1 Peter 2:1 - Syin Chin Bible

¹ Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.

1 Peter 2:1 Iomraidhean Croise

Job 36:13

Pathian selte sia thin uuk tawntung hi, daan a kipiak ciang zongin, huna a nga natu in thungen ngawl uh hi.

Psalm Late 32:2

Topa ii ngamta khial hi ci a, maw a sot ngawlte le, theamna cite theampo taw a kipealte in mihing lungdamte ahi hi.

Psalm Late 34:13

Tua ahile kam ngilo pauna le leilot thusonnate pan kikeam vun.

Psalm Late 37:1

Mihing seksolte hangin thinngim heak vun; khialna a vawtte eang heak vun.

Psalm Late 73:3

banghang ziam cile keima in mihing seksolte atu in na theampo a dik veu in a pian ka mu ciangin a kiphasakte ka eang hi.

Paunakte 14:30

Thinnopna in pumpi ciidamsak hi, ahihang eenna thin in cancer natna taw kibang hi.

Paunakte 24:1

Mihing tatsiate na eang heak vun a, amate pawlpui tu in na hanciam heak vun.

Paunakte 24:19

Mihing ngilote hangin na thinngimsak heak in; amate eang heak in.

Paunakte 3:31

Mihing ngoltolte eang heak in a, amate ngamtat bangin ngamta tu in khensat heak in,

Isaiah 2:20

Tua ni hong thet ciang, khamh le ngunn taw a vawt sa milimte, amate ma in vawkkeak tu a, tuate sia buite le bakte nusiat tu uh hi.

Isaiah 30:22

Ngunn taw kizut in khamh taw a kituam, na milimte na la tu uh a, tuaciang ninteak bangin vawkkeak in, “Ka muna ah om heak vun!” ci in na ausan tu uh hi.

Matthew 15:7

No a kihitheamsakte awng! no huvau Isaiah ii sonkholnate bangza in maan ziam!

Matthew 23:28

Tuasia bangma in no sia a pua sang panin a kuama po ii muna ah a hoi bang na hi uh hi, ahihang na sungsang uh ahile kihi thepsakna le mawna taw kidim nu hi.

Matthew 24:51

A topa in ama sia nasia takin ngim pia tu a, a kihitheamsakte ii thuak tu teng thuaksak tu hi. Tua munah ama sia kap in ha ngoai tu hi,” ci hi.

Matthew 7:5

No a kihisak minamte awng! Noma mittang sungah thingluang sia la keak phot vun, tua hile na suapuipa mittang sung ninteak sia na laak thei natu in, thiang takin na mu thei tu uh hi.

Mark 12:15

Ahihang Jesus in amate ii thimthel pilna teng tel a, ‘Banghangin kei thaang hong sia nuam nu ziam? Ngunn dangka khat hong paipui tavun, hong en sin tong,” ci hi.

Luke 11:44

Bangza in lauhuai ziam! No sia a kilangh ngawl thaan, ngual in a tungtawn a, a heak ngawlin a sicilte taw na kibang uh hi,” ci hi.

Luke 12:1

Mihing tul tam mamate kiphulungin khat le khat peang kisiik tha in a om laitak Jesus in a nungzuite munah a masa phitbelin hi bangin ci hi, “Pharisee te ii tol panin na kikeam vun — amate kihisak theamna ka cinopna hi.

Luke 6:42

Na suapuipa munah, ‘Suapui awng nong hesuakna in, na mittang sungah ninteak sia hong laakkeaksak tong,’ na ci hang, nangma mittang sung a thingluang sia zongh mu thei ngawl hi ngawl ni ziam? No a kihitheamsakte awng! A masa phit in noma mittang sung a thingluang sia lakeak phot vun, tuasia zawkciangin na suapuipa mittang sung pan ninteak sia na laak thei natu in, a thiang takin, na mu thei tu uh hi.

John 1:47

Jesus in ama kungah Nathanael hong pai a mu ciangin, ama thu hi bangin son hi. “Hi sungah, Israel mi tatak khat om hi; ama in paubanna nei ngawl hi!” ci hi.

Romete 1:29

Amate in ngitlona, siatna, duhopna le kilalsak theina namcinte taw kidim a; ki eenna, kisuamlupna, kihauna, ngualtheamna le siatvawt nopna thin taw kidim uh hi. Amate nawnsan a,

1 Corinth te 14:20

Ka suapuite awng, na khua ngaisutna uh ah, patang bang hi heak vun; siatna lam ah patang bang na hi vun, ahihang khua ngaisutna ah na khanthin vun.

