1 Peter 1:7 - Syin Chin Bible

⁷ Tua haksatna thuaknate ii tupna in na upna uh a maanna a kilak natu ahi hi. A kisia thei khamh ngawngawn zongh meisa taw kisit lai hi; tua ahikom khamh sangin tam mama in a man nei zaw na upna uh zongh a kip thei natu in hong kisit tu hi. Tua hile Jesus Christ hong kilaak Ni tak ciangin pokna, minthanna le vaang piakna na saang tu uh hi.

1 Peter 1:7 Iomraidhean Croise

Job 23:10

Tua hi napi Pathian in ka kalsuanna theampo he hi; Ama in kei hong sit le a thiangin hong mu tu hi.

Job 28:1

Ngunn a kitawna mun ah a khukte om a, Khamh a kithiansakna munte zongh om hi.

Psalm Late 17:3

Ka thinsung hong he ni hi. Zanin kei kungah nong pai hi; nong veal ngiingeei zo a, ka sungah ngitlo nopna nong mu bua hi.

Paunakte 16:16

Khamh le ngunn sangin ciimna le heakna nei tu phazaw hi — phazaw pek hi.

Paunakte 17:3

Khamh le ngunn sia mei taw hal in kisit hi, Topa in mihing khat ii thinsung sit hi.

Paunakte 8:19

Kei tung pan na ngate in khamh phabel sangin phazaw a, ngunn ciitak sangin phazaw hi.

Thuhilsya 5:14

tuaciang nasep pha ngawl khat tungah sumhcip in a tate atu zongh bangma kheet ngawl hi.

Isaiah 48:10

Meikhuk sungah ngunnte a kisit bangma in note sia meisa thuakna sungah kong sit zo hi. Ahihang note sia bangma man nei ngawlin kong mu zo hi.

Jeremiah 48:36

“Tua ahikom mithi vuina taamngai a tum khat bangin Moab atu le Kir Heres mite atu in ka khuangai hi; banghang ziam cile a neisa theampo a bo siat hang ahi hi.

Jeremiah 9:7

Tua ahikom Vaanglianbelpa Topa in, “Ka mite leisung sumpiang bangin ka thiangsak tu a, ka sittel tu hi. Ka mite in a sia vawt zo a — amate bang law tuan thei tu khi ziam?

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Malachi 3:3

Ama in ngunn a thiangsak pa khat bangin thukhen tu in hong pai tu hi. Thik seakpa in khamh le ngunn a thiansak bangin a maan biakpiakna te Topa kungah hong paipui natu in, Topa kamtaipa in thiampite thiansua tu hi.

Mi Simna 5:28

Ahizong tua nu a khial buale bangma tat ngawl tu a, nau nei thei tu hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Matthew 25:21

‘Pha hi, a thumaan naseam pha pa awng, tawmno na zeakna tungah thumaan na hikom, tampi zeakna ah a uk tu in kong koi tu hi. Kei taw lungdam khawm tu in hong pai ta'n!’ ci hi.

Matthew 25:23

‘Pha hi, a thumaan naseam pha pa awng! Na tawmno tungah thumaan na hikom, na tampite uk tu in, kong koi tu hi. Kei taw lungdam khawm tu in hong pai ta'n!’ ci hi.

Luke 12:33

Na neisa theampo zuak vun a, na nga uh sumte a zawngte pia vun. Na hauna uh sia van ah na khol vun, tua munah a man sulh ngeingawl tu hi. Banghang ziam cile tua munah ngutate in ngu thei ngawl a, nget in ne thei ngawl hi.

Luke 17:30

Mihing Tapa hong kilaak ni ciangin, tuabang ma hi tu hi.

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

John 5:44

No khat le khat kipok tu na thangai uh hi, ahihang khat bek ahi Pathian tung pan pokna nga tu na hanciam bua uh hi; tua ahile bangbangin kei hong um thei tu nu ziam?

