1 Peter 2:12 - Syin Chin Bible

¹² Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

1 Peter 2:12 Iomraidhean Croise

Psalm Late 37:14

A zawngte le a cimawte thatlum nuam a, a maan na a seamte thatlum nuamin, mihing seksolte in a namsau dokin a thal uh keak uh hi;

Psalm Late 50:23

Lungdamkona sia kei vaang hong pia sangaw biakpiakna hi a, kei thu hong nite theampo ka hun takpi tu hi” ci hi.

Isaiah 10:3

Pathian in note daan hong piak ciang note in bang na law tu uh ziam? Ama in ngam khuala khat panin ngimna, siatna note tungah hong tunsak ciang bang na law tu uh ziam? Hong hu tu zongin koisungah na tai tu uh ziam? Na nei na lamte koisungah na phual tu uh ziam?

Daniel 6:4

Tuasia ciang nasep uk dangte le ngamkhen uk tengin Daniel ii kumpi ngamlian uk nasepna encik a, a khialna zon tu hanciam uh hi. Ahihang Daniel sia muanhuai a, a thumaan le a citak khat ahikom amate in a khialna, a thumaan ngawlna mu zo ngawl uh hi.

Matthew 10:25

Tua ahikom, nungzui khat sia a syapa taw a kiban ciangin, lungkim tahen a, sal khat zongh in a topa taw a kiban ciangin, lungkim tahen. Baangkua pabel sia Beelzebul a kici le, a innkuan pui dangte zongh min a sia seseam taw kina tu hi.

Matthew 5:11

“Kei nungzui na hi uh hu in ngual in hong zawngsak hong vawtsia in, ngitlo leilot thu a nanam taw mawna hong zong le mihing lungdamte na hi uh hi.

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Matthew 9:8

Mihonte in a mu uh ciangin liinglawng uh a, mihingte tungah tuabang thu nei theina a piak hu in, Pathian pok uh hi.

Luke 1:68

“Israel te ii Pathian Topa pok tek tawng! Ama in a mite hun tu in hong pai a, suaktasak hi.

Luke 19:44

Amate in na khuapi lalthamsak tu a, na tate uh taw hong moncip siat tu hi; suangtum khat beak zongh a omna ngei ah hong om nawn buatu hi, banghang ziam cile Pathian in no hong ngum tu in hong pai hunlam na phawk bua uh hi,” ci in kaamal lo hi.

Luke 6:22

“Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

John 13:31

Judas ii paisan zawkciang Jesus in, “Tu in Mihing Tapa ii minthanna kilangh hi; tu in Pathian minthanna ama tungtawnin kilangh hi.

Sawltakte 15:14

Amate sung panin, ama atu minam tuam khat a laakna taw Pathian in Gentile te a thinbotna a lak phitna thu sia, Simon in a son zawk bek ahi hi.

Sawltakte 24:13

Tu in hong mawsiat nate zongh maan hi ci in, hong lak thei ngawl tu hi.

Sawltakte 25:7

Paul a thet ciangin Jerusalem pan hong pai Jew te in, a kiimkot ah dingin, a nasia mawsakna tam mama nei ahihang amate in, a maan takin a lak thei bua uh hi.

Sawltakte 28:22

Ahihang nangma ngaisut nate ka za nuam uh hi, banghang ziam cile, mun theampo ah mihingte in, na pawl puite a siatson tek sia ka he uh hi,” ci uh hi.

Romete 12:17

A sia in hong vawt a om le a sia taw thuk heak vun. Mihing theampo ii pha hi ci in a ngaisutte sep tu hanciam vun.

Romete 13:13

Sun khuavak sungah a teangte bangin, eite a kilawmin ih ngamta tu hi — Lawplaina, zukhamna, a maizumhuai ngamtatna, kihauna tua ahibuale ki eennate ih vawt buatu hi.

Romete 14:18

A kua po ahizong hi bang a, Christ atu nasep a seamte in Pathian lungdamsak a, mihingte in lungkim pui hi.

Romete 15:9

Gentile te ngawngawn zongh in Pathian ii hesuakna a pok thei natu in Christ in Jew te naseampa suak hi kong ci hi. Laithiangtho in, “Tua ahikom Gentile te sung pan ka lungdamna nang tungah kong ko tu a, pokna la ka sa tu hi,” ci hi.

1 Corinth te 14:25

ama ii thuku a ngaisut teng a pua ah hong kilangh tu a, ama in kunin Pathian bia in, “A maan tatakin Pathian sia hi sung, note sungah om hi!” ci in pualaak tu hi.

2 Corinth te 1:12

Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi.

2 Corinth te 13:7

Kote zawna a lak tu hi ngawlin, ko sia a lelte bang zongh hi tha tu ka hi uh hang, a maan sia na sep thei natu in na tatkhial ngawl natu Pathian tungah thu kong ngetsak uh hi.

