1 Peter 2:11 - Syin Chin Bible

¹¹ Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.

1 Peter 2:11 Iomraidhean Croise

Pianciilna 21:34

Philistia ngam ah Abraham khuangei ma teang hi.

Pianciilna 23:4

“Keima in note sungah ngamdangmi hong teang khat ka hi a; ka zi ka phum thei natu in, leitang tawm hong zuak tavun,” ci hi.

Pianciilna 47:9

Jacob in, “Vak kawkoai in ka nuntak zawk kum za le kum sawmthum pha zo hi. Ka taanghpupite ii kum tampi a vak kawkoai sia za zongh hi ngawl lai in, kum tawm napi ka haksa hi,” ci in zo kik hi.

1 Khangtaanghthu 29:15

Oh Topa, nong heak hi a, ka nuntakna uh sia ka taanghpupite bangma in, saltaangte le khualmite bangin ka nungta uh hi. Ka ni ka hunte sia hong kaantan limh khat bang hi a, thina pan ka suakta thei bua uh hi.

Psalm Late 119:19

Hi sung leitung ah tawm vei bek ka om tu hi; na thupiakte kei kung pan seal heak in.

Psalm Late 119:54

Leitung ka nuntak hun tom no sungah na thupiakte huvau la in ka phuak hi.

Psalm Late 39:12

Topa awng, kong thungetna hong za ta'n a, ka auna hong ngai ta'n; ka kaa ciangin kei hong hu tu in hong pai ta'n. Ka taanghpupite theampo bangma in keima in tawmvei no sung atu bekin na leangna ka hi hi.

Thiampite 15:18

Numei le pa omkhopna a nei zawkciang a nii in kibual nanak tu a, ahizong amate nitak dongin thiang ngawl veve hi.

Thiampite 25:23

Na leitang sia a tawntung atu in kizuak thei ngawl tu hi, banghang ziam cile nang neisa hi ngawl hi; Pathian neisa hi a, no sia thaw khuan a nga ngamdangmite taw na kibang uh hi.

Luke 21:34

Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

Sawltakte 15:20

Tua hi ngawl zawin, amate tungah lai ih thaak tu a, milim biakna in a kizak hu in a thiangtho ngawl ante a neak ngawl natu; numei le pa khialna panin, a kikep natu; nganhing a tawl kimeaklumte sa a neak ngawl natu le sachi neak ngawl natu, lai thaakin ih son tu hi.

Sawltakte 15:29

milim biakna ah a kipiasa an peuma na ne heak vun; sachi na ne heak vun; a tawl a kimeaklum nganhingte sa na ne heak vun. Numei le pa khialna panin, na kikeam tavun. Hi teng na tang zo po le uhte pha tu hi. Dam tek tawng.” ci in at uh hi.

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Romete 7:23

Ahihang ka pumpi sungah ngeina dangkhat in na hong seam hi — ka thinsung ii dik a sak ngeina sia a langpan ngeina khat sia ahi hi. Ka pumpi sung a na hong seam mawna taw kisai thukham ii thongtaakpa hong suaksak hi.

Romete 8:13

Banghang ziam cile mihing pianzia bangin na nungta uh le na thi takpi tu uh hi; ahihang mawna ngamtatnate Thaa taw na thatlum uh le na nungta tu uh hi.

2 Corinth te 5:20

Tua ahiciang hi sungah kote Pathian ma in kote tungtawnin note tungah hong thuum bangma in Christ atu in thuson ka hi uh hi. Christ ii taangin kong thuum uh hi: Pathian in a ngalte na hina uh pan, a lawmte hong suaksak tahen!

2 Corinth te 6:1

Tua ahiciang, Pathian taw ko ii nasep khopna sungah Pathian ii thuthiamna a saangte in, tua thu thiamna sia a luithawthong a suasak ngawl natu in kong thuum uh hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Galatia te 5:24

Tuaciang Christ Jesus ii neisa ahite in, a mihing pianzia le tua ii uukna le deinate sia thi khawmsak zo hi.

Ephesus te 2:19

Tua ahikom, Gentile te sia, ngamdang mi, khualmi hi nawn ngawl a; tu in note in Pathian ii mihingte taw ngam mipui, Pathian innkuan sungah a kihel mihingte na hi uh hi.

Ephesus te 4:1

Tua ahiciang Topa ii na ka sep hu in, thongtaak keima in, Pathian ii note hong sap hun laitakin hong koisak bang nuntakna zia taw na nuntak natu in, kong hanthawn hi.

2 Timothy 2:22

Khangno lungngulnate pialin, tuaciangin thumaan thutang, upna, ki itna, thinnopna sia, thinsung thiangtho taw Topa tungah huna ngen a, a aute taw nga khawm tu in na hanciam in.

Hebrew te 11:13

Hi mite theampo sia upna sungah thi uh hi. Amate in Pathian ii kamciamte saang man ngawl a, a khualana pan ngal mu bek uh hi, ahitazong lungkim veve uh hi. Tuaciang amate in hi leitung ah ngamdangmi le ngaltaite bang ahi uh sia pualaak uh hi.

Hebrew te 6:9

Ahizong hi bangin ih pau hang, kong it lawmte awng, no atu sia ka lungmuang hi. Note ii ngupna taw kizui thupha a phazawte na nei uh sia kong he uh hi.

James 4:1

Note sungah kihauna le kidona teng sia koisung pan hong pai ziam? Na sungah a kido tawntung leitung nopna na deina uhte pan hong pai ahi hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.

1 Peter 1:17

Mihing khat sim ii a sepna bangin a kibang thukhenna taw mihing theampo thu a khen Pathian tungah thu na nget uh ciang, Pa awng, na ci uh hi; tua ahiciang hi leitung ah nungta in na om uh laiteng ama thasia tavun.

1 Peter 4:12

Ka it lawmte awng, a haksa ze etna na thuak uh hu in, lamdang sa heak vun, a piang ngeingawl thute no tungah hong piang bangin ngaisun heak vun.

1 Peter 4:2

Tua ahikom tu pan kipanin, na leitung nuntakna uh a om laiteng, mihing ii deinate in uksak heak vun a, Pathian ii deina in uksak hamtang vun.

2 Peter 3:1

Ka it lawmte awng, hi sia in no tung kong laithak a niina hi. Laithakte ngeal sungah na thinsung a om a thiangtho ngaisutnate a kiphawlo thei natu in, hi thute phawsak tu in kong hanciam hi.