Sawltakte 8:20

Ahihang Peter in zo kik a, “Pathian letsong sia sum taw kilei thei tu in na up hu in, nang le na sum teng sia hell ah pai tahen!

Romete 2:10

Ahihang Pathian in minthanna, upatna le thinnopna sia thupha vawtte theampo tungah, Jew te masa photin Gentile te zongh pia tu hi.

Romete 2:29

Jew tatak a kicite sia a sungsang Jew hi a, a thinsung vunteap a ki at, tua zongh Pathian Thaa ii sepna taw a ki at hi in, thukham ii sep le vawt ahi ngawlte hi. Hi bang mite in mihingte pokna hi ngawlin Pathian pokna saang uh hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

Romete 8:19

A kibitphua sa theampo in Pathian ii tate sia akua bang teng hi tu ziam ci in hong kilaak tu kaal ngakla in om uh hi.

1 Corinth te 3:13

Tuaciang mihing khat sim ii nasepna a phat le a phat ngawl sia Christ Ni in a pholaak ciangin kimu tu hi. Banghang ziam cile tua Ni in meikuang in mihing sim ii nasepna kilanghsak tu hi; meikuang in tua nasepnate sittel tu a, a phatna le a siatna lak thiang tu hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

1 Peter 1:13

Tua ahikom a diang tu in, na thin sung uh ah kingin khol tavun. Jesus Christ hong kilangh ciangin, note hong piak tu thupha tungah lametna a cingin nei tavun, na kipilvangsak vun.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.

1 Peter 2:4

Mihingte in mannung ngawl hi ci in nial hikale Pathian ii manpha a sak, a teal, a nungta suangpi ahi, Topa kungah pai tavun.

1 Peter 2:7

No a umte atu in hi suang sia man nei mama hi; ahihang a um ngawlte atu in: inn sate ii mannung a sak ngawl, a nial suang sia a vekpi sung pan a thupibel hong suak hi,” ci hi.

1 Peter 4:12

Ka it lawmte awng, a haksa ze etna na thuak uh hu in, lamdang sa heak vun, a piang ngeingawl thute no tungah hong piang bangin ngaisun heak vun.

1 Peter 4:13

Christ ii vaangletna hong kilangh ciangin, lungdamna a cingin na nga thei natu in, ama thuaknate thuakpui na hi uh komin, lungdam zaw tavun.

1 Peter 5:1

Pawlpi upa khat ahi keima in no pawlpi upate tungah kong thuum hi. Keima sia Christ thuakna ii tetti khat ka hi a, maisang hong kilangh tu minthanna a nga tu khat ka hi hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

2 Peter 1:4

Hi bangin hong kamciamsa ahi a lian mama le a manpha letsongte sia, leitung ah a om hong lalsak thei cii le sa deina pan suatakna na nga thei natu le ama pianzia na siim thei natu in hong piak ahi hi.

2 Peter 3:14

Tuaciangin ka lawmte awng, tua Ni ngakin na om uh ciang Pathian mu na ah na thiantho natu, na sitbaang ngawl natu le ama taw na kilem natu in, ahithei za in hanciam tavun.

Jude 1:24

Tu in na puk ngawl natu in, hong keam thei a, ama ii minthanna mai ah a sitbaang ngawl le lungdamna lianpi taw hong then thei —

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.

Thupualaakna 3:10

Thuak kenkon natu kong thupiakte, keamcing na hi uh komin, leitung bup mihingte ze et tu in, ngimna hong pai ciang, note zongh kong keamcing tu hi.

Thupualaakna 3:18

Tua ahikom ngaisut kong piakna panin, na hau natu in kei kung pan khamh, khamh ciitak hong lei ta'n. A maizumhuai pumnguaktangin na om sia na kiseal natu in, puankaang zongh hong lei ta'n. Khua na mu thei natu in, na mittang na noi tu in, za pawlkhat hong lei ta'n.

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.