathian pok vun!” ci in thupia hi. A kikhawm mihonpi bup in Topa a taanghpupite ii Pathian pok in, a lu uh kun in Topa zatakna pia uh a, kumpipa zongh upatna pia uh hi.

Psalm Late 111:10

Topa zatakna in ciim natu lampi ahi hi; ama thupiakte a zui theampo tungah thu khentel thiamna pia hi. Ama sia a tawntungin pok tu ahi hi.

Pusuana 20:12

“Keima kong piak ngam le lei ah khansau in na nuntak thei natu in na nu le na pa zakta vun.

Paunakte 1:7

Heakna na nei natu in Topa thasiana na nei phot kul hi. Mihing mawmawte in ciimna awlmawk ngawlin kan nuam ngawl hi.

Paunakte 23:17

Mimawte eang heak in; Topa thasiana sia na nuntak sung na thintoi thu hisak in.

Paunakte 24:21

Ka tapa awng, Topa thasiana nei in a, kumpipa zongh zakta in. Kumpipa langpanin a leedote taw bangma kipee-awna nei heak in;

Thuhilsya 8:2

Kumpipa ii ci bangin vawt in a, Pathian tungah kamciam pia memeang heak in.

Thiampite 19:32

“Khanghaamte zatakna lak vun a, upat vun. Keima hong thasia in ka thu ni vun; keima in Topa ka hi hi.

Zechariah 11:14

Tua zawkciang ‘Kilomkhatna’ a kici ciangkang niina sia ka thiaktan a, Judah le Israel kilomkhatna kitamhtham hi.

Matthew 22:21

“Kumpilianpa aa hi” ci in zo uh hi. Tua ahikom Jesus in, “Pha hi, Kumpilianpa sum sia Kumpilianpa na pia vun a, Pathian sum sia Pathian na pia vun,” ci hi.

John 13:35

Khat le khat na ki it uh le mihing theampo in, no sia ka nungzuite na hina uh hong he tu hi,” ci hi.

Romete 12:10

Khat le khat Tapidaw unau khat bangin ki it in, khat le khat kizatak vawt vun.

Romete 13:7

Amate tungah na batte uh na lo vun, nangma pumpi tung pan ahizong na neisa tung pan ahizong shia cite peuma na pia vun, zatak tute na zakta vun a, upat tute na upat vun.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Ephesus te 5:21

Christ na thasiana uh taw khat le khat tungah thu kinitna nei tavun.

Philippi te 2:3

Kaangsung atu tupna bek taw ahizong, kisak thei nopna lel taw ahizong bangma seam heak vun, tua hi ngawlzaw in, khat le khat ii tungah kiniamkhiakin noma sangin ngualdangte a phazaw in ngaisun tawntung zaw vun.

1 Timothy 6:1

Kuama in Pathian min le eite hilcianna a sonsiat ngawl natu in, sila ahi theampo in a tote zatakna piak tu kilawm hi, ci in a ngaisut kul hi.

Hebrew te 13:1

Tapidaw mi unau khat bangin khat le khat ki it tawntung vun.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 2:13

Topa hangin mihing thunei peuma ii ukna nuai ah om tavun: a lianbel thunei ahi Kumpilianpa le,

1 Peter 5:5

Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.

1 Samuel 15:30

Saul in, “Keima maw zo khi hi. Ahihang ka mite ii lampuite le Israel theampo ii mai ah zatakna beak hong lak ta'n. Keima taw hong heak kik ta'n a, Topa na Pathian ka biak thei natu hong hi ta'n,” ci in zo kik hi.