1 Corinth te 5:8

Tua ahikom ih ngitlona le mawna tol lui taw a kivawt anluum taw hi ngawlin tol saw ngawl thumaanna le thianthona anluum taw ih Paisan Poai khaam tawng.

2 Corinth te 12:20

No kung kong thet ciangin kong dei bang na hi ngawl na uh kong mu tu le, kei zongh nong dei uh bang ka hi ngawlna nong mu tu ka lau hi. Kihauna le ki eenna, thintomna le kaangsung heakna, kiselnona le kingensiatna, kiphatsakna le kilemngawlna te ka mu tu ka lau hi.

Ephesus te 4:31

Thin natna, thin tomna le thin uukna theampo na vawk vun. Ki oksatna ahibuale kiselnona, ki etsatna a tuatuamte theampo vawk vun.

1 Thessalonica te 2:3

Note tungah kong maangkaana uh sia khialna ahibuale a thiangtho ngawl niimnate tungah kibulphu ngawl hi, khat po theam tu zongh ka hanciam bua uh hi.

1 Timothy 3:11

A zite uh zongh, ngamtat pha nei tu a, ngual ngen ngawl tu hi; amate in na theampo sungah thutuumin thumaan tu hi.

Titus 2:3

Tuasia bangma, numei khanghaamzawte a thiangtho nuntakna taw a nungta numeite bangin, a ngamtat natu hil in. Amate sia ngual ngensia theite hi ngawl tu a, sapittui ii sila hi ngawl tu hi. Amate in a pha teng hil thei tu a,

Hebrew te 12:1

Ei ih hi le, ih kiimkot ah hiza a tam mihonpi tetti ih nei hi. Tua ahikom ih mai hong khak thei na theampo le hong lencip thei mawnate vawkin, ih mai ah tai kidemna sungah thin khensatsa in tai tek tawng.

James 1:21

Tua ahikom a kiihuai zongsang nate le seksolnate theampo vawk siat vun. Pathian tungah ki aap vun a, na thinsung ah hong khum a kammal na saang vun, tua in note hong ngum thei hi.

James 3:14

Ahihang na thinsung ah eenna, thin natna le duhopnate a om le, na ciimna na kiphatsakpuina taw thumaan thutak sia langpanin mawna vawt heak in.

James 4:11

Ka suapuite awng, khat le khat na kisonsia heak vun. Tapidaw suapui khat a sonsia ahibuale a tung a thu a khen sia in, Thukham sonsia a thukhen ahi hi. Thukham tungah thu na khen le, Thukham a zui nawn ngawl, Thukham tungah thukhenpa na hi uh hi.

James 4:5

Laithiangtho sungah, “Pathian ii ih sungah hong koisak thaa sia a nasia mama lungngulnate taw kidim hi,” a ci sia thumaan ngawlin ngaisun heak vun.

James 5:9

Ka suapuite awng, note khat le khat tungah lungkim ngawlna taw na kiphunsan heak vun, tua hile Pathian in no tungah thu hong khen ngawl tu hi. Thukhenpa sia hong nai zo a, hong kilangh tu in kithoai zo hi.

1 Peter 2:16

A suakta mite bangin nungta vun; ahizong ngitlo ngamtatnate seal natu in na suatakna uh zangh heak vun a, Pathian ii silate bangin nungta tavun.

1 Peter 2:22

Ama in mawna vawt ngawl a, ama kam panin leilot thu pusuak hi ci in kuama in za ngeingawl hi.

1 Peter 3:10

Laithiangtho in: “Nuntak nuamin a nungta nuamte le hunphate a mu nuamte in, kam sia pau heak hen a, leilot thuson kheal nanak tahen.

1 Peter 4:2

Tua ahikom tu pan kipanin, na leitung nuntakna uh a om laiteng, mihing ii deinate in uksak heak vun a, Pathian ii deina in uksak hamtang vun.

1 Peter 4:4

Tu in Pathian he ngawlte in amate sansak po maitat, loklenna sungah na kihel nop nawn ngawl uh ciang, lamdang sa in note hong selno uh hi.

Thupualaakna 14:5

Amate sia leilot thuson hi ci in kihe ngeingawl hi; amate sitbaanna nei ngawl hi.