2 Corinth te 8:21

Ka tupna uh sia Topa mai bek ah hi ngawlin, mihingte mai zongh ah a maan in a seam nuam ka hi uh hi.

Ephesus te 2:3

A tatakin eite zongh, amate bang ih hi ngei a, ih pianpui lungngulnate taw ih nungta zo hi, ih pumpi le ih thinsung taw a kisi bangin ih seam ih vawt hi. Ih pianlim in ngualdang bangma in, Pathian thin uukna thuak tu in, a kiciangtan sa ih hi hi.

Ephesus te 4:22

Nidang a na nuntakziate uh taw hong nungtasak na milui uh — a maan ngawl duna le deinate ii a lalcipsak na milui uh sia vawkkeak vun.

Philippi te 1:27

Tu in a thupi thu in na nuntakna uh sia Christ lungdamna thu ii dei bang tatak ahi natu thu ahi hi, tua hile kei kong pai thei a, kong pai maw zong note tupna kibang khat tungah kip takin a dingte hi a, deina khat bek taw lungdamna thu upna atu ngaldo khawmte na hi hunlam kong za tu hi.

Philippi te 4:8

A khakbel kong cinopna ah ka suapuite awng, thupha le a pok huai thute: a thumaan, mipi tan huai, a thutang, a thiangtho, a ithuaite le a thasiahuai nate na ngaisun tavun.

1 Thessalonica te 4:12

Hi bang teng taw in thu um ngawlte ii zatakna na nga tu uh a, tuaciang na kitaangsapna tungtaang ah kuama na konlaw uh a kul buatu hi.

1 Timothy 2:2

eite nuam takin kilem vadiam in om thei a, Pathian thasia in a kilawm ngamtatna taw ih nuntak thei natu in kumpite le a dang thu nei uliante atu zongh tuabangin na vawtsak natu kong thawn hi.

1 Timothy 4:12

Khangmoi na hi hu in, kuama in na zawngsaksak heak in a, ahihang na pauna, na ngamtatna, na itna, upna le thiangthona sungah, thu umte ii ettee tu hi ta'n.

1 Timothy 5:10

tuaciangin ngamtat pha nei hi ci in a kisonte: a tate pha takin a khangtosakte, a inn ah zin pha takin a dote, Tapidaw puite tungah a kiniamkhiakte, a ngim nga mi a hute, na pha seam tu in a kipumpiakte a hi tu kisam lai hi.

Hebrew te 13:18

Ko atu thu hong ngetsak tawntung tavun. Thin thiangtho nei ung, ci ngam khu hi, banghang ziam cile, a maan bekma seam tawntung nuam khu hi.

Hebrew te 13:5

Na nuntakna uh sia sum le vanh manpha deina taw na kipealsak vun a, tuaciangin na nei uh sia taw na lungkim vun. Banghang ziam cile Pathian in, “Bangma hunin kong taisan ngei buatu a, kong nusia ngei buatu hi,” ci hi.

James 3:13

Note sungah a ciim thutel thei na om uh ziam? Amate in tuasia a nuntakna pha taw ahizong, kiniamkhiakna le ciimna taw a pha sepnate taw ahizong lak tahen.

1 Peter 2:15

Banghang ziam cile a pha na vawt uhte taw, mihing mawmawte ii a mot paunate na thimsak tu uh Pathian in hong deisak hi.

1 Peter 3:16

ahihang tuabang na son uh ciang, cikna thiamna le kithasiana nei tavun. Na thinsung ah, kithasunna omsak heak vun, tua hile hong kiselno ciangin, Christ nungzuite na hina uh taw na ngamtat phate hong sonsiate sia, amate pauna taw a maizum tu uh hi.

1 Peter 4:11

Thuhil pawpo in Pathian ii ngupna thute hil nanak tahen a; na theampo ah Jesus Christ tungtawnin Pathian tungah pokna a kipiak thei natu in, na a seam pawpo in Pathian piak thangui thatang taw seam nanak tahen, tua Pathian tungah minthanna le vaangletna a tawntung a tawntungin om tahen. Amen.

2 Peter 3:11

Hite theampo tuabangin kilalcipsak tu ahile no sia bangbang mihingte na hi tu uh kisamh tu ziam? Na nuntakna uh sia thiangtho tu a, Pathian atu in a ki aaptuam nuntakna hi tu hi,

Ruth 3:14

Tua ahikom ama in Boaz ii khuadop ah lum top hi, ahizong ama a kimu ngawl natu in khuavak mahiat in tho hi, banghang ziam cile Boaz in ama tualai ah a om sia kuama in a hesak nuam bua hi.