1 Peter 2:16 - Syin Chin Bible

¹⁶ A suakta mite bangin nungta vun; ahizong ngitlo ngamtatnate seal natu in na suatakna uh zangh heak vun a, Pathian ii silate bangin nungta tavun.

1 Peter 2:16 Iomraidhean Croise

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

John 15:22

Amate kungah pai in thuson ngawl hi leng amate in mawna a nei buatu uh hi; tu in ahile amate a mawna huvau in kamzon natu a nei nawn bua uh hi.

Romete 6:18

Note mawna panin hong kisuaktasak zo a, thutang ii silate na hi zo uh hi.

Romete 6:22

Ahihang tu in note sia mawna panin hong kisuaktasak zo a, Pathian silate na hi uh hi. Na meetna uh sia nuntakna a cialcingin ama tungah na kipum aapna uh hi a, tua taw kizom thu in tawntung nuntakna ahi hi.

1 Corinth te 7:22

Banghang ziam cile Topa ii a sapsa sila khat sia Topa atu a suakta ahi hi; tuasia bangma in, Christ ii a sapsa a suakta mihing khat sia Christ ii sila ahi hi.

Galatia te 5:1

Suatakna sia ei neisa hi — Christ in hong suaktasak zo hi! Tua ahikom a suakta mihingte bangin, ding vun a, sila na suak kik nuam heak vun.

Galatia te 5:13

Ka suapuite awng, no sia a suakta tu in hong kisam hi. Ahihang hi suatakna in chi le sa deina ii hong ukna tu a paulap nuam hisak heak vun. Tua taangin ki itna taw khat le khat kihu vun.

Ephesus te 6:6

Hong kipok tu thangaina taw amate hong mu sung teng bekin, tuabangin ngamta heak vun a; Christ ii sila bangin, Pathian dei sia na thin theampo taw seam vun.

Colossae te 3:24

Topa in ama ii mite atu a khealsia thamante note hong pia tu hi ci in na phawk tavun. Banghang ziam cile na Topa tatakin Christ ahi hi.

1 Thessalonica te 2:5

Note kungah kong pai uh lai in, kisialpokna kampauna taw kong pai bua uh a, duhopna a phualseal natu kammalte kong zangh bua uh hi. Tuabang ka hi uh sia noma in nong he mama uh hi — Pathian sia koma tetti ahi hi!

James 1:25

Ahihang mihingte a suaktasak a kicing thukham sia pha takin a et zawkciang thupi ngaisut tawntung a, a zaak sia a mangil kik paih sia hi ngawlin, a zui — a nuntak puite peuma sia Pathian in a sepna ah thupha pia tu hi.

James 2:12

Eite hong suatak thukham sia taw thu a kikhen tu mihingte bangin pau in, ngamta vun.

2 Peter 2:19

Amate in tuabangte suatak natu kamciam pia ahihang, amate mama sia lalna zongsangna ii silate ahi uh hi — banghang ziam cile mihing khat sia ama a zocip na khat pawpo ii sila ahi hi.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.