1 Peter 2:10 - Syin Chin Bible

¹⁰ Hun khat lai in, note sia Pathian mite na hi bua uh hi, ahihang tu in ama mite na hi uh hi; hun khat lai in, Pathian ii hesuakna na he bua uh hi, ahihang tu in ama ii hesuakna na saang zo uh hi.

1 Peter 2:10 Iomraidhean Croise

2 Samuel 7:24

Nangma in Israel te a tawntungin nangma mi na suaksak a, Topa awng, tuaciang nangma sia amate ii Pathian suak zo ni hi.

Hosea 2:23

Ka mite tua ngam ah ka khosak tu a, ka nuamsasak tu hi. “A ki it ngawl” a kicite tungah itna ka lak tu a, tuaciang “Ka mi hi ngawl” a kicite tungah, “Note ka mi nu hi,” ka ci tu hi, tuaciang amate in, “Nangma kote Pathian na hi hi,” ci in hong zo tu uh hi.

Romete 10:19

Tua ahile: Israel mite in he ngawl ziam? ci in kong dongh kik hi. Moses ama mama in hong zo phit hi: “Minam in a kisim ngeingawl mihingte in, eenna thin hong neisak tu hi. A mawmaw minam khat zanghin na thin uh kong uuksak tu hi.”

Romete 11:30

No Gentile te na hi uh le a bosa hun sungah Pathian thu na ni bua uh hi; ahihang tu in Jew te thu nit ngawl hu in Pathian ii hesuakna na saang uh hi.

1 Corinth te 7:25

Tu in zi nei ngawl pasal nei ngawlte huvau nong dokna taw kisai in: Topa tung panin thupiakna nga ngawl khi hi. Ahihang Topa hesuakna taw a muan taak khat bangin keima ngaisutna kong pia hi.

1 Timothy 1:13

ahihang hun bosa sungah ama ngensia in, vawtsia in lang zazaan ngei hi kaleng, upna ka nei ma, heakna nei ngawlin ngamta ka hikom Pathian in kei hong hesuak hi.

Hebrew te 4:16

Tua ahikom, kimuanna nei in thuthiamna a omna mun Pathian kumpi tokhum kung zuan tek tawng. Tua munah hesuakna ih saang tu a, ih kitaangsap laitak hong hu tu in, thuthiamna ih mu tu